الصبر المحدود والوزى وبري الحال

حمد بن فطيس


هلا وغلا فيك وفي مرورك ودعتك الله

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
الاوعذاب العين من صبري المحدود=ولا وبري حالي من اللي يوازيني
ليا جيت أبرقد جاني الهاجس المقرود=يضوي الهموم ويطرد النوم من عيني
تعلمت بأسبابه عذاب الليال السود=على غفوة المرتاح دايم يسريني
خويي بمسرى الليل تفكيري المشدود=وطريقي طويل وزهبتي ما تكفيني
على نقطة المبدأ ولي منهج(ن)مجرود=ولا أدري بعدها وين ربي يوديني
إلي عام وأكثر مستمر (ن)على الصمود=لا طفت الخطوط ولا أستخلن موازيني
أشاور وأنا أدري بعض الاشوار ما به فود=وأنا الله برأيي عن هل الرأي يغنيني
يجيب المشورة عاقل(ن) مخلص(ن) محمود=ولكن دليل الرأي يبغى براهيني
نصحني الفطين اللي يراقب هبوب النود= يقول الهواء يخلف طيار الشياهيني
وأنا أقول يا بعيد النظر للجبال حيود= ترى موسم الحجة يزيد الملبيني
ركود(ن) يبي صحوة وصحوة تبي ركود=تمر الليال ولا خلص راعي الديني
ألا يالفطين أسمع كلام(ن) ما يبغى شهود=على ساحة الاحداث تقرأ عناويني
لجاد الزمان بما أحتواه النفوس تجود=ضمان الأمان اللي يبيله مضاميني
فنجال الكريم اللي يعدا عن الحقود=يخليه بأسمي لسمع بي يناديني
ألا يالفطين أسمع وخلك معي موجود=ما دامك متابع للمعاني وتوحيني
أشوف الغصون تتطيح بالحمل عودوعود=وغذاها تحت ظل الشجر ما يغذيني
وأشوف الجمال الصايكة ما عليها قيود=تقلب تحت ظل الحمى في البساتيني
أعبر عن الواقع والاحداث ما تعود=لو أن الخيال ببعض الأحيان يشقيني
لعلك يا أبن سلمان تفهم على المقصود=على شان لحسيت بأمري تواسيني
أنا خابرك شاعر وصاحي ولك مجهود=مع أهل المعرفة تفرق الزين والشيني
سمعت النقاش اللي جرى مع هذا العود=ولا حظت أختلاف الرأي من بينه وبيني
وأبي منك تحكيمك وحبل الرجاء ممدود=تقدى حسب عرفك عسى الله يقديني
نصبتك حكم للمشكله والبرى مردود=حكم والحكم يرضي خصيمي ويرضيني
أمامك خريطة عالمية وفيها بنود=مراكز دول ومجمعات ومياديني
ورسمت الجمل وأدخلت في خطه المفرود=ونقصني حبر تلوين روس البعاريني
أخذها مثل ما هي ترى حبلها معقود=لكن ما تشابه للطريق الفلسطيني
وختام الكلام أعداد ما يثمر العنقود= أصلي على الهادي شفيع المصليني[/poem]

ماشاء الله تبارك الرحمن

صح السانك صح السانك صح السانك ولا يكوووووووووووف يا سمي


تقبل تحياتي وأحترامي لشخصك العزيز

الاخ راشد بن فاروع

شرفني مرورك الله لا يهينك