وانا يابه على خبرك اذا شفت الحمول ثقال - اولى وحصريا للنداوي

يحيى آل بالحارث


صح لسانك قلت وطلت ياالمبدع

اخوي عبدالله

واارررحب يالقرم


صح بدنك ولاهنت على المرور والتواجد المشرف

تحياتي لك

اخواني واخواتي الغالين على قلبي النداويه كم انا ممتن لاخواني / سعيد الحمالي و صالح ال شنيف على منحي شرف الانضمام اليكم في هذا الصرح الشامخ اللي يتشرف اي شاعر وشاعره بالانضمام اليه كما لا يفوتني الاشادة بصاحب الدار اللي قدم الكثير للشعر والشعراء الاستاذ / حمد السحيمي ( ابو ثامر) جزاه الله خير عن كل ما يقدمه للجميع

واسمحوا لي ان اصافحكم بهذه المتواضعه اللي ارسلها الى والدي الغالي الله يطول بعمره وحصريا عبر النداوي

صلوا على النبي




يبي ياقف شعر راسي ليا قالوا ولد رجال
=لأني أفتخر باسمك وأفضالك علي ( يابه)

وانا باقي على خبرك إذا شفت الحمول ثقال
=أدور ما ينومسني واتل الذيب بانيابه

وانا يابه على الهقوه ادوّر خوة الأبطال
= ولا دوّرت لابن اللاش أو ناظرت في بابه

ومثل ما قلت لي حب الوطن واحرص تعاهد آل
=سعود انا معاهدهم بوجه الله وكتابه

ومثل ما قلت لي احرص على الدله على الفنجال
=انا ابشّرك بالمجلس دلال الضيف وزهابه

ومثل ما كنت ترحمنا وتعطف يوم كنّا اطفال
=ابا اخفض لك جناح الذل لأنك أنت أولى به

أنا محزمك يالغالي إذا جار الزمن أو طال
=وابا عاهدك لا خان الردي وبار بأصحابه

أنا يابه احبك حب لو ينثر على العقّال
= تفيض قلوبهم رحمه وكلا(ن) يحسب حسابه

وإلا مني خسرت المال أنت بدنيتي المال
=وإذا خلّوني اللابه حزامي أنت واللابه

أنا من لي سوى ظلك إذا ظل السحابه زال
=ومن لي لاظلمت دنياي غيرك أنت أحيا به

جعل يومي قبل يومك اله الحل والترحال
=وجعل ما يفقدك قلبي لأنك نور أحبابه

إذا صلّيت ادعي لك وإذا خلّصت دمعي سال
= لأني مبعد(ن) عنّك ذكرت البعد واسبابه

وذكرت ان السنين تمر والفرقا تهد الحال
=وانا متمسّك بديني وجرح وقلب أشقى به

قساوة دنيتي يابه تهد من الجروح جبال
=وقلبي للأسف صارت خيوط اليأس تنتابه

أبي دعوتك يالغالي إذا حظي جفا أو مال
=وابي وقفتك لا خانوا عهودي ناس حرّابه

تحذّرني تعلّمني تقول احذر من الأنذال
=وخاف الله في نفسك ترى اللذّات غلابه

وانا يابه ورب البيت أأدّي صالح الأعمال
=واخاف الله في نفسي مادام النفس توّابه

وعلى خشمي انا ببقى وفي راسي علوم رجال
=لان الذيب ما يعوي سوى في راس مرقابه

وانا يابه على خبرك إذا شفت الحمول ثقال
=أسويها وانا يحيــى وناري دوم شبّابه

doPoem(0)

قمة قمة قمة

يايحي

الله يحيك في نداوي الجميع

وننتظر المزيد

يحيى

ياحي القصيد وراعيه

صح لسانك وفكرك

وانت إضافة لأي محل تتواجد فيه

رجل خلوق وفارض احترامه

وشهادتي بشعرك تعرفها

اخوك

فالح الشلوي

ارررررررررررحب يا فالح


شهادة اتشرف فيها من شاعر اكن له كل التقدير والاحترام واعتبره اخ غاااالي علي


لاهنت يا فالح على حسن الاستقبال


وصح بدنك وشكرا لتواجدك العذب


تحياتي

اخوي الغالي يحيى بالحارث


الله يحييك بين اخوانك


ونحن سعيدين بتواجدك الجميل

اخوي الغالي سعد الجميلي

الله يبقيك طال عمرك

وانا اسعد يا غالي


لا هنت ومشكور على التواجد العطر

تقبل تحياتي وتقديري

صح لسانك يايحي وسعيدين في انضمامك للنداوي وكفو فيك ...اجمل تحياتي

وانا باقي على خبرك إذا شفت الحمـول ثقـال ...أدور ما ينومسني واتـل الذيـب بانيابـه

صح السانك ولا هنت قصيده اكثر من رائعه

اتل الذيب بنيابه الله الله

ابو سعد


لاهنت طال عمرك على التواجد العذب


وصح بدنك ومشكور يا غالي

الله عليك يايحيى


ارحب بين هلك واخوانك


قصيدة رائعة بروعة شا عرها



تحية اخوية لشخصك الكريم


عبدالله

drawFrame()

اخوي عبدالله


تشرفت بمرورك العطر

والله يبقيك طال عمرك


الف شكر لصفاء ونقاء قلبك

تحياتي وتقديري

صح لسانك ,,,, كفو يايحيى


الله يديمكم لبعض ويعطيكم طولة العمر


الله الله ببر الوالدين يايحيى




تحياتي
ابوفااارس

ارحب ارحب


صح لسااااااااااااااااااااااااااااااانك


وبيض الله وجهك في هذه القصيدة الجميلة والمعبرة والمليئة بالقيم والطاعة


شكرا لقلبك ولطاعتك وشكرا لحضورك


ومرحبا بك مليون بين اهلك واخوانك واخواتك ننتظر مزيد من العطاء والابداع


واهلا بك اولا واخيرا


دمت بتقدير وحب

وبك البقى اخوي سعد


لاهنت لاهنت

ومشكور يا غالي على الترحيب العطر

وعلى التشريف بالتواجد العذب

تقبل تحياتي وتقديري طال عمرك

صح السانك

والله يحييك يبن اخوانك النداويه

وبارك الله فيك

تقبل تحياتي وتقديري

اخوك بن حيان

اخوي الغالي منصور

الله يبقيك طال عمرك

مشكور على المرور والنور

تقبل تحيات وتقدير اخوك

ارحب يا يحي

ويسعدنا تواجدك واستمرارك معنا في بيتك االثاني وبين اخوانك

والقصيدة جزله من جزله صح الله لسانك وبيض الله وجهك وكفو لا عدمتك

تحياتي

اخوك

[poem=font="Simplified Arabic,5,red,bold,italic" bkcolor="transparent" bkimage="" border="none,4," type=2 line=0 align=center use=ex num="0,black"]

يبي ياقف شعر راسي ليا قالوا ولد رجال=لأني أفتخر باسمك وأفضالك علي ( يابه)

وانا باقي على خبرك إذا شفت الحمول ثقال=أدور ما ينومسني واتل الذيب بانيابه

وانا يابه على الهقوه ادوّر خوة الأبطال= ولا دوّرت لابن اللاش أو ناظرت في بابه

ومثل ما قلت لي حب الوطن واحرص تعاهد آل=سعود انا معاهدهم بوجه الله وكتابه

ومثل ما قلت لي احرص على الدله على الفنجال =انا ابشّرك بالمجلس دلال الضيف وزهابه

ومثل ما كنت ترحمنا وتعطف يوم كنّا اطفال=ابا اخفض لك جناح الذل لأنك أنت أولى به

أنا محزمك يالغالي إذا جار الزمن أو طال=وابا عاهدك لا خان الردي وبار بأصحابه

أنا يابه احبك حب لو ينثر على العقّال= تفيض قلوبهم رحمه وكلا(ن) يحسب حسابه

وإلا مني خسرت المال أنت بدنيتي المال=وإذا خلّوني اللابه حزامي أنت واللابه

أنا من لي سوى ظلك إذا ظل السحابه زال=ومن لي لاظلمت دنياي غيرك أنت أحيا به

جعل يومي قبل يومك اله الحل والترحال=وجعل ما يفقدك قلبي لأنك نور أحبابه

إذا صلّيت ادعي لك وإذا خلّصت دمعي سال= لأني مبعد(ن) عنّك ذكرت البعد واسبابه

وذكرت ان السنين تمر والفرقا تهد الحال=وانا متمسّك بديني وجرح وقلب أشقى به

قساوة دنيتي يابه تهد من الجروح جبال=وقلبي للأسف صارت خيوط اليأس تنتابه

أبي دعوتك يالغالي إذا حظي جفا أو مال=وابي وقفتك لا خانوا عهودي ناس حرّابه

تحذّرني تعلّمني تقول احذر من الأنذال=وخاف الله في نفسك ترى اللذّات غلابه

وانا يابه ورب البيت أأدّي صالح الأعمال=واخاف الله في نفسي مادام النفس توّابه

وعلى خشمي انا ببقى وفي راسي علوم رجال=لان الذيب ما يعوي سوى في راس مرقابه

وانا يابه على خبرك إذا شفت الحمول ثقال=أسويها وانا يحيــى وناري دوم شبّابه[/poem]

.

.

كفو كفو يايحيى

الاوله مرحبا بك بالنداوي كشاعر ورجل

يشرف اي مكان يتواجد به والثانيه صح

لسانك ملايين على هذه الرائعة التي لايكتبها

الاشاعر متمكن . .

حفظك الله يايحيى وحفظ والدك وجعلك من البارين

واقر عينه بك ومشاهدة نجاحاتك . . .

.

.

تقبل فائق تقديري واحترامي

ارحب يايحي ومرحبا ومسهلا بحضورك وانضمامك الينا


شاعر يستحق الانضمام للنداوي وشعرائه


صح الله لساانك ولاهنت


والله يبيض وجهك

اخوك

الراوي

البقا بالغالي الراوي



لا هنت يالقرم ومشكور على الاطراء وكل التقدير على التواجد العذب ياسالم


صح بدنك ولاهنت


تحياتي وتقديري

الشاعر يحيى آل بالحارث



مرحبابك وياهلابك في مكانك وبين اخوانك النداويه



والمنتدى زاد نوره بقدومك


ونعم فيك يايحيى وكفو



وصح لسانك على هذه القصيده الرائعه

وعسى الله يطول في عمر والدك

ويمتعه بالصحه والعافيه وجميع المسلمين



متابعتي

اخوي الغالي

حسين الحبابي


صح بدنك والبقى طال عمرك



لا هنت على الترحيب والتواجد المشرف لاخوك يحيى


كل الشكر والتقدير طال عمرك

تحياتي

اخوي يحي

صح الله لسانك والوالد يستاهل وانت كفو


قصيده رائعه

تقبل التحيه

اخوك

ابو نايف

drawFrame()

ابو نايف

صح بدنك ولاهنت يا غالي على التواجد اللي شرفني كثيرا

وانت غاااالي ووافي وما عليك زود طال عمرك

تحياتي