السلام عليكم ورحمه الله وبركاته
الى عشاق الشعر الشعبي
الى عشاق الشعر الشعبي
[poem=font="Simplified Arabic,6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
(( حــد الاطــراف ))
مسكين قلبٍ كل ماضقت جيته = شايل همومٍ فوق هامات الاكتاف
بالحزن والحرمان صيتي وصيته = شاع وتعدى من ورى حد الاطراف
عزالله اني بالمأسي رويته = يقول دايم ياعمر مامن اخلاف
امر تدلل ياعمر وش بغيته = هذي علومه ماعلى هرجه انصاف
ياقلب ليت الخل يرجع ياليته = كل الامور تهون مع زين الاوصاف
ياقلب جيته والحزن عند بيته = يومه خزرني مثل نظرات سياف
قلت السلام وبالمعاني دعيته = ياحي زولٍ ياهلا زين الاسلاف
قال ابتعد والبعد والله نويته = ابعد تراك اليوم غادر وخواف
قلت الحقيقه والعمر لك فديته = قلي عسا مامن ؟؟ عسى مامن اخلاف
لاواخساره حبك اللي شريته = كنت احسبٍ كل البشر عندي اشراف
اسمع كلامي واخذ فعلٍ نويته = اسمع كلامٍ يجمد الراس باعجاف
شعري انا لامن عصاني عصيته = اهين وزن الشعر والعب على القاف
ولامن نخاني قمتله وانتخيته = العب واهيجن مثل ذيبٍ وصياف
اما تجيني واترك اللي طريته = والا ابتعد واترك شقى الدمع ذراف[/poem]
عمر اللهيميد
تعليق