" حسّ شايب "

مرثية في الوالد غفر الله له والقصيدة موجهة لإبن العم حمود بن عبدالله بن حسن .. لحسن صلته بالفقيد

[poem=font="Arial,6,black,bold,normal" bkcolor="transparent" bkimage="http://www.alnadawi.com/vb/images/toolbox/backgrounds/1.gif" border="solid,4,black" type=2 line=0 align=center use=ex num="0,black"]



ما للبيوت العامره طعْم يا حمود=إذا خلـَت في يوم من حسّ شايب
بيبانها طرْما وجدرانها سُود=ويصفق نوافذها قويّ الهبايب
في كل ركن لحزنها اثبات وشهود=على فراق مهَوِّنين الصعايب
النادرين أهْل الشرف منـْقع الجود=شيباننا اللي يحْسمون الطلايب
إخوان من طاع الولي خير معبود=اللي مكارمهم من الله وهايب
ما يعرفون الزيف في اليُسْر والكود=صدْق وبياض ورحمةٍ للقرايب
ثباتهم في حزة الضيق مشهود=وإيمانهم يزداد عند المصايب
كانوا هنا .. وكان السعَد ماله حدود=وكان الرضا يملا قلوب الحبايب
كانوا هنا .. مفاخر آباء وجدود=ونور وأمان ووقفةٍ فالنوايب
واليوم كل اللي مضى صار مفقود=وَلا بقى غير الجروح العطايب
يا حمود لوّ أبكي سنـَه حزن ..واجود=بدموع فقـْدٍ من عيوني سكايب
على الذي ذكـْره معَ الناس محمود=الطاهر اللي مثل وبْل السحايب
أبوي .. وانت ادرى .. وَلا بالحكي فود=ما يندمل جرحي وَلا الكيف طايب
الوضع غير وما به سهود ومهود=من يوم خلـّيناه حدْر النصايب
نهار غابت بسمته ذابت كبود=وشفنا ما عفنا في زمان العجايب
ليت المنايا لا لفت تطلب الزود=ما تاخذ الا الناقصين الزلايب
روس ٍ كساها الشيب ما صانت عهود=ومن ظن فيها يصبح الظن خايب
هرّاجة المجلس حجا كل مقرود=بيّاعة الذمّه بسوق الجلايب
الرَّجل فيهم له عضلات وزنود=هيكل فحَل والقلب فالغيّ ذايب
ذليل .. لا يحذف ولا يجمع حيود=نقص ٍ على الأجواد حاضر وغايب
يا الله يا معْطي العطا غير محدود=وإيماننا بك ما دخل به شوايب
إجعل مقرّ ابوي في ظل ممدود=بجنات عدْن أم الغصون الرطايب
وأحْسن عزانا فيه يا خير معبود=لولاك ما نصبر بلا حسّ شايب[/poem]

الله الله الله

الاخ

الغالي

وشاعرنا الرائع

سالم بن صليم

صح لسااااانك وسلمت يمناك

ياحي الجزاله واهلها ياسالم

دمت ودام ابداعك

تقبل مروري وتقديري

اخوك

الله عليك ياسالم وقف شعرراسي


الله يرحم موتانا وموتى المسلمين


ويعلم الله اني احبك لله وانت من


الاخوان الاعزاء بدون اي مجامله

ما يعرفـون الزيـف فـي اليُسْـر والكـود
صـــدْق وبـيــاض ورحـمــةٍ للـقـرايـب
ثباتـهـم فــي حــزة الـضـيـق مـشـهـود
وإيمـانـهـم يـــزداد عــنــد الـمـصـايـب


سالم صليم

بصراحه يقف اللسان حائر امام هذه الرائعه

احساس مرهف

وعذوبة في الكلمه

ودقه في التعبير

وجزالة في اللفظ


الله يرحم ويتغمد فقيدكم بواسع رحمته ...


نوض سدير

راشد بن سالم

هلا بك يا راشد وتسلم على مرورك ودعائك

تحياتي وتقديري

هادي بن عسكر

صح بدنك يا ابو مبارك .. ولا هنت على مرورك الكريم الذي سرني

تحياتي وتقديري

حمد بن فطيس

صح بدنك يا ابو محمد ولا عليك زود ودمت لنا

تحياتي لك

منصور بن حيان

صح بدنك يا منصور ولا هنت على المرور الكريم


تحياتي وتقديري

جعيثن العرجاني

صح بدنك يا جعيثن ولا هنت على مرورك وإطرائك الكريم

تحياتي وتقديري لشخصك

سالم اليامي

هلا بك يا سالم وصح بدنك وتسلم على مرورك وإشادتك

لا هنت

متعب العتيبي

صح بدنك ولا هنت على مرورك الكريم واشادتك

تحياتي لك

عبدالله العويمر

هلا بك يا عبدالله ولا هنت على مرورك الكريم

تحياتي وتقديري

سعد بن حبشان

مرحبا يا سعد ولا هنت على المرور والإشادة

تسلم وتبقى

مهدي الحبابي

صح بدنك يا مهدي وألف شكر على مرورك وإطرائك

تحياتي وتقديري

شايع العيافي

هلا بك يا ابو فارس ولا هنت على مرورك واشادتك ودعائك


تسلم وتبقى

عوض المناديه

صح بدنك يا عوض وألف شكر على مرورك الكريم


تحياتي لك