تونــــــــــــــــــــــــــــــــــــس الغبــــــــــــــــــــــــــــــــــرا

اخي العزيز / سيف ال سلمان


شاعرنا بحر

[poem=font="Courier New,5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]

النفس مسدوده عن الهـرج والـزاد = الهم هـو هرجـي وشربـي وزادي

الله مـن صبـرٍ صبرتـه ولافــاد = صبرت صبـرٍ ماصبـره المهـادي

كنيت حتى حطـم السـر الاصفـاد = فـر وتمـرد مـن حنايـا فـؤادي

شكيت والشكوى على النـاس تنكـاد = ولاينفـع المضيـوم كثـر الـدوادي

أضحك ويسبقني على الضحك حرجاد = نسيت طعـم الضحـك والهـم زادي

حاولـت أنـام ولاتهنيـت بـرقـاد = حتى تعـوذ مـن عيونـي رقـادي

أنا أشهد أن الضحك ولـى ولاعـاد = واليا أندفق كـاس السعـد مايعـادي

لي قصـةٍ تحـرج شغاميـم الاولاد = في صفحةٍ بيضـا شمطهـا سـوادي

عنوانهـا تكفـون يالنـاس الاجـواد = وش خانـة الفـارس بليـا جـوادي

والبندق اللـي مالهـا جـر وزنـاد = ماتشفي الغازييـن وقـت المعـادي

ورجلٍ بلا ربعٍ علـى الغبـن يعتـاد = الكثـر يغلـب شاجعيـن العـوادي [/poem]


امحق تونس .. اللى تسد النفس لهدرجه !!؟


وبعدين تعال هنا

[poem=font="Simplified Arabic,6,darkred,bold,normal" bkcolor="transparent" bkimage="http://www.alnadawi.com/vb/images/toolbox/backgrounds/17.gif" border="double,8,darkred" type=2 line=0 align=center use=ex num="0,black"]
ورجلٍ بلا ربعٍ علـى الغبـن يعتـاد = الكثـر يغلـب شاجعيـن العـوادي[/poem]



اذا الغربه كذا
وش مصبرك انت على هالحال


شاعرنا بحر
صح لسانك
الله يعينك على الغربه

مرحبا ومسهلا يا أم فيصل

اول شئ الله يحسن عزاك ويجبر كسر القلوب الحزينه

والحمد لله على ماحصل

والله يصبركم انه على كل شئ قدير

ثانيا لاهنتي على المرور اللي يسعد ويبعث السرور

والله يعين ياوخيتي هذي ضريبة الغربه

لاهنتي وتقبلي من بحر اصدق الود

أخوي بحر


سلامتك


صح لسانك وبيض الله وجهك


قصيده جزله ورايعه بروعة حضورك


لك فااائق احترامي وتقديري

مرحبا ومسهلا ابن شليه



وصح بدنك ووجهك ابيض

مرورك ينومس لاعدمتك ... وحضورك يشرفني

وتقبل من محبك بحر اصدق الود

صح لسانك يابحر

وكفو ووافي

يامبدع

قصيدة ولا أجزل


تحياتي لك

السلام عليكم



بحر يابحر



الله ياسيف الله يابحر كيف هالدرر


صح والله لسانك وقلبك وكلك ياجزل


دمت بكل تقدير



اخوك
ابوطارق

ارحب يابو طارق تراحيب الحيا

ولاهنت على مرورك اللي ينومس

وصح بدنك .... حضورك يزيد النور النور لاعدمته

اسلم وسلم وتقبل تحيات بحر

الناس في وادى وأنا أهيـم فـي واد
منجوم والمنجـوم ضايـع وغـادي
قلبي مريض وعذبـه كثـر الانشـاد
في غربةٍ ماأوحيت صوت المنـادي
في تونس الغبرا ورى السيف والماد
ماهي بدارٍ (ن) لي ولا هي بـلادي

ياسلالالالالالالالالام تصوير للغربة لايعرفه الا المغترب

الله يردك سالم يابحر وصح لساااااااانك وشد حيلك أيام وتعدي

تحياتي

مرحبا ومسهلا يافالح

ولاهنت على المرور اللي ينومس لاعدمتك

شكرا من القلب

والقاسم مشترك يابعدي

تقبل من محبك بحر كل الود

الله الله الله يابوبندر


صح والله قلبك ولسانك ومجااااااااار من الهم والضيقة يالقرم

قصيده شاامخه وابداع غير مستغرب

تقبل صادق ودي

تحياتي

اخوك...

حمد

مبدع

النفس مسدوده عن الهـرج والـزاد
الهم هـو هرجـي وشربـي وزادي
الله مـن صبـرٍ صبرتـه ولافــاد
صبرت صبـرٍ ماصبـره المهـادي
كنيت حتى حطـم السـر الاصفـاد
فـر وتمـرد مـن حنايـا فـؤادي


واستهلال التوجد لا يتقنه الا صاحب معناة حقيقيه

صح لسانك يا بحر ولا عدمنا تواصلك

[poem=font="Simplified Arabic,5,blue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
اذا الشعر لم يهززك عند سماعه=فليس جديرا ان يقال له شعر[/poem]
ابدعت يابو بندر
اخلاص لوطنك لايستغرب من امثالك
والله يجيرك من الهم ويعيدك لنا سالما غانما
صح لسانك مليار على هالجزلة

مرحبا ومسهلا ياعبدالرحمن

وصح بدنك ... ولاهنت على مرورك اللي يسعد

لااخلا ولا اعدم يابعدي

وتقبل من بحر اصدق الود

بحر




ابداااااع


جزززاله


صح لساااانك ملايين

تحياتي

مرحبا ومسهلا يايحي

وصح بدنك ولاهنت على مرورك العذب

تقبل تحيات بحر

مـن أل سلمـان صنـاديـد ألاولاد
حمايـة الخبـت المسمـى وكـادي


صارك من خبت ال سلمان
والله مليووون نعم ولاتسد

كفو كفو كفو

ويعلم الله اني معزوم فيها
قبل اسبوعين والا حولها
ولاالله راد ان اجيها

مير العوض في المقبلات

تدري صح لسانك مليارات
وكفيت ووفيت يالقرم

لاهنت

مرحبا ومسهلا ياناصر

وأبشر بالعوض ... والله والنبي محييك في اي وقت

والخبت وهله تشرفهم زيارة اللي مثلك وشرواك يابعدي

لاهنت علي المرور اللي ينومس

وصح بدنك يالقرم

وتقبل من مودك بحر اصدق الود

بحر


قصيدة اكتملت برونقها الجميل


حرف يسكنه الشموخ


لاهنت يابن السعودية


دمت بخير

السلام عليكم ...


ونعم والله






داري مقر أبطـال وأسيـاد وأمجـاد
للسلـم سلـم وللمعـادي نـكـادي
آل السعود مطوعة حـزب الاوغـاد
قامت على الفتنه صبـاح وهجـادي
فيها نعيش أحرار وأكـرام وأسيـاد
أمن وأمـان وخيـر والجـو هـادي




بحر يا بحر




صح لسانك

فهد

الشاعر سيف ال سلمان


صح لسانك تريلوووون ولايكفووووووون



اشهد بالله انك بحر يابحر وانه اسم على مسمى



وكفوووووومليوووووون كفوووووو ياعصابة راسي قحطان ولايهون الحاضر



قصيده جزله ورائعه من شاعر مبدع سنافي ومطنوخ لاعدمناه



سجل اعجابي بقصيدك وبشخصك الطيب الكريم



تقبل تحياتي واحترامي


اخوك
هادي مبارك بن عسكر الهاجري

ارحب يابو مبارك

والله لايهينك على ذالمرور اللي ينومس فديتك

ولا عليك زود يالقرم وصح بدنك .... واعجابك وصل وكلامك وافي وانت من وافين

لااخلا ولااعدم واسلم وسلم على غاليك

وتقبل من مودك بحر اصدق التحايا

بحر

كفؤ كفؤ كفؤ

يا ابو بندر

ونعم بك وبربعك وقبيلتك

تحياتي لك

مرحبا ومسهلا ياشجاع

ولا عليك زود يالغالي ... ومرورك يزيد النور نور لاعدمتك

لاهنت وتقبل تحيات محبك بحر

صح لسانك يابحر

وكفو ووافي

يامبدع

قصيدة ولا أجزل


تحياتي لك

مرحبا ومسهلا يافهد

وصح بدنك ولاهنت على مرورك العذب

ويشرفني رآيك لاعدمتك

تقبل تحيات بحر