Tweet
الــــــدنــــيـــــــا
بسم الله الرحمن الرحيم
أخواني واخواتي اعضاء ورواد المنتدى الكرام .
أسعد الله جميع اوقاتكم بكل خير ومسرة , يسرني أن أصافحكم بإحدى قصائدي معتذرا عن الانقطاع ومتمنيا أن تنال ولو الجزء البسيط من استحسانكم , واقول فيها :
أخواني واخواتي اعضاء ورواد المنتدى الكرام .
أسعد الله جميع اوقاتكم بكل خير ومسرة , يسرني أن أصافحكم بإحدى قصائدي معتذرا عن الانقطاع ومتمنيا أن تنال ولو الجزء البسيط من استحسانكم , واقول فيها :
[poem=font="Simplified Arabic,5,,normal,normal" bkcolor="transparent" bkimage="" border="groove,4," type=0 line=0 align=center use=ex num="0,black"]
يانفس ون ضقتي فلا بـدّ مـن يـوم=فيه الفرج ياتـي مثـل طلعـة النـور
ترى عذابك والعنـى شـيء مقسـوم=ومقدّر(ن) تبقين فـي حزنـك شهـور
مافيه صدر(ن) مايجي وسطـه همـوم=ومافيه قلب(ن) طول الايّـام مسـرور
نامت عيون الخلق وآنـا مـن النـوم=عيني مصـدّه تشكـي الهـمّ والجـور
لاباس ياعين(ن) بكـت جعلهـا القـوم=وماجور ياقلبي مـن الضّيـم ماجـور
ياعين قولي لي تـرى السـرّ مكتـوم=وياقلب جاوبني عسى ماانت مسحـور
قال الخفوق اللـي لـه سنيـن مهمـوم=ياخوك انـا محتـار جـدا ومقهـور
ياخو علي قل لي اذا بـه علـي لـوم=ويش السـواة وشاكـي الهـمّ معـذور
قلت ابشر بعزّ(ن) تطاول بـه نجـوم=اشّر ونـا لـك فالقـدا مثـل طابـور
قال المعيشه يـا حمـد جـات بعلـوم=مدري لصالحنا أو الوضـع محظـور
قلت المعيشه فرّقـت قـوم عـن قـوم=باسبابهـا شمـل الجماعـات منثـور
باسبابها كم من طفل صـار محـروم=من حضن ابيه اللـي تبلّـوه بالـزّور
قال الهوى يا خو علـي جـاك بعلـوم=مدري لصالحنا أو الوضـع محظـور
قلت الهـوى بهـذل صناديـد وقـروم=كم من شجاع(ن) منتهي في هوى الحور
وبعض العرب مثل الجبل كله عـزوم=مـا همّتـه عـذرى تحلّـت ببـلّـور
قال المناصب يا حمـد جـات بعلـوم=مدري لصالحنا أو الوضـع محظـور
قلت المناصـب خلّـت الحـرّ والبـوم=في مستـوى مافيـه كابـر ومكبـور
قال الحضارة يا حمـد جـات بعلـوم=مدري لصالحنا أو الوضـع محظـور
قلت الحضـارة كنّهـا بـرج ملغـوم=من خارجه تصميـم رائـع وديكـور
وفـي داخلـه تدميرنـا شـيّ محتـوم=الله يكفـي شـرّ مـاكـان مسـتـور
قال العوايـد يـا حمـد جـات بعلـوم=مدري لصالحنا أو الوضـع محظـور
قلت العوايـد كانـت تعـزّ مضيـوم=واليوم صـارت كنّهـا درب مهجـور
من يلتـزم باخـلاق واداااب وسلـوم=تلقـاه بانـواع الإهانـات مـدحـور
قال المظاهر يـا حمـد جـات بعلـوم=مدري لصالحنا أو الوضـع محظـور
قلت المظاهر والكبـر فكـر مسمـوم=في مجتمعنا صـار ذا الفكـر منشـور
يكشخ وهـو مديـون بفلـوس بالكـوم=من شان قولتهـم تـرى ذاك مشهـور
يا قلب عالمنـا غـدى غيـر مفهـوم=انا اشهـد انّـه يحـرق الـدّم ويفـور
لكـنّ مهمـا صـار مانـي بملـزوم=لــنّ القبـايـل مايعيرونـهـا دور
مـا همّنـا نملـك عقـارات وختـوم=ولاهمّنـا نملـك ملاييـن وقـصـور
ستر الوليّ والعافيـة وانـك محشـوم=باعلى مكانه عنـد ربعـك ومذكـور
يرقى المعالـي طيّـب الذّكـر ويـدوم=ذكره على هامـات وجبـاه وصـدور
قال القناعه يا حمـد مـا بهـا سـوم=انا اشهد انهـا كنـز والقـول مأثـور
ونا اشهـد انّـك جبتهـا درّ منظـوم=لاهنت والله يابـن الاجـواد مشكـور [/poem]
وسلامتكم ,,,,
اخيكم /
حمد الصقري
تعليق