Tweet
السلام عليكم ورحمة الله وبركاته
تحيه طيبه للجميع
تحيه طيبه للجميع
[poem=font="Simplified Arabic,6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
يافاعليـن الخيـر تجـزون بالخيـر=تكفون خوذوا خطـي اللـي كتبتـه
خطٍ حروفـه مـن جـداد التعابيـر=وحرفٍ ينقص من جمالـه شطبتـه
ابيـه ياصـل يالوجيـه المسافـيـر=الصاحب اللي همت فيـه ورغبتـه
خشفٍ جمالـه فـاق كـل الغناديـر=من بين زينات الوصـوف انتخبتـه
متمكنٍ حبـه وهـو عـاده صغيـر=وهذا الخطأ اللي في الحياه ارتكبتـه
وراني المـوت الحمـر والتعازيـر=حسبت وصلـه والجفـاء ماحسبتـه
بينـي وبينـه ماتطـول المشاويـر=ياقـرب منزالـه وانـا ماقربـتـه
مابه عـذر يذكـر ولافيـه تبريـر=لكـن هـذا كسبـي اللـي كسبتـه
الحظ ماتنفـع معـه دهنـة السيـر=لو انه يضرب كان يمكـن ضربتـه
خلـي لـه بقلبـي مـوده وتقديـر=بيت المعزه فـي ضميـري نصبتـه
لو اطلبه حاجه علـى غفلـة الغيـر=ماهـوب معطينـي وانـا ماطلبتـه
ارفع مقامه عـن جميـع المحاذيـر=غلاه فـي كـاس المحبـه شربتـه
وعلى لقـاه افـرح وازف التباشيـر=متعلقٍ حبـل الرجـاء فـي رقبتـه
ودار الزمان وصار في الوضع تغيير=وروض المحبه يبّس الوقـت نبتـه
يالله دخيلك مـن صـدوف المقاديـر=الياس دلـوه فـي النهايـه جذبتـه
عنه احتدوني جعلهم فـي زمهريـر=ولاعاد تنفع خطبتـي لـو خطبتـه !
[/poem]
شبيب
تعليق