///أحوالي على مايرام///

[poem=font="Simplified Arabic,5,,bold,normal" bkcolor="transparent" bkimage="" border="double,4," type=2 line=0 align=center use=ex num="0,black"]



يا ردى حظي اللي كل ماجا يقوم = وابتدا يتهيا طاح قبل القيام
يتجهم بوجهي مثل حاكم ظلوم = من عبوسه نهاري يتحول ظلام
والله لوكان ظلمه مثل باقي الخصوم = ما أعرته إذا عاندني أي اهتمام
باقي اعداي كوم وسيء الحظ كوم = باقي اعداي اعدلهم بحسم الحسام
لكن الحظ الاقشر منه مهزوم دوم = أشهد إنه هزمني واستحق الوسام
ماصفالي وغيري بين ليله ويوم = ابتسم حظه الوافر ورحب وقام
والله لو ينشرى واللي يسومه يسوم = لادفع اغلى ثمن ماكل من سام سام
إلا عاد إن بدالي فيه شبهه ولوم = غيري أولى به ولا لي بوزره مرام
حظ يخرب سلومي لاعسى مايقوم = دامني حي فاحوالي على مايرام [/poem]

ابوعبداللة صح السانك
وعساء حضك يزين

الشاعر الرائع علي الحسني

قصيده في منتهى الجزاله والابداع

صح لسانك وعلا شانك

تقديري وتحياتي