Tweet
[poem=font="Simplified Arabic,6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
هاجسي ياهاجسي منت والله بمْعذور = أشهد إن حلو الطواريق هذا وقتها
العلوم طوال وعراض والسدّ مخبور = والقدم في مشية الدرب ماوهّقتها
لاني آعرف المخاوز ولا دهن السيور = لا أستوت غرّبتها لا ألتوت شرّقتها
ما أنحنيت الاّ لمعبودي الربّ الغفور = في رضاه وطاعته هامتي دنّقتها
والله اللي يعلم مغيّباتك يالصدور = عيني لشوف الخفيّات ما شفّقتها
المصيّح يزعج الصوت والبندق تثور = والخِطا عن ماقف الجد مافاهقتها
الوكاد إن البل بخيـر والذيب معقور = وقاعدة (سدّد وقارب) هنا طبّقتها
جمّل الله حالي وحال وافين الشبور = كلّ قمّه عانقوها فأنا عانقتها
وكلّ طيبٍ عند الأجواد ظاهر ومخشور = والله لا باقو الخزاين ولاني بقتها
والزمن دوّار بوّار بيبور ويدور = دار والاّ بار لي غايه وحققتها
ماحداني حبّ شهره ولا حبّ الظهور = صوبها البيبان لو فتّحت غلّقتها
لكن القصد المشاهَد وتسجيل الحضور = وتعتبر من بند (لي كلمةٍ وثّقتها)
القريحه ماتونّي ولا منها قصور = وسالفة رتّب ونقّح فأنا ما طقتـها
التعب لأجل القصيده في أمرين محصور = طبعها قمّة تعبها وإذا نسّقتها
بس حفّار المقابر ونبّاش القبور = لأجلهم علّقت هذي وذي طلّقتها !
سالفه ضمن السوالف ومابين السطور = فارقتني قبل مدّه وانا فارقتها
فكم موظف رسمي وكم على بند الاجور = الوزاره تنقل أخبار ما صدقتها
قفّلو سوق الذهب وأفتَحو سوق البخور = والكروت ثنين جمّعتها وأحرقتها
بارك الله فيك ياصاحب القلب الجسور = مير خذها ثم ذقها بَعَد ما ذقتها
فالقدور السود قامت على الصالي تفور = وانت حلّيت الذبيحه ولا علّقتها!
[/poem]
هاجسي ياهاجسي منت والله بمْعذور = أشهد إن حلو الطواريق هذا وقتها
العلوم طوال وعراض والسدّ مخبور = والقدم في مشية الدرب ماوهّقتها
لاني آعرف المخاوز ولا دهن السيور = لا أستوت غرّبتها لا ألتوت شرّقتها
ما أنحنيت الاّ لمعبودي الربّ الغفور = في رضاه وطاعته هامتي دنّقتها
والله اللي يعلم مغيّباتك يالصدور = عيني لشوف الخفيّات ما شفّقتها
المصيّح يزعج الصوت والبندق تثور = والخِطا عن ماقف الجد مافاهقتها
الوكاد إن البل بخيـر والذيب معقور = وقاعدة (سدّد وقارب) هنا طبّقتها
جمّل الله حالي وحال وافين الشبور = كلّ قمّه عانقوها فأنا عانقتها
وكلّ طيبٍ عند الأجواد ظاهر ومخشور = والله لا باقو الخزاين ولاني بقتها
والزمن دوّار بوّار بيبور ويدور = دار والاّ بار لي غايه وحققتها
ماحداني حبّ شهره ولا حبّ الظهور = صوبها البيبان لو فتّحت غلّقتها
لكن القصد المشاهَد وتسجيل الحضور = وتعتبر من بند (لي كلمةٍ وثّقتها)
القريحه ماتونّي ولا منها قصور = وسالفة رتّب ونقّح فأنا ما طقتـها
التعب لأجل القصيده في أمرين محصور = طبعها قمّة تعبها وإذا نسّقتها
بس حفّار المقابر ونبّاش القبور = لأجلهم علّقت هذي وذي طلّقتها !
سالفه ضمن السوالف ومابين السطور = فارقتني قبل مدّه وانا فارقتها
فكم موظف رسمي وكم على بند الاجور = الوزاره تنقل أخبار ما صدقتها
قفّلو سوق الذهب وأفتَحو سوق البخور = والكروت ثنين جمّعتها وأحرقتها
بارك الله فيك ياصاحب القلب الجسور = مير خذها ثم ذقها بَعَد ما ذقتها
فالقدور السود قامت على الصالي تفور = وانت حلّيت الذبيحه ولا علّقتها!
[/poem]
تعليق