السلام عليكم ..
مساء / صباح الخير ..
الطفل ماجد المطيري شقيق ابتهال الذي انفجر بالبكاء على شاشة الإخبارية
هذا الموقف اثارني ... وهذه القصيده مثلما اتت ...
مساء / صباح الخير ..
الطفل ماجد المطيري شقيق ابتهال الذي انفجر بالبكاء على شاشة الإخبارية
هذا الموقف اثارني ... وهذه القصيده مثلما اتت ...
[poem=font="Simplified Arabic,5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
البارحه ذبيت راس الطويله = وبقعا تسوق الهم فالشعر ليّه
والله كني جالس ٍ في مليله = ومن زود همي قمت افرّك يديّه
والحزن خيّم مابقى فيه حيله = والنار في وسط المعاليق حيّه
والصدر بيدا والعنا ساق خيله = باقصى الضلوع العوج عسّكر سريّه
لاجل ابتهال اجر صوتي واشيله = بنتي ولو كانت علي ّ اجنبيّه
وابليس فالانذال يومي شليله = شيطان انس وبالفعايل حليّه
اهل الردى والشر واهل الرذيله = وكر الخراب ومجتمع به خليّه
روح البراءه في يديهم قتيله = وعيون اهلها من سببهم شقيّه
ما كنّها غابت عن البيت ليله = إطيوفها فالبيت صبح وعشيّه
والوالد المصدوم مهدود حيله = ما عاد يدري كانها اليوم حيّه
وماجد دموعه فوق خده هميله = ما صاب حاله كنّه اليوم فيّه
والام من جور الهموم الثقيله = صارت تشوف الهم حوض المنيّه
تنخى الوطن كله قبيله قبيله = تكفون ردو نور عيني عليّه
وتنخى زعيم ٍ بالسيوف الصقيله = حامي حدود الدار مافيه زيّه
سلمان يا سلمان شوق الجميله = يا ابو فهد بيديك حل القضيّه
يا معدل الميزان عن كل ميله = وعز الخوي اللي غدربه خويّه
ويالقايد اللي فالخطوب الجليله = لك وقفة ٍ يا شيخ بيضا جليّه
كثّف جهود الامن بيّت وسيله = وانت الحكيم ولا توصى بذيّه
ويالله ياللي كلنا نلتجي له = يالواحد المعبود ناصر نبيّه
يوم ابره مجتاح مكه بفيله = ارسلت له طير ٍ قتل فيه غيّه
اسالك بسّماك وصفات الفضيله = ترد بنت ٍ خطفت إبلا خطيه [/poem]
اللهم أني أتضرع إليك وأسألك اللهم باسمك الأعظم الذي إذا سُئلت به أجبت اللهم ياذو الجلال والإكرام, اللهم ارحم والديها , اللهم رد ابتهال إلى أحضان والديها سالمه معافاة
لكم تحيتي
جزاء البقمي
تعليق