( بــدر الــبــدور !! )

اتمنى ان تنال هذه القصيده المتواضعه
على ربع الاعجاب

[poem=font="Simplified Arabic,5,firebrick,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]

ياشعري المليـان هالليلـه طلبتـك بالحضـور = البال مستاسع وفكري فـوق والهاجـس حضـر

ابا اتفنّـن بالغـزل لا تعتـذر منـت امعـذور = مدامـهـا بالغالـيـه لا تعـتـذر لا تعـتـذر

يامرحبـا ترحيبـةٍ تزيـد كـل النـور نــور = اعداد ماذعـذع هـوى واعـداد تعـداد البشـر

من طلة رموشك علي والقلب يقشـاه السـرور = مغير اكوسرهـا لحـن واجرهـا وتـر وتـر

وقولك يسمـر عبـر وارجـع وغنيلـك ودور = يسمر عبر وش حيلتي وش حيلتي يسمـر عبـر

حطيتلـك يالمترفـه قلعـه وخـدام وقـصـور = القلب قلعه من ذهب والـروح خـدام وقصـر

يازينهـا جيتـي غـلا يازينهـا جيتـك شعـور = وصارت كريّات الدما شوق واحاسيـس وشعـر

ياملهمه ماحبهـا شاعـر علـى مـر العصـور = ولا شافها ضيدان ومساعد علـى نايـف صقـر

ماقول من شانك اجيد الشعـر واجيـد البحـور = اقول من شان الغـلا يابنـت اسويلـك بحـر!!

سهله وعادي بالزمن تغيّـرت بعـض الامـور = كم واحدٍ اسمه صقر ون عودت ماهو صقـر !!

بس المصيبه لا لفى من حضرتك بعض القصور = اضيق وزعل وحتـرق ومـوت حزتهـا قهـر

كنت اسمع الموت الحمر واجهل معانيه الجسور = ومن يوم شفتك قلت مرحبتين يالموت الحمـر !!

لو بيني وبينك جسر والموت مـن دون العبـور = من شان غمزات الهوى امرهـا جسـر جسـر

كلٍ تمنى شوفتك والكـل مـن حولـك غيـور = حتى الجمـاد بشوفتـك يغيـر ماعنـده صبـر

لوك تجين ( الفيصليه ) ثـم تشريلـك عطـور = في وقتها مجمع ( الراشد ) يضيق ابه الخبر !!

دايم تطيح طيور ويقولـون ( فلونـز الطيـور ) = هم ما دروا منك يطيح الطير ويحـوّل حـدر !!

سمـره ودلوعـه ومزيونـه وكلماتـك بخـور = لامـن تكلمتـي يزيـن الجـو ويشـب الجمـر

شفايفك كيكـة حـلا وعيونـك النعّـس شفـور = ومابين فنجالك وفنجالك يجي حـول الشبـر !!

(مره اقول انك مهـا مـره اقـول انـك بـدور = مره اقول اهلك بدو مره اقول اهلـك حضـر )

تركيبة اعضائـك بعينـي كلهـا ورد وزهـور = لو ان جسمك ينوكل يمدي اكلته مـن شهـر !!

وجسمك ورسمك يالمها بلشان به شرطي المرور = من تنطحينه مرسدس واليـا تعديتـي همـر !!

والمشكله ماهو حلاك المشكله احساسـي يفـور = من غيبتك ارجع على اللوعات وارجع عالسهـر

يابنت صبري طـال وغيابـك تعدالـه شهـور = والبعد مايرحم احـد والبعـد عالعاشـق خطـر

الله لنا والشـوق والاحسـاس ماعمـره يبـور = باقي وهذا الشـوق والاحسـاس مامنـه مفـر

قبل النهايه باقيٍ جملـه علـى السانـي تـدور = لـدّي عليـه واسمعـي واقولهـا بالمختـصـر

اتفه بيوت الشعر لو كله على بعضـه قصـور = لامن كتبته بحضرتك يسوى القصايد والشعـر!! [/poem]

أرحب ياتركي الديحاني





مبدع كالعادة ولا غرابه




صح لسانك ملايين




إعجابي ومتابعتي




تحياتي لك

الغالي

ناصر

اشكر حضورك الكبير والمميز

تركي

الغالي

نادر كل الشكر لمرورك الكبير

تركي

الله عليك

ياتركي


راااااااااااااائعة
تقبل تحيات اخوك

تكفى ياتركي ان كانها على وصفك اللة يرحم حالك اخوي واللة ان تقصفك
والثانية علي الاحرام انك ابدعت هم ابدعت يالقرم

الغالي

ناصر

اشكرك كل الشكر لمرورك الجميل
تركي

الاخ الغالي
تركي الديحاني
صح الله لسانك مليوووووووووووووون
ولايكفوووووووووووووووووووووون
ابداع حقيقي
جزززززززززززززززززززززززل
واااااااااااااااااافي
لاعدمناك
تحياتي

تركي الديحاني

حي الإبداع وراعيه

قصيده جميله ومعبره وفوق النجوووووووم


لاهنت

الغالي

سعود الهاجري

كل الشكر لمرورك الكبير

تركي

الغالي

خالد الذيابي

انت ردودك غير يابو يزيد

اشكرك كل الشكر

تركي

الغالي

قديم الشوق

كل الشوق

لمرورك الكريم

تركي

الغالي والشاعر

حسن الوطري

كل الشكر لمرورك الكريم


تركي

كنت اسمع الموت الحمر واجهل معانيه الجسور
ومن يوم شفتك قلت مرحبتين يالموت الحمر !!

لو بيني وبينك جسر والموت من دون العبـور
من شان غمزات الهوى امرهـا جسـر جسـر



يا سلام

صح لسانك اخوي تركي وبيض الله وجهك

تقبل تحياتي

اختك

مشاعردبي

الغالي

حسن الوطري

كل الشكر لمرورك الكبير

تركي

الغالي

عبدالناصر

كل الشكر لمرورك الكريم

والجميل

تركي