اتمنى تعجبكم
أسألْك باللي خلق هذا الجمال الصريح
من غيري اللي ملا عينك ويستاهلك
=================================
من سكّّن الشوق دمّه لجل.. ما يستريح ( تشديد الكاف )
إلاّ على شان يحظى بك ويشتاق لك
================================
من غيري اللي من اللهفه يقوم ويطيح
وان شاف وجهك نهض وارسى على ساحلك
================================
هناك باقصى الحنايا طفل جايع يصيح
يرتاع من كل شي الا انتي إرتاح لك
===============================
لا حسّ بك تنبت اطرافه سنابل وشيح
يستعذب الجوع و الحرمان لمقابلك
==============================
أكبر وهو طفل متمرّد غرامه صحيح
ما هو خطا يستثير الطفل في داخلك
==============================
لا تتركيني حزين وتتركينه جريح
يطوّح الصوت لين ان الصدى ياصَلك
==============================
وابسْألك من هو اللي كان فينا شحيح
انتي او انسان في كل الغلا جادلك
==============================
تمهّلي والجواب احساس عاصف مريح
ان طاب لي بالنهايه أوّله طاب لك
=============================
واللي خلق هالجمال المستبدّ الصريح
ماغيرك القلب عذبتيه وانحاز لك
====================
جابر السلمي
تعليق