لبى عيونك

الاهداء لكل محبي شعر الغزل...والى من يهمها امري
....................

لبى عيونك والرموش المظاليل

.................اللي ليامن.. سلهمت. قلت سمي

لولا الحيا سوت بقلبي ..التهاويل

.................يومي ذكرت الله ..وهي تلد يمي

ولبى جديل.. لانتثر... كنه الليل

.................مابان صبح.. الابعد...مايلمي

يضوي جبينك... مثل نور القناديل

................وريح الخزامى والنفل بك يشمي

يابنت ريف الدار.. ملفى المشاكيل

...............ستر العذارى ....لاتعزون بعمي

لو الغلا.. يشرب... شروب الفناجيل

...............ما اهز فنجالك....وهيله بفمي

ولولاك ...ماطاب السهر والتعاليل

..............ولولاك لاهالحين.... عادي بهمي

يامزنة ...لاهل وبلك..... هماليل

..............كنك.. تصبينه.....بشريان دمي

جات القصايد ...في عيونك مخاييل

.............تبرق وترعد.. وان ذكرتك تسمي

كنها ..تلبي....للرموش المظاليل

............اللي ليامن سلهمت.... قلت سمي

وسلامتكم جميع
اخوكم/عبدالله بن فلاح الهاجري

[تم تعديل الموضوع من قبل الواثق بتاريخ 02-25-2001 الساعة 08:51 AM]

اخوي الشاعر الواثق

لا نملك الا أن نقول صح الله لسانك والقصيده رائعه بكل معاني هذه الكلمه اتنمى لك التوفيق ولدي استسار هل لك فالحاوره اذا كانت اجابتك بنعم فما رايك نبدا

ابوفلاح ماقول الا الله يطول بعمر النداوي اللي عطانا هالفرصة الذهبية اننا نرى قصائدك ونستمتع بها لاهنت يابو فلاح على هالابداع وترى هذا ماهو راي انا بس راي الكثير من زوار المنتدى اللي ماهم مسجلين بصراحة خذيت علينا الجو يابو عابد بس تستاهل طول عمرك ماترضى الا بالمقدمة وانت كفو لها

اخوك الجازم

العين ماتعلا على الحاجب

هلا وغلا بالسمي....ابو هزاع ترى انا تلميذك اذا صرت استاذ ذاك الحين قلي اللي تبي..ولكن صدقني شهادتك فيني وسام وتاج على راسي الله لايخليني منك...

الاخ سهم المنايا
انزل لمستواي اشوي على شان اقالطتك....انت فوق..وانت ختمت الشعر وانا بعدي في الحمد

لكم مني اجمل تحيه

اخوكم الصغير /عبدالله الهاجري

هلا سميي الواثق

ما اقول غير صح لسانك ... وسلمت يمناك

قصيدتك اكثر من رائعة

لك مني كل تقدير

شكرا يالواثقة

اختي الواثقة..لك مني جزيل الشكر والامتنان..ان كانت القصيدة

رائعة كما تقولين...فكليماتك اروع...اشكرك على هذا الاطراء ..

واتمنى ان اكون..دائما عند حسن ظنكم...دمتي سالمه

اخوك/عبدالله الهاجري

( لباك انت والله يابو فلاح )

لبى القصيد اللي يهز الرياجيل *** الله واكبر كلبونا نسمـــــي

ولبي عيون اللي يقول التماثيل *** انشهد انك معجزه يابن عمـي

اشم في شعرك شذى الورد والهيل *** ينثر هموم فادحه ماتلمـــي




الحقيقه ماأقدر اقول الا ( من زمان انت وينك )






اخوك الكبير / بحـــــــــر

هلالا اخوي البحر هلالا اخوي الشايب

لولا الحيا وخوفي احد يفهمني غلط

كان قلت قبلكم لبا قلب الواثق

على هالقصيده من شدة اعجابي بها

والله اخوي الواثق مبدع دائما

واتمنى ان اقرا له دائمااااااا

مدري وش اقول لكم؟؟؟

الاخوه.. الاعزاء بحر- الشايب-الواثقة......انا اللي مفروض اقول
لكم لبيه...كثير على هذا الاطراء....لبا قلوبكم

دمتم سالمين

اخوكم/عبدالله الهاجري

يا سلالالام عليك يالواااثق ,,,,

ما قصرت كالعاااده ,,, دايما تجذب رواد المنتدى للصفحه اللي تكتب بهاا ,,, والله انك تستااهل كل خير وسلامه ,,,,

أبدع ,,, طلبتك يالواثق ,,, واصل ابدااعك الشعري يا الغاالي على الجميع ,,,,

صح لساااانك الف ,,,, ولا هنت ,,,

تقبل تحياتي واعجابي ,,,

اخوك : ابو الاصاله

ابشر على خشمي

ابو الاصالة...مالك الاطيبة الخاطر انت وباقي الاخوان..والف شكر لك على هالكلام والاطراء الجميل...اتمنى ان ابقى في الصورة التي رسمتها لي دائما انت وبقية زملائي اعضاء المنتدى.. دمت سالما.


اخوك/عبدالله فلاح الهاجري

لو الغلا.. يشرب... شروب الفناجيل

...............ما اهز فنجالك....وهيله بفمي


الله...الله...الله.. اقسم بالله انك داهية ومصيبه.. يالواثق وين طحت على هالبيت ..الله يقطع شيطان سموك؟؟؟..لكن ماهي غريبه على شاعر سمى نفسه " الوثق".....
عزالله انك واثق....ياشيخ فديت خشمك ... لاخشمناك ..وفديت لسانك
يابعدي ... ونبي منك اكثر.. وفكنا من التواضع الزائد.. انت الواثق....


اخوك/ الفارس

فداااااك الاش يالفارس

هاهاهاهاها.......والله اني ضحكت من قلب يالفارس...من وين جايب

(خشمك لاخشمنااااااااك)هاهاهاهاهاهاها..............صح ابدنك

بس يا اخوي لاطيرني فوق ثم اجي محول على خشمي...شوي شوي على

بس يا انا نكبتك في عنوان...موضوع وقصيدة اقرا الفارس ..يسرق

الواثق.....الله لايخليني منك.


اخوك الصغير/عبدالله الهاجري

شكرا ملالالاك على الاطراء والمتابعة

اختي العزيزة ملاك اشكرك على الاطراء والمتابعة وشهادتك وسام
على صدري...وثقي ان الواثق يشرفه ان يكون جمهوره من المتذوقين
للشعر والكلمة بغض النظر عن كاتب النص..تحياتي لك على سمو اخلاقك...وحسن متابعتك.


اخوك/عبدالله الهاجري

[البسيط]

القصيد اللي يسلي ما يملي

صح لسانك يالواثق ، ابداع متكرر ، وعذوبة غير متناهية

حفظك الله ، واتحفنا بالمزيد


يوم جاني(داعي الشعر) مااخلفت وعدي

........................والقصااايد..في لساني تعيش معززه