بسم الله الرحمن الرحيم
السلام عليكم ورحمة الله وبركاته
هذى قصيده مرثيه قلتها فى ولد عمى محمد بن عبدالله الحمراني الهاجري رحمه الله وادخله
فسيح جناته اثر حادث على طريق ابوحدريه
نسئل الله له المغفره والرحمه
هذى قصيده مرثيه قلتها فى ولد عمى محمد بن عبدالله الحمراني الهاجري رحمه الله وادخله
فسيح جناته اثر حادث على طريق ابوحدريه
نسئل الله له المغفره والرحمه
[poem=font=",5,#8b0000,bold,normal" bkcolor="" bkimage="" border="none,1," type=1 line=0 align=center use=ex num="0,"]
شعرن كتبته واظنه جدد احزاني=من ضيقت(ن) بصدر عيت تخليني
ياعين هلي دموع(ن)وقتها حاني=وبكي على الي على دنيا مسليني
ياعين والله مالوم الدمع لا باني=ماعدت ابصبر مدام الحزن طاويني
وشلون ابفرح لصار الكيف طرباني =وانا اتذكر رفيقن غاب عن عيني
ياعين حل الفراق وصرت وحداني =فقدتلي غالي(ن) ماعاد يوحينى
اقفا وقفت به الدنيا وخلاني =خلاني ارثيه قبل الناس ترثيني
علمن لفاني وليت العلم ماجاني =في ليلة السبت كن الموت واطيني
جاني الخبر واحترق قلبي وبكاني =بكيت مصدوم اناظر ويش جرا فيني
واصبحت عقب الخبر مبلي ومرضاني =مرحوم يالي على ذكراه يبكيني
انا ادري الموت واحد والعمر فاني =وانا ادري انه طريق الناس ماشيني
شفت الزمن صعب والدنيا تحداني =مع قاسي الوقت مامالت موازيني
صرت التذكر محمد ذرب الايماني =الي خياله بنص الليل ياتيني
ياماضحكنا وسليته وسلانى =وياما مزحنا يحاول كيف يرضيني
وياما مشينا وخاويته وخواني =خوة خوي(ن) معي بالعسر وليني
وياما مزحنا وكلن يغلى الثاني =واليوم خليتني وينك وانا ويني
حطو النصايب وصار القبر برهاني =تجمعو حولي وكلن يعزيني
راحو واناظرك في قبرك تمناني =وقفت وانا اسمعك كنك تناديني
تقول تكفا ترا بوصيك فى خواني =بوصيك بلي على كتابه يوصيني
ابيك ترفق بهم في وصل وحساني =وتحطهم قدم عينك كان تغليني
قلت الوصيه امانه يوم وصاني =رفعت يدي لعل الله يعطيني
برجي غفور(ن )رحيم(ن)رب رحماني =رب(ن) يغفر الذنوب وينصر الديني
الله يرحم ولد عمي قهيداني =ويدخله جنات وانهار وبساتيني
وينعم بفضل العزيز الخالق الفاني =في جنه الخلد بوزان المصليني
والخاتمه طالبك ياعالي الشاني =تغفر ذنوبه ياعدال الموازيني[/poem]
تعليق