تسوقنا الدنيا على غير مشهاه

اخواني الغالين النداويه والزوّار الكرام
اسعد الله اوقاتكم بكل خير
اتمنى ان تصل هذه المتواضعه الى رضاكم...

[poem=font="Simplified Arabic,5,,normal,normal" bkcolor="transparent" bkimage="" border="groove,4," type=2 line=0 align=center use=ex num="0,black"]
تسوقنا الدنيا على غير مشهاه= وتحدنا الاشغال منا ومنا
عن صاحبٍ رغم البطا مانسيناه=لو راحت ايام السنه مااتصلنا
ياصاحبي ياطيّب الصيت والجاه=العفو منكم والمعاذير منّا
حنا بذلنا جهدنا اللي قدرناه=ولاجت لنا الدنيا على مانتمنا
اليا اعترض سيلٍ صغير وقطعناه=لاعقبه السيل الكبير يتثنّا
ولاترانا صاحب الجنب نرفاه=ماتنقّل له هرجة الشين عنّا
نضيق من ضيقه ونرضى من رضاه= ولانعده غير رجّال منّا
طبعٍ لنا من روس اهلنا ورثناه=وبنموت ماماتت مذاخير اهلنا
من يستحق مواصل الطيب نرعاه= ونواصله حتى ولو ماوصلنا
نقدّر ظروفه وندمح خطاياه= ونجامله لين يتفرّق ظعنا
اليا اتصل لابد نضحك محياه= ونذكّره بالطيب كنتم وكنا
واليا انقطع من قوّ ظرفه عذرناه= مانشغله ونقول حنا وحنا
نبا اليامنا خطانا ارتكبناه= وقفّت بنا دنيا الشقا ماذهنّا
نجيه باعذار الوجيه المسمّّاه=ونقول كلٍ من ظروفه معنّا
ويقول معذورين والجاه بالجاه= لين يتقرّب شامنا من يمنا
شرواك يامن تكسب الطيب يمناه=ياصاحبٍ منه المشاريه جنّا
قل اتصالي حدّ قلبه على اقصاه= وغلاه نادى هاجسي له وغنّا[/poem]

لله درك يابو مشاري

ماتجيب الا المفيد المفهوم

والسهل الممتنع

بيض الله وجهك

وكثر الله من امثالك

ابو فارس

صح بدنك ولاهنت طال عمرك

ابو ثامر

حضورك فخر

لاهنت

سالم ابن وحير

لاهنت

سالم صليم

صح بدنك يابو سند ولاهنت

مشبب

صح بدنك ولاهنت يابو فهد

قديم الشوق
ارحب وحياك الله

صح بدنك وسلمت

عبد المحسن المري

صح بدنك ولاهنت

شجاع
صح بدنك وهلابك

لاهنت

النور
نورتي الصفحه
لاهنتي

سعود

حيرتني وانا اخوك

كل بيت يقول الطيب عندي

قصيده مثل العقد المنظوم ان ذكرتها اذكرها كلها واخليها


صح لسانك يالنشمي وعز الله ان اجزلت


اخوك


فالح الشلوي

ارحب يابو محمد

والله ياحضورك انه نجاح للقصيده وراعيها..

حمد ابن فطيس
ارحب يابو محمد

صح بدنك وحضورك نجاح

اخوي محمد الفرحان

صح بدنك وهلا وغلا

هادي


صح بدنك وياهلا والف هلا