لليلة الزفه

[poem=font="Simplified Arabic,6,tomato,bold,normal" bkcolor="transparent" bkimage="http://www.alnadawi.com/vb/images/toolbox/backgrounds/21.gif" border="double,6,tomato" type=2 line=0 align=center use=ex num="0,black"]





سلام الله سلام الله على راعي الكرم والجود
سلام الله على راعي الكرم والطيب والعفه
أبو نايف رفيقي لاغدت بيض الليالي سود
الى مني زهمته في الشدايد مد لي كفه
زهمتك يابو نايف ماني بزاهم قليل الفود
من هموم بكفه واجبال الصم في كفه
يزيد الهم في قلبي ليا هبت هبوب النود
ويزيد النبض في قلب الشقاء دفه وراء دفه
سبايب من غيابه صاب قلب يبذل المجهود
تولته الهموم ولابه أحدٍ واقفٍ صفه
فتح باب المحبه والسعاده بابها مردود
ووقف بين الرجاء واليآس واستسلم على الحفه
وانا جيت ازهمك واخبرك بالعلم والمقصود
حبيبي صورته باعيوني الثنتين ملتفه
الا ياسعد من جاب المهر واطلب عليه شهود
وجاء في الحفل والعالم تصفق لليلة الزفه
على سنت رسول الله لاناقد ولا منقود
أبي تشبع عيونٍ من سبب فرقاه مشتفه
ولا أبغى أطول الشرح الطويل الجود بالماجود
تراء الشرح الطويل يحط في قلب الشقاء خفه[/poem]

سلام

لله درك يا شاعر

صح الله لسانك على هذا الابداع

الا ياسعد من جاب المهر واطلب عليه شهـود
وجاء في الحفل والعالم تصفـق لليلـة الزفـه
علـى سنـت رسـول الله لاناقـد ولا منقـود
أبي تشبع عيونٍ مـن سبـب فرقـاه مشتفـه


وافي لا عدمتك يا سالم

صح بدنك شهاده
طيبه من رجل طيب

واشكرك على قرآة جديدي وحسن المتابعه

يامشبب

ولا أبغى أطول الشرح الطويل الجود بالماجـود

تراء الشرح الطويل يحط في قلب الشقاء خفـه

صح الله لسانك يا سالم

جزل و مبدع

تحياتي

اخوك

مبدع يابن همام

يزيد الهم في قلبي ليـا هبـت هبـوب النـود
ويزيد النبض في قلب الشقاء دفـه وراء دفـه
سبايب من غيابه صاب قلب يبـذل المجهـود
تولتـه الهمـوم ولابـه أحـدٍ واقـفٍ صفـه


عزالله انك جزل


صح السانك

سالم بن همام



صح لسانك

وعلا شانك



قصيده جزله من شاعر جزل



لاهنت ولاهان حضورك المميز



تحياتي

[frame="1 80"]مبدع يا ابن همام

قصيده رائعه وانت شاعر رائع قادم

اهلا بك في حديقه الشعر الجميل

تقبل التيحه
اخوك
ابو نايف[/frame]

سالم بن همام 00 مرحبا ومسهلا في مكانك


جعلك في خير ومن ذا واجمل يابن همام

صحت أبدانكم جميع


واشكر من قام بمتابعت جديدي


وأسف على التأخير

أعتذر منكم على الاطاله في الرد لاشغال خاصه


وبيض الله وجيهكم على كل حال

الشاعر سالم بن همام


صح الله لسانك وسلم بنانك




قصيده رائعه وجزله وعفيفه من راس طيب وسنافي ومبدع


استمتعت بتصفحها



تقبل تحياتي واحترامي

صحت ابدانكم جميع

ومشكورين على متابعت جديدي

لليلة الزفه

[poem=font="Simplified Arabic,5,#050505,normal,normal" bkcolor="" bkimage="" border="none,4,#400000" type=2 line=1 align=center use=ex num="0,#400000"]
سلام الله سلام الله على راعي الكرم والجود = سلام الله على راعي الكرم والطيب والعفه
أبو نايف رفيقي لاغدت بيض الليالي سود = الى مني زهمته في الشدايد مد لي كفه
زهمتك يابو نايف ماني بزاهم قليل الفود = من هموم بكفه واجبال الصم في كفه
يزيد الهم في قلبي ليا هبت هبوب النود = ويزيد النبض في قلب الشقاء دفه وراء دفه
سبايب من غيابه صاب قلب يبذل المجهود = تولته الهموم ولابه أحدٍ واقفٍ صفه
فتح باب المحبه والسعاده بابها مردود = ووقف بين الرجاء واليآس واستسلم على الحفه
وانا جيت ازهمك واخبرك بالعلم والمقصود = حبيبي صورته باعيوني الثنتين ملتفه
الا ياسعد من جاب المهر واطلب عليه شود = وجاء في الحفل والعالم تصفق لليلة الزفه
على سنت رسول الله لاناقد ولا منقود = أبي تشبع عيونٍ من سبب فرقاه مشتفه
ولا أبغى أطول الشرح الطويل الجود بالماجود = تراء الشرح الطويل يحط في قلب الشقاء خفه[/poem]