(اقوله في موقفي رخص دمي-والاانت حتى مارخص للتبرّع)

ارجو ان تحوز على رضاكم:-

[poem=font="Simplified Arabic,6,darkred,normal,normal" bkcolor="transparent" bkimage="" border="groove,4," type=1 line=0 align=center use=ex num="0,black"]
ثنتين تشفي القلب وتزيل همّي=ترحيبة معزب وبابٍ مشرّع
المرجله صعبه وفيها تنمّي=خطوات يخلفها الصبي لاتسرّع
حتى الرصاص اليا تتالا يزمّي=والطيب ماهو زبد من جاه كرّع
والبارد الي خم الاخبار خمّي=ولا شاف فراعه يقوم يتفرّع
افرح لاشفته صد ماهو بيمّي=واظحك لاشفته في الحزوم يتصرّع
واقولّه في موقفي رخص دمّي=والا انت حتى مارخص للتبرّع
الي لهم حقٍ علي وابن عمّي=لامن بغوني بالسلاح اتدرّع
رفيقنا يشرب من زلال جمّي=والا العدو من كاس سمي تجرّع
ثوب الفخر يظفي علينا وكمّي=يظفي على بعض العرب ويتذرّع
ثنتين تشفي القلب وتزيل همّي=ترحيبة معزب وباب مشرّع
[/poem]وسلامتكم

ارررررحب يامسلط



صح الله لسانك وسلم بنانك


رائعه بروعة وشموخ شاعرها


كفو كفو كفو

صح لسانك يامسلط


استمرار لقصائدك الرائعه

اعتقد ان هنا خطأ في الكتابه

ثوف الفخر يظفي علينا وكمّي

مسلط


أرحب مليون


هذا تقريباً ثاني نص أقرأه لك هنا وأقول لك

أنت شاعر يكتب بماء الذهب للـــــه درك يانقي

نص من أجمل ما قرأت مؤخراً


الله يحفظك والى الامام

صح لساااااااانك يابو ناصر






شهادتي فيك مجروووووووحه






مبدع الى اقصى حد






تحياتي لك






أخوك وابن عمك سعود

مسلط

صح الله لسانك

وجدت هنا يا مسلط روعة في بعض أبيات القصيدة مثل قولك

والبارد الي خـم الاخبـار خمّـي
ولا شاف فراعـه يقـوم يتفـرّع

واقولّه في موقفي رخـص دمّـي
والا انت حتى مارخـص للتبـرّع

و أجد بالمقابل أبيات أقل منهن مستوى كقولك

والطيب ماهو زبد من جاه كـرّع

يمكن هناك اختلاف في اللهجات ولكن أتوقع أن ( كرّع ) تدل على الشرب و الزبد يؤكل

واظحك لاشفته في الحزوم يتصرّع

ما أظن أنك تضحك عندما ترى أحد يصارع الموت حتى لو كان ردي ولكن الواحد منّا يتمنى أن الردي ليس خويّه أو قريبه

الي لهم حقٍ علـي وابـن عمّـي

أما ترى أن وضع ابن عمي هنا حشوا ؟؟

لأن ابن العم من ضمن اللي لهم حق عليك كأخيك و قبله أبيك فلماذا خصّيت ابن عمك ؟؟

ثوب الفخر يظفي علينـا وكمّـي
يظفي على بعض العرب ويتـذرّع

يظفي على بعض العرب و يتذرّع؟؟؟

على العموم أنت شاعر رائع و لكن هذه وجهة نظري التي تحتمل الخطأ قبل الصواب


تحياتي لك شاعرنا الوافي

صح لساانك وابيض وجه


عز الله متمكن يامسلط


الله يعطيك العافيه


لاعدمتك

[frame="1 80"]
اخوي مسلط

ثنتين تشفي القلب وتزيل همي @ ترحيبه معزب وباب مشرع

لو ما كتبت اللى هذا البيت

لكفى ووفاء

اختراق للأبداع والتقاط مشاهد واختزال رجآل وفعايل في بيت واحد

صح لسانك

لا هنت
اخوك
ابو نايف[/frame]

ارحب يامسلط

صح لسانك


لاعدمتك يالجزل

اخوك
خالد

ياسلام عليك يا مسلط

صح السانك ولاهنت

قصيده طيبه من راس طيب


لك تحياتي

الاخ مبارك بن محيا

بالنسبه لكلمة (كرع) فأنا مااسمعها عند شيبانا الا في الاكل وخصوصا وبالتحديد الزبد فأنا اسمعهم دائما يقولون (كرع في الزبد والتمر) فالزبد اكل والتمر اكل

وبالنسبه ل((الي لهم حق علي وابن عمي)) فابن العم ايا" كان له عليك حق طيب والا رخمه واقصد بالي لهم حق علي هم من القبائل الثانيه وهم محددين مثل:-
الخوي ----العانيه----القصير-----الصديق---------الخ
وانا هليت القصيده على القرقاح وامتدحها وخص بالمدح هذا البيت

وبالنسبه ل((واظحك لاشفته في الحزوم يتصرع)) فلست اقصد انه يتصرع من الموت ولاكنه موقف هو الي جر القصيده وهو يدعي الشجاعه وهي مخالفته فهو يتصرع ويتهدد من زود الشجاعه

وشكرا كل الشكر على الانتقاد اخي مبارك بن محيا

اول شي


نص ماكل شاعر يكتبه



وجزل وطيب




من شاعر متمكن



صح لسانك

يامسلط



وسجلني




متابع لك

سلمه ياحسين الحبابي

لاهنت اخوي على سرعة الرد

اشكرك كل الشكر على المتابعه

تحياتي لك’’’

واقولّه في موقفي رخـص دمّـي
والا انت حتى مارخـص للتبـرّع
الي لهم حقٍ علـي وابـن عمّـي
لامن بغونـي بالسـلاح اتـدرّع
رفيقنا يشـرب مـن زلال جمّـي
والا العدو من كاس سمي تجـرّع



يابن سعيدان 00 كلامك له ثمره جعلك تبطي حي ولاهو بغريب عليك وانت من رووس عرب ياعبدلي



لاخلا ولا عدم

والبارد الي خـم الاخبـار خمّـي
ولا شاف فراعـه يقـوم يتفـرّع
افرح لاشفته صـد ماهـو بيمّـي
واظحك لاشفته في الحزوم يتصرّع

الله الله يا مسلط

قصيدة جزله ومعانيها في غاية الادراك والافاده وسر جمالها الثاني حقيقة هوامتزاج صوت القيفان واختيارك لها فصوت الياء اللي في الصدر شبة صائت مجهور وصوت العين في العجز صامت احتكاكي واستخدامك نمط التشديد وهو احتابس الصوت في كل من العجز والصدر اضاف تقسيم موسيقى رائع للنص


صح لسانك ولا عدمنا تواصلك