ما زلت تلميذ للشعر في مدرسة النداوي
قصيده جديده اتمنى أن تجد صدى
في فكركم و ذائقتكم الراقية
عصمت القوافي
قصيده جديده اتمنى أن تجد صدى
في فكركم و ذائقتكم الراقية
عصمت القوافي
[poem=font="Simplified Arabic,5,purple,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لا ضاق صدري من هموم خوافي=و الهم عانق وحشه الليل بشغاف
سجيت عن ضيم السنين العجافي=و سميت بأسم الي يناجيه خواف
قريت هود و سوره الكهف تافي=و من آيه الكرسي لآيات الأحقاف
أسهر عن جفون العيون الغوافي =و بالخد طرف للفجر ما بعد راف
لين الدروب الي عطشها جفافي=تمد ليدين الفرج شط و ضفاف
و دثرت من جيش الهموم أرتجافي=أرخيتها أفكاري على الشعر سولاف
لو القصيد ذنوب ما قلت كافي=و لو الشعر عذروب ماني بعياف
وأن جيتك أسجل يالقصيد إعترافي=أخطيت في حقك و لك حق الإنصاف
يا كم من ليل و أنا أجيك لافي =و أبدع على جالك ثقيلات و خفاف
أربع سنين أرهي على الشوق قافي=و الشعر لي كاهن و الابيات عراف
أسرج خيول الفكر ساهي و غافي=و حبري على الدفتر جريح و نزاف
مثل السقيم الي تعب و متعافي=لا هو سهر ليله و لا غضت أطراف
لين الشعر ، ، صار لغلاهم لحافي=توسدوا حروفي تواسيد الأكتاف
و لبستهم ، ، كتان الابيات دافي=خاويتهم و الشعر مغنى و ميلاف
حتى عطش شعري و كتبت التجافي=أمست سواليف الهوى ماض طاف
و لا على المقفين لوم و حسافي=لأن التجافي ، ، ما تعلل بالأعراف
و أعلنت يا غيمات شعري كفافي=أقولها و أركي على القول حلاف
تجبري بالله ، ، عصمت القوافي=عنك و عن طاريك يا ملهمه القاف
و الله و ربي الي علم كل خافي=لأعلمك معنى التغلي و الاجحاف
بأسم الوفاء لديت للحب وافي=بأسم الجفاء قفيت ياعذب الاوصاف
توي غرير بس جيت أمتشافي=توي كسير بس لا زلت وقاف
عيب على عقب الصدود أنعطافي=وغيرك قلوب ترجي القاف و رهاف
أبدع لهم شعر على الشعر ضافي=لا فكر يوصل له و لا ناظر شاف
نبع و غدير من عذوب أرتشافي=بوح على المعنى رقيق و شفاف
لعبه فكر سحر على الموج طافي=و أبهى من الؤلؤ بمحار الأصداف
أصفى من بحور الكلام الصوافي =اندى على الوردة من الديم وطاف
يالي رويت الشعر من نبع قافي=بيني و بينك جرح الأيام ميهاف
أن جيت لمي ضامي الشعر حافي=لأعلمك معنى التغلي و الأجحاف
و أن جيت أسجل يالقصيد أعترافي=أخطيت في حقك و تستاهل أنصاف[/poem]
و سلآمتكم
[/align]
تعليق