استفت من الليالي علمو سود الليالي

[poem=font="Simplified Arabic,5,blue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
اه من جور السنين اللي عناها عذبني = واه من سود الليالي هكذا سود الليالي

يوم اصارعهن تمنيت انهنه يفهمني = كان ماسواً في حالي كذا يابري حالي

مر اعلمهن وامراراً كثيره علمني = عشت فيهنه وانا مابين مر وبين حالي

والليالي من تجاربهن يما درسني = درسٍ قبلي ارجال وعلمٍ قبلي ارجالي

علمني رفقة الطيب ورفقة ضحك سني = وعلمني كيف اسوي غترتي والبس اعقالي

وعلمني من صديق الضيق لمني حدني = ومن يدفيني ليا هبت نسانيس الشمالي

بس ياهل المعرفه سود الليالي عيبهني = ماتوريك القلوب الحاقدات من الخوالي

والله اني من رجالٍ بالمعرفه والله اني = ربعي اهل الطيب واهل الجود راقين المعالي

اكتبي في صفحة التاريخ يالاقلام عني = ان ربعي فى المواقف كنهم صم الجبالي

افتخر فيهم ومن زود الفخر والله لاني = ليه مافخر فى الرجال اللي كريمين السبالي

بس عيبك يالليالي مامشيتي حسب ظني = ولو ساْلت اكيدوالله ماحداً جاوب سؤالي

ويابيوت الشعر لن غنيت بالله طاوعني = بتسلى بك وابنسى بالقصايد ماجرالي

كنت اغامر في كثير من الامور وعذبني = وشلت حملٍ فى النهايه ياجماعه مايشالي

بس ابشركم تجاريب الليالي درسني = استفت من التجارب علمو سود الليالي [/poem]


فهد الذيابي

أخوي فهد بن فلاج


صح لسانك وبيض الله وجهـك


قصيده جزله ورايعه بروعـة حضورك


لك فااااائق احترامي وتقديري

فهد

صح لسانك

يا فهد لاحظ
يـوم اصارعهـن تمنيـت انهنـه يفهمنـي
كان ماسواً في حالـي كـذا يابـري حالـي
في صدر البيت كسر وفي عجز البيت ثقل

يمكن هناك خطأ كيبوردي أو أنا ما عرفت أقرأ البيت

أتمنى تنتبه لملاحظتي


تقبل تحياتي

أخوك

صح لسانك يا ابن فلاج



حضور مميز


وابداع متدفق



دمت متألقا



تحياتي