Tweet
أخواني النداويه .... اخواتي النداويات ,,,
يشرفني اصافحكم بهالابيات المتواضعه ..........
بالقلم يدوي نزيف المحبره
نزفها سيلن مع نزفي يسيل
ابتدا شعري وصافح منبره
من برود الصمت حرفي زنجبيل
والسطر لا مر حرفي واعبره
ينتظم بمرور حرفي مايميل
من عرض لغزه لزوم يفسره
يشرح المعنى ويجزم بالدليل
ومن زرع ... باكر وروده مزهره
عطرها زاهي ومنظرها جميل
من طلب علمن بحله وسفره
هامته ترقا لهامات النخيل
وصار مقياس العطا بالمسطره
بعضهم يعطي وهمه بالبديل
السنين اللي لفتنــي مدبره
كثرة الايام من عمري قليل
الصديق مرايتك والمنـــظره
وكل طير فوق اشكاله يميل
صادق اللي من همومك تحضره
صادق الطيب بمبداه النبيــــل
صحبة الطيب تراها مثــــــمره
وصحبة السيء بها المعنى هزيل
والزمن احذر زمانك احــــــذره
ماتميـــز فيه خصمك والخليل
يغرس بظهرك مخالب خنجره
وان لمح وجهك غدا لك سلسبيل
العدو اللي شعوره يظهره
باطنه ظاهر ولو حقده فتيل
اهون من اللي شعوره ينكره
باطنه مغشوش وغلافه اصيل
والفتى لو زاد حكيه ثرثره
قل مقداره ولا يلقا زميل
واقع مؤلم ظروفه تقهره
الفرس ضيع بمجراها الصهيل
الولد يشتم ابوه وينهره
ومايرد الوالدة ربع الجميل
ومنزلن يخلط نفسهم بحجره
يهجرونه والالم فيهم نزيل
والسموم اللي تميت المقدره
الكريم بفعلها اصبح ذليـــل
ودك تسيّر ذلولك سيّـــــره
وجّــه الوجهه بمبداك الصميل
باكر ٍ تلقا تــــراب ومقبره
وخرقة ٍ بيضــــا وميزان ثقيل
وسلامتكم.......
اختكم الفارســـــه
[/align]
تعليق