Tweet
مصافحه أولى .. أتمنى أن تجد بعض الرضا
..
.
القلب قلبك والمشاعر مشاعـــــــرك
إجرح وعذّب يــا حبيـــبي حلالـــــك
غالي ولو تخطي على القلب عاذرك
سوّ الذي يرضيك واللي في بالــــك
خابرني ميّت في غرامك وخابــــرك
تموت في حب التملك وأنا لـــــــــك
إن كنت صاحي مع خيالك أسامرك
وإن نمت في حلمي يجيني خيالـك
يعني على كيفك وذوقك وخاطرك
أجيك أنا كلي وكلي فدالـــــــــك
أموت في غيضك وعقدة نواظــــرك
وأموت في صدّك وأموت بوصالـــك
وأموت في همسك ليا جيت أحاورك
وفي دهشتك .. لاقلت أدوّر بدالــــك
وأموت لاشع الضيا بأجمل صــــورك
وأغيب معها وألتهي في جمالـــــك
وتقول وش رايك؟ وأقرّب وأشاورك
أنت الله أعلم وش نهاية دلالـــــــــك؟!
ياإني بموت وبندفن في محاجـــرك!!
أو يمكن أحيا وأنهبل في هبالــــك!!
وتضحك وتفرج بالسعاده سرايـــرك
وأنا على ضحكة شفايفك هالــــــك!!
ذوّبتني مابين ملحك وسكــــــــــرك
وأهديتني قلبك وروحك وحالــــــك
أقدّر جهودك في حبّي وأقـــــدّرك
وأسكّنك بين الحنايا لحاااااااااااالـك
ومنّي جزيل الشكر والقلب يشكـرك
على سموّك يالغضي وإكتماااالــك
سبحان من كمّل وصوفك وصــوّرك
وخلاّ مجالي يندمج في مجالــــــك
إن غبت عنّي قمت أهوجس وأدوّرك
وأنشد عن ديارك وأجي وآعنالـــك
وإن جيتني برضاك ماجيت مجبـــرك
يامرحبا والقلب فزّ ودعــــــــالـــــك
بس أنت تكفى دامني صرت شاعرك
إن غاب زولك .. لايغيب إتصالــــــك!!
[/align]
تعليق