السلام عليكم ورحمة الله
جديده اتمنى قبولها منكم .
للإستماع
جديده اتمنى قبولها منكم .
للإستماع
[poem=font="Simplified Arabic,5,,bold,normal" bkcolor="transparent" bkimage="" border="none,4," type=2 line=1 align=center use=sp num="0,black"]
ليه تتركني وأنا يازين ضامي=خاف ربك وأسعف الضامي في ميّك
أدري إنه ماهو مرضيك إنهزامي=إنهزامي .. إنهزامك وآنا خيّك
لو تشب الضيّ ينزاح الظلامي=وأنت تدري وش كثر شوقي لضيّك
ولو بنيت السور من دون الحرامي=جاك طيفي وأنت في غفله يشيّك
والله إني .. والله عليّ الحرامي=عاشقك وأعشق معك ميتك وحيّك
أستمع لكن قبل ما ابدى كلامي=قول صلى الله على الهادي نبيّك
أنت شمعه نارها طفّى غمامي=شجرتي تنبت على نارك وكيّك
وأنت ورده شوكها ريش النعامي=عطرها طاغي على شمسك وفيّك
وأنت نسمه وقعها وقع الحسامي=تنبعث من ثمرتك وتمر ريّك
وأنت قلبٍ بالكرم فاق الكرامي=حاتم الطائي طويته وسط طيّك
جبتني من قاسي وقتي وإنحطامي=لين غمّست القواسي في طريّك
معدنك طيّب وزينك له مقامي=كاملٍ بس انقطاعك هو رديّك
والا انا لو أقطع احبال الغرامي=أبصم إني ماني محصّل حليّك
في وصالك يرتكز كل إهتمامي=ما نسيتك وأنت تحرمني مجيّك
يعني إفهمني ولا تقطع سلامي=لو انا في موقفك ماصرت زيّك
القضيه شووق والصبر المحامي=والمحبه قاضي ... والقاضي خويّك ![/poem]
اخوكم/ خالد الديحاني
[/align]
تعليق