مـن حقـي احـلـم ولابــه شــي يمنعـنـي
علـى أمـل شوفـة الـلـي غيبـتـه طـالـت
الغـالـي الـلـي عـقــب فـرقــاه لـوعـنـي
عليـه مـدري خطـاة النفـس وش نالـت
لاجـيـت ابـنـسـاه قـلـبـي مايطـاوعـنـي
إن حـطـتـه دورة الأيـــام وإن شـالــت
ممـا بروحـي عظـيـم الـشـوق يدفعـنـي
يـبـيــن بـعـيـونـي الثـنـتـيـن لانـهـالــت
تحصدنـي همومـي والامـال تزرعنـي
لاشـك بعـض الأمانـي فينـي مـازالـت
ضامـي مـن الـعـام وغـيـره مايقنعـنـي
دايـم اخيـلـه وغـيـم الـوصـل ماسـالـت
ليتـه بعـذر الـهـوى يـرجـع ويسمعـنـي
بينـي وبينـه تصاريـف الزمـن حـالـت
لامــن تـذكـرت يـــوم إنـــه يطالـعـنـي
كل المشاعـر بفكـري صالـت وجالـت
ليـامـا عـلـى ماتـبـي قـامـت توزعـنـي
دلــت تبـاهـى بحـكـم الـحـب واختـالـت
كـانـه يبـيـنـي فـهــذا الـلــي يشجـعـنـي
علـى هبـوب الشمالـي كــل مــا مـالـت
وإن كان نـاوي علـى الفرقـا يقاطعنـي
عزيـل نفـسٍ شـقـت بالـحـب واكتـالـت
لامـــر طـيـفــه مـنـامــي مايهـجـعـنـي
بعض الهواجيس لامـن جتنـي اعتالـت
كثرالسهـر مـن عـقـب فـرقـاه طبعـنـي
مــادام حـبـل اللـقـا مـــن بيـنـنـا فـالــت
إن شتـتـنـي دروبـــه مــــن يجـمـعـنـي
حتـى لـو إنـي قـدرت ونفسـي احتالـت
قـدامـي الــدرب واوهـامــي ترجـعـنـي
محدٍ درى نظرتـي بالعيـن وش خالـت
حـبــه بجمرالـقـصـايـد لــــو يـولـعـنـي
مانـي بــأول جـريـحٍ روحــه انشـالـت
امشـي ورى هقوتـي والشـوق يتبعنـي
ماهمنـي مـن كـلام الـنـاس وش قـالـت
ماظـنـتـي لهـفـتـي بـالـحـب تـخـدعـنـي
احساس عاشق ماهي نزوات وانزالت
ذنبي علـى إنـي سمحـت إنـه يوادعنـي
ابنـتـظـر لـويـديــن الـعـفــو مـاطـالــت
علمت نفسي جميل الصبـر وش يعنـي
لــو دنيـتـي بالعـنـا لافـراحـي اغتـالـت
[/align]
تعليق