خالص الشكر الجزيل

السلام عليكم ورحمة الله وبركاته،،
عسى ان تغفر لي خطيئة الغياب والتقصير اتجاه النداوي ومتابعيه ..
إليكم هذه القصيده المتواضعه وتقبلوا تحياتي،،،


[poem=font="Simplified Arabic,5,,bold,normal" bkcolor="transparent" bkimage="" border="double,4," type=1 line=0 align=center use=ex num="0,black"]
لو خسرتك ما خســـرت العمـر.. والدنــيا متـــاع= وادري انـي لـو خســـرتك ما خســـرت .. الا قليل
بس فكّر زين.. تعـــرف مـــن خسـر فينا.. وضاع=وتعـــرف انـّــك لـو تلفّ الأرض .. وتـــدوّر بديل
والله ان تبطـــي .. ولو لفّــيـت في كـــل البـــقاع=ولو تسوّي وش تسـوّي ما انــت لاقــي لــي مثيل
وين تلقى مثل شخصي شخـص.. وطبـاعي طباع=وويـــن تلقى مثـل قلبـــي قلــب.. أو مثـلي خليـل
البشر واجـــد .. نعـــم .. لكــــنّ فــرق الإنطبـــاع=يجعلك يمّـــي تميـــل .. ويــــمّ غيــــري مــا تميل
يا رفيقــي .. إنتبــــه.. واحســـن إلـيّ الإستمـــاع=للمـــواقف دور فـــي كشــــف المزيّف.. والأصيل
وانت ماقصّـــرت فيـــني موقفــك .. جـــدا شجاع=طعنتك فـــي الظهــــر فعــــلا كانت اثبـــات ودليل
بيّــض الله وجهـــك اللي ساتـــره تحـــت القنــاع=ورايتك بيضــا معـــــاي وياعســـى عمــرك طويل
يعني اعطيـــك الثقه وتردّهــا بـــ(لــوي) الذراع؟؟=ياخـــي ما شـــا الله عليك ابدعــت فـي رد الجميل
مدري كيف اشكرْك مدري كيف ارد الصاع صاع=كنت احسْـــب انّك عزيــز النفس .. تطلـع لي ذليل
كــم وانا عيّيت اصـــدّق فيـــك قــــدرالمسـتطاع=من غبائي كنت أسكـــت واعذرك.. واثـْر الحصيل
جــــرح قلبٍ .. ميزتــــه في كــــل يوم الإتسـاع=ودمـــع عينٍ ينهمـــر مـن ضيقــتي.. في كل ليل
والله انـــي كنـــت احبك حب .. واتْـبــعْـك اتـّـبـاع=كنت لجـــل ارضي غرورك بس اسـوّي المستحيل
كنت اعمــــى فيك .. لالا .. كنـــت ميّـــت للنخـاع=كنت مدري كيــف؟؟ لكن كنـــت صادق معـك حيل
كنت امارس في غرامــــي لك سياسـة الانصيـاع=وكنت لاغــــي معك فكــــرة أعتـــزل أو أستقـــيل
إندفعــــت بكـــل مافيــني .. وســــوء الإنــدفـاع=يجبــــر الإنســــان أحيـــاناً .. يفـكــــّر بـالرحـــيل
صدمتــــي فيــك انـــت.. خلتــني أفكّــر باقتــنـاع=إن قتـــل النفــــس راحـــه لـو أنـــا كنـــت القـتيل
إنفجر راســــي مـن التفكيـــر.. واشتدّ الصـــداع=كيف اجل بافتـــكّ مــن جرحــك ودوشـة "قال قيل"
صرت سيره في حلـوق الناس.. وتالي هالضياع="أنتحــر؟؟ معقــــول!!" يا ألله وش هـــذا الغليل؟؟
رحمتــك يارب لامــــن ضاقــــت امنحنـي وسـاع=أنت حسْبـــــي في الزمــــان الجايـر ونعـم الوكيل
لا غـدى "مستقبلي والماضي" اطــراف النـزاع= وصفحة الماضي سواد وشيء من هــذا القبيـــل
ْفلازم انسى لجل أنهــي بداخــلي هـــذا الصــراع=ولازم اتقـــوّى .. عشان احــــقّق النصر الجــــليل
وطالمـا إن الهجـــــوم افضـــل وسيــــله للـدفـاع=مستحيل ارضـــخ لـو ان الحمــــل ياربعـي ثقـــيل
والبخيل اللي نســــاني واشتـــري فيني .. وبـاع=يذلـــف الله لا يـــــردّه .. والله بجـــرحــي كفـــيل
وان سأل عنّــي وجاكـــم بعـــد فتـــرة إنقطــاع=علمـــــوه انّــي نسيــــته بس انـا مانــــي بخـــيل
طالمـــا كـان السبــب في قوّتـــي .. قبــل الـوداع=بلغوه اقــــل شـيء بخالـــص الشكــــر الجـــزيل[/poem]

صح السانك يامحمد


شاعر عذب ولك اسلوب جميل مع الشعر


نعم تشرفت بقراءتها قبل سنتين تقريباً في في وهجير

واليوم اعانقها هنا

ان لم تخونني الذاكره



تحياتي لك

اخوي محمد الشهري
مرحبا بك بالنيابه والبخيل عله للذلوف
اشرقت بك سماء النداوي
والحمدلله على السلامه
وصح لسانك قصيده رائعه منشاعر مبدع
هلابك
اخوك
ابو نايف

رائع يامحمد رائع

لله درك

قصيدة شاعر متمكن ,,

وين تلقى مثل شخصي شخص.. وطباعي طباع = ووين تلقى مثل قلبي قلـب.. أو مثلـي خليـل

ماقلت الاالصحيح

خالص تحياتي

يا رفيقي .. إنتبه.. واحسـن إلـيّ الإستمـاع
للمواقف دور في كشف المزيّـف.. والأصيـل

وانت ماقصّرت فيني موقفـك .. جـدا شجـاع
طعنتك في الظهر فعـلا كانـت اثبـات ودليـل

صح لسااانك يا محمد ..

ومرحبا بعودتك


شاعر مميّز ..

لا عدمناك



لك تحياتي وتقديري

اخوك

ابو عمر



صح الله لسانك ولاهنت


شامخه بشموخ وعزة نفس شاعرها

وش ذا القذيفه يابو عمر



خلني اقراها ثاني مره اروق وارد عليك



منتب صاحي

الله الله

اخوي الشاعر

محمد الشهري

صح لسانك وصح بوحك ولاهنت

عز الله انها قصيده طيبه ووافيه

تقبل صادق ودي

تحياتي

اخوك..

حمد

محمد

صح السانك ولاهنت


قصيده طيبه من راس طيب

لك تحياتي

الله الله


صح لسانك يامحمد

راائع بالفعل

نص جميل وحضور راائع تفرد وتميز دمت هكذا اخي الكريم

تحياتي لك وإعجابي لقلمك

أخوك/ عذاب الغراميل

محمد الشهرى



دائما وانت متميز





ولحروفك رونق خاص




لاعاد تبطي ثم نقرط بخشمك




صح قلبك




ولك تحياتى

بيّض الله وجهك اللـي ساتـره تحـت القنـاع
ورايتك بيضا معاي وياعسـى عمـرك طويـل



ماشاء الله عليك يامحمد


لازلت مثل ماعهدتك



منها واعلى ياصديقي

وطالمـا إن الهجـوم افضـل وسيلـه للدفـاع
مستحيل ارضخ لو ان الحمـل ياربعـي ثقيـل
والبخيل اللي نساني واشتري فينـي .. وبـاع
يذلـف الله لا يـردّه .. والله بجرحـي كفيـل
وان سأل عنّـي وجاكـم بعـد فتـرة إنقطـاع
علموه انّي نسيتـه بـس انـا مانـي بخيـل
طالما كان السبب في قوّتـي .. قبـل الـوداع
بلغوه اقـل شـيء بخالـص الشكـر الجزيـل


صح لسانك يا محمد ولا هنت على هذه الممتعة .

تحياتي لك

العذب / محمد الشهري


استمتع باسلوبك السلس وحرفنتك في القصيدة



صح الله لسانك ولاهنت

ياخي إنت عبقري .. سلس .. قصايدك لها براءات اختراع


صح لسانك عدد ما امتعتني


(ومبروك على الصورة ياولد)