بســــــــــــــم الله الرحمن الرحيم



أسعد الله جميع أوقاتكم


من القديم والبدايات




[poem=font="Simplified Arabic,5,#180F89,bold,normal" bkcolor="" bkimage="" border="none,4,#400000" type=0 line=1 align=center use=ex num="0,#400000"]
ياشوق بنت اللي يرد المغيرين=لاصاح صيّاح الرعاة المساريح

دنياك ما تسوى جناح الذبابين=لاتشتحن من وردها والمراويح

إن كان تبغي خاطرك دايمٍ زين=فعليك بفجوج الخلي الصحاصيح

وأختر خويك من خيار الشياهين=طير السعد ناشئٍ على هبة الريح

لو طالت الطرقه على الزين والشين=وجهه جديدٍ ماترى فيه تكليح

شبّاب ضوٍ والخلا عارفه زين=ونطقه شفاتٍ للقلوب المجاريح

وطير الرخم لا تأخذه خادر العين=لايعجبك طوله ولو فيه تفطيح

يرّث بقلبك مثل طعن السكاكين=من كثر ماتنخاه بالصوت وتصيح

مايلزمه من أعتل الناس عشرين=لا حققت عينه صحون المفاطيح

ياجعل يفدونك رخوم ورديين=إللي على شف الرحايل مدابيح

يمشي على شف المره والبزارين=بالطيب ولاّ تسحبه بالنحانيح

برا حشيم وداخل البيت مسكين= كبوا بناته يالرّجال الطحاطيح

وصلاة ربي عد نبت البساتين=على رسولٍ قوله الحق وصحيح[/poem]




وسلامتكم