على هامان يافرعون

[poet font="Simplified Arabic,4,black,normal,normal" bkcolor="transparent" bkimage="backgrounds/2.gif" border="outset,4,gray" type=2 line=200% align=center use=ex length=0 char="" num="0,black" filter=""]
غريبه منك تلعبها على هامان يافرعون=بلاش من اللعانه لعبتك هامان خابرها

توافقتوا على المبدا تخالفتوا على المضمون=وكلٍ قام في راسه يكبرها يصغرها

نقول العيب في الجمره تقول العيب في الغليون=ونبلش فالقضيه ماتدللنا محاورها

غريب اطوار لاصاحي يسمونك ولامجنون=نصدرها توردها نوردها تصدرها

بلاهامان يافرعون مهما رحت مالك عون=عصا موسى على راسك بحول الله يكسرها

بعد عقدة لسانه حلها ممشاه مع هارون=ياويل ارض الكنانه ويل كاهنها وساحرها

يحق الحق والباطل زهق والمعتدي *****=وعجل السامري مع قوم ينهاها ويامرها

على غيك مشيت ودون ظلك عصبةٍ يمشون=تسيرها على شوك الكتاده ماتخيرها

جزاك البحر تغرق فيه واللي معك ما من لون=ليا شافتك جثه هامده هلت عبايرها

تموت ولايغير موت مثلك شي في هالكون=وتحيا والبشر تخمش يديك بروس اظافرها

عرفت انك ضعيف ولانت لافارس ولادندون=ماغير الكبر غرر بك مثل قومٍ مغررها

تحسب اني مثل من جاملوك وعاملوك بهون=لا والله ماهقيت وهقوتك ماني مقدرها

انا راسي عليه رعود وبروق ومطر ومزون=مطلات النجوم أسلب مواقعها واطيّرها

وانا ماتابع المقفي ولانشد حالته وش لون=يجي ويروح ماكنه خِلِق طوعا ولاكرها

وانا ادري وش عليّ وويش ليّ وماقفي مامون =ماتخدعني مظاهر قوم هافيةٍ مخابرها

وانا ماتجاوز حدودي ولاتمرد على القانون=ومن يخطي عليّ اكحل عيونه كحل يجهرها

ولو ينسف بحر(ايجه) ولو ينشف بحر (سيحون)=تجدني بحر بحارته يسرف في بواخرها

مالومك يوم تجهلني يابو راسٍ بدون عيون=ليا جاك البكا تيبس دموعك في محاجرها

تشوف الخيل تحسب سر طنختها من الافيون=عسى الافيون يحقل حيث ماتاطا حوافرها

وبن شداد مات وكان في راسك تحس قرون=عليك الله وامان الله قرونك لاتغبرها
[/poet]

حححححححححجججججججججججززززززززززززز اول


لي عوده

ابوخليل


رغم صغر سنك فانت تقارع الكبار في كل امر طيب

صح لسانك وعلا شانك على هذه الرائعة

اخوك

ارحب يابو خليل

يا وجه الله يا ابراهيم .


كذا تقطع فينا وتحرمنا من تواصلك وابداعك .

لك مكانه خاصة وتقدير .


تحياتي لك وتقديري لتواصلك رغم مشاغلك

اخوك

ابو ثامر

اخوي ابراهيم
صح لسانك
قصيده تنم عن مبدع وشاعر كبير في ثوب فتي
لقد اجزت بها علومك الشعريه
تحيه
اخوك
ابو نايف

صح لسانك يا ابراهيم

وقصيدة ناريه وراااااائعه

تحياتي لا عدمتك

اخوك

ابراهيم

صح السانك ولاهنت


قصيده طيبه من راس طيب


لك تحياتي

الشاعر الرائع

ابراهيم الشيخي

صح لسانك يابوخليل

ابيات رائعه من شاعر مبدع

سجل اعجابي ومتابعتي لابداعك




اخوك
ابوبدر

جزاك البحر تغرق فيه واللي معك ما من لـون
ليـا شافتـك جثـه هامـده هلـت عبايرهـا

تموت ولايغير موت مثلك شـي فـي هالكـون
وتحيا والبشر تخمش يديك بـروس اظافرهـا

شاعرنا النقي ابراهيم

صح لسانك ودام حضورك وابداعك

لا عدمنا هطولك ولو لنه موسمي ...

منا لك كل الود والتقدير


مشهووووور...

تستاهل الصدارة يابو خليل



مشهور....

مالومك يوم تجهلني يابو راسٍ بـدون عيـون
ليا جاك البكا تيبس دموعـك فـي محاجرهـا

أعصابك يابو خليل


صح لسانك
قصيده غاضبه


وانت عادتك تبدع بكل شي



تقبل تحياتي،،،

يسعدني يابو خليل اني اقراها ثاني مره واقدمه للصف الأول كما نراك انت في اعيننا



مشهووووور....

الله الله يابو خليل


يازينك وانت منفعل


تبدع وتتألق



صح لله لسانك ولاهنت

فالح الشلوي


مرحبا ومسهلا


لاعدمتك يالنشمي

توافقتوا على المبدا تخالفتوا علـى المضمـون
وكـلٍ قـام فـي راسـه يكبرهـا يصغرهـا

نقول العيب في الجمره تقول العيب في الغليون
ونبـلـش فالقضـيـه ماتدللـنـا محـاورهـا

غريب اطوار لاصاحي يسمونـك ولامجنـون
نصدرهـا تـوردهـا نـوردهـا تصـدرهـا

سلمت يمناك وصح فكرك يابو خليل

لك تحياتي