ياسلامي سلامٍ افجّ ابه النحور

بلامقدمات

7
7
7
7
7
7
7
7
ياسلام الله سلامٍ افجّ ابه النحور **** عدّ ماهب الهوى من نسيم وزوبعه

للرجال اللي تصون العهود ولاتبور **** للرجال اللي تعز الصديق وترفعه

ثم اخصّ الصاحب اللي نعتني بالقصور**** كان له عينٍ وقلبٍ كلامي يسمعه

استمع ياصاحبي للكلام ولاتثور **** والمعزه بيننا حبلها لاتقطعه

مايحس الا رجالٍ لها بين الصدور **** القلوب اللي تعرف الصواب وتتبعه

والرجال اللي بهاالقلب ميت فالقبور**** ميتٍ قلبه وحسّه بعد مايت معه

مايعيب الرجل لو قيل حسّاس الشعور **** ايه اناحسّاس ماهي حقيقه مفجعه

ثم اجي للتهمه الثانيه مابي غرور **** صاحبك هو صاحبك واربعك هي اربعه

ماتغير لو يجي في يدي سبع البحور **** وان طمعنا مالنا غير مثلك مطمعه

ثم اجي للتهمه الثالثه وش بي نفور**** كان قصدك من يبي الناس خاتم فصبعه

مانفرت الا بعد ماعرفت انه عقور **** لو تدلي اصبع الرجل والله يقضعه

والحنش لويسري الليل اعرفه ومخبور**** لو نقصّ الدرب من عندنا للمجمعه

ثم اجي للتهمه الرابعه بالقول زور**** من يشوف الحق ويقول باطل ودعه

يشهد الله ماغطى الحق لو دمي يفور **** من يقول الحق ماقول ربي يقلعه

واختم الهرجه بكلمة مسامح ومعذور **** ودي اني زدتها مير ماعندي سعه


وللجميع تحياتي

أبو سجود

قد تكون القصيدة خاصة بشخصٍ ما ،،

ولكن هل لي بحيزٍ بسيط لأسجل تجييري لهذه التهم الموجهة

إليك .. وأهنيك عليها ،،

فمن مثلك لا يعاب بها ..

بل حقه أن يفخر بكل غرووووور ..




*

مايعيب الرجل لو قيل حسّاس الشعور
-----------------ايه اناحسّاس ماهي حقيقه مفجعه

يشهد الله ماغطى الحق لو دمي يفور
---------------- من يقول الحق ماقول ربي يقلعه


يا حبني للكلام السنع
كفو والله ياابوسجود

نجدية سدير

ياعلني ماعدمك

اشكرك وبعنف زجودك يشعرني باني اكتب شعر

شكراً للتواجد

قلب الذيب

تسلم وتدوم يالغالي وهذا من طيبك

.....و.....

دمت لاخيك

يشهد الله ماغطى الحق لو دمي يفور
**** من يقول الحق ماقول ربي يقلعه

واختم الهرجه بكلمة مسامح ومعذور
**** ودي اني زدتها مير ماعندي سعه


صح لسانك يابوسجود والقصيده تعبر عن معناها


شقران