ياجابر السلمي .......... تعال

اخوي الشاعر .... جابر السلمي ...

والله ثم والله انها طلعت معي كذا .. لاني بطامع برد ولا حاجه بس معجبني اسلوبك واشعارك وحبيت اعنز عليك بحاجه في خاطري ..


يوم انه قدام عيني راح يا جابر
............................. العالم الله يجي والا يخليني

هالوقت ماهو مثل ما كنت انا خابر
............................ يا ممن الوقت .. شوفه باير فيني

لو مرني مثل مر الراحل العابر
.......................... مازانت احلى ليالي العمر في عيني

والعمر في كل يوم يشبره شابر
.......................... وبلحظه البين يقطع شبره البيني

وش خانه اللي على تجريحي مثابر
.......................... وانا ما ابي شخص يحكم بينه وبيني

ابغاه يرقى شموخي يومي مكابر
..........................ويعرف لامنه اغلى كيف يغليني

ويشوف موت المدى في شوفي السابر
......................... ويحس في قلب يغلي ضك جنبيني

لو يشرب الصبر مثلي يوم انا صابر
......................... طاحت عروشه ويخضع لي ويرجيني

ياكثر ما اشبهه في عصري الغابر
......................... اقول ؟؟! والا بلاش الصمت يكفيني

يا حسبي الله جيشه يقطع الدابر
...........................احتل قلبي من اسطنبول للصيني

ومن عقبها راح شوف العين ياجابر
......................... والعالم الله يجي والا يخليني



وسلامتكم

عايض الهاجري

الأخ الغالي / عايض راشد الهاجري


ابشر بسعدك وانا وقصيدي فدوة لك ،،وفخر لي ان اجاري قصيدتك التي اسندتها لي وغلاك يابو راشد زايد

مادام حظك يشابه حظي العاثر
…………………… يا عايض الصبر فجر لي شراييني

يا وقتنا .. الظالم ..المتمرد..الكافر
…………………… عايض وانا ليه تشْقيه و تعنيني

اعز من جابته عزوة بني هاجر
…………………… اوفي ديونه وانا ممدي على ديني

شكيّته هي قضية وقتي الحاضر
…………………… خلّه تغلا .. وتجريحه معنّيني

ما يستحق الجفا من خله الماكر
…………………… يوم انه اعطاه نبض اشواقه سنيني

صحيح ما يوقع الا العاشق الشاطر
…………………… لكن يسلا وينسى لو بعد حيني

ياعايض ان كان جم البير لك خاثر
…………………… لا تشربه لا اختلط صافيه بالطيني

وان شان وقتك تراك الجوهر النادر
…………………… قد قلت : ابويه بدرب العز موصيني

اللي يجافيك ..جافه وهْوه الخاسر
…………………… وانته بداله تبي تلقى ملايـيـني

الماضي انساه وانظر في مدى باكر
…………………… باكر بذور الأمل بيديك و يديني

وان كان حظك على ماهو كذا عاثر
…………………… قد قبلك الحظ مرّة ما يدانيني !!!

<<<<<>>>>

الشعراء .........

جابر السلمي & عايض بن راشد

تابعنا قصائدكم ولا نملك الا أن نقول شعراء يستحقون المتابعه ،،

تقبلوا اعجابي



ســــــــــــــهـم المنايا

بسم الله الرحمن الرحيم

الاخوين عايض الهاجري &وجابر السلمي

السلام عليكم ورحمة الله وبركاته

صح الله لسانكم ولله دركم صوت وصدى من اجمل مايكون وتعرفون شهادتي

فيكم واروع مافي متندى النداوي هو الود المتبادل

بين الاخوه.لاتحرمونا من ابداعاتكم

عتب صغير لبو راشد لاتقاطع

تحياتي لك اخوكم

الاخ عايض


صح لسانك ....... ولاهنت والله يعين جابر علي الرد الطيب لانه معودنا علي الطيب
قصيده معبره وأسلوب متفرد في الطرح دائماً ياعايض .....تسلم وتقبل تحيات البحــــــــــر





أخوك / بحـــــــــــــــــــر

قلمة نيو هامبشــــر

هلا وغلا اعداد السيل بالغالي جابر السلمي ....

قسم بالله انه ماجا في بالي ردك والا كان ماذي بقصيدتي والله العظيم اني منحرج منك ..

لاكن انت مبدع ولا يمنعك عن ابداعك شي ...

ولا يمنعنا عن متابعتك شي ياغالي ...

الف شكر لك والله لا يهينك ..

تقبل تحياتي ...

اخوك:
عايض راشد

الأخ الغالي / سهم المنايا

مساك الله بالخير ياطويل العمر

متابعتك دافع معنوي كبير ،وشرف لي وانت غالي ومتابعتك غالية الله لا يحرمني منك


===============================

الأخ الغالي// وقاد العتيبي

كل يرى الناس بعين طبعه وانت ياوقاد شاعر شهم تحب الآخرين لذا ترى الحب والأخوة

ونت وكل الأخوان لكم عندي كل المحبة والغلا والله لا يحرمني من وجودك.

===============================

الأخ الغالي ||| بحر

السلام عليكم ،متابعتك يالغالي كبيرة من كبير ،وانت الشاعر الحاضر في كل قصيدة منا ومنك،،


شكرا يا بحر من هنا لين بيو هامبشير


وردي موجود مع قصيدة عايض عساني وضعته في المكان الملائم ،

فضلت ان لااجعله موضوعا جديدا حتى يقرأ اسناد عايض وردي المتواضع عليه،، اتمنى ان لاأخذلك وان ما جازي لك القصيدة ابشر بغيرها!!!!!

***

عايض راشد&&&& جابر السلمي


رائعتين من شاعرين رائعين


تحياتي والله يعطيكم العافيه

الله الله ..

اذا التقو القمتين.. فما لنا الا التصفيق.. و الوقوف.. و الانصات...

صوت و صدى.. و لا اروع.. و من مين.. ابرز شعراء النداوي...

تقبلوا مني كل كلمة اعجاب .. و كل احترام.. ووقوف مثل الاف..

الأخ الغالي / عايض راشد

اول شي فيه لخبطة في ترتيب الردود،ينكن مشكلة الشبكة

وبعدين ياعايض انت اخ غالي وشاعر لك صيتك وتسندلي قصيدة والله انه عيب اني ماارد واتجاهل قصيدتك وانت شرفتني بهذا التعنيز


وترى ما جا منك قصور ياابو راشد


المهم ان القصيدة حلت لك موضوع !!!!! وان كان تبي غيرها ابشر لين ترضى


دمت اخا غاليا عزيزا وتسلم لي

الأخ الغالي // هداج

شكرا على كل حرف كتبته بيدك الغالية وثق ان محلك ومحل كلامك القلب، وانت الرائع بشعرك وكلامك الطيب


سلمت لى الله يعطيك العافية

الحبيب الغالي / نواف خالد الدبل ((خيال القوافي ))

يانواف ان كان هناك من يقف على القمة فانت في المقدمة بلا مجاملة وبشهادة كل منصف ومن يقرا لنواف يعرف هذا


تشجيعك ومؤازرتك هي السند بعد الله على تقديم الأجود


وبلا شك عايض من الرائعين الذين احرص على مجاراتهم لكسب الخبرة والإحتكاك بالمتميزين



شكرا يانواف وانت الذي ننصت لسماعه وقراءة ما يكتب


دمت نوافا خيالا للقوافي وسلمت لأخيك

اللللللللللللللله يا ابو راشد ...

صح الله لسانك .

.
.

.
.
جابر السلمي .....
ولا اروع من ردك ...

صوت وصدى تستحق الاعجاب ..