لا تعتذر...جديد

[poet font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
لا تعتذر ماعاد للعذر داعي = حنا انتهينا ولا ابي لك هديّه
ما كنت اظنك ماشيٍ في خداعي = حتى انكشف سترك وخبث الطويّه
ويلك من اللي للخلايق يراعي= وشلون قلبك طاوعك بالأذيّه
كنت احسبك سيفي بوقت الدفاعي= ودرعي الى من جار وقتي عليّه
واثرك بظهري خنجرٍ طول باعي = مزق حشاش القلب وارهاه كيّه
تبيعني في سوق سقط المتاعي = بيعة سروق والبضاعه رديّه
وانت الوحيد اللي تعرف بطباعي = وتدري بقلبي طيّبٍ بالسجيّه
ما اخفيت شيٍّ عنك حتى استماعي= يومن كذبت وقلت عني الوشيّه
والمشكل انك جيت تلوي ذراعي= وتنبش سنينٍ ماضياتٍ عتيّه
اللي سببها منك لو كنت واعي= وتذكر بدايتها بعقل ورويّه
يومك تبيني مثل بعض الضفاعي = اللي ولا زالوا بحالٍ رثيّه
نسيت يوم انك تجي باندفاعي = تقول احبك بين كل البريّه
يا فارس احلامي ومصدر شعاعي= نور الأمل في دنيتي والهويّه
صدقت هرجك وابتديت بضياعي= آلفّ في كونك بلا جاذبيه
حتى انكشفت وبان حبك صناعي= المصلحه ساقتك يمّ الضحيّه
مافيه داعي نفض باق الشراعي = ماني من اللي خنجره في خويّه
رح في امان الله هذا وداعي = ما ظن لي بك دامت الروح حيّه
[/poet]

قلبك خضر يابو ناصر

دام تألقك اخوي عثمان

ترى اللون الخضر مطلوب هاليومين .


تحياتي

عثمان العبدالله

صح السانك ولاهنت

قصيده طيبه من راس طيب

لك تحياتي

هلا وغلا بك أخي الفاضل ابو ثامر
ومشكور يالغالي على كريم الحضور والتفاعل
واللي ماهو قلبه اخضر هاليومين يتعب كثير
يكفي اللون الأحمر في تداول ..
لاهان راسك يالغالي
مع أطيب تحياتي

كل الشكر والتقدير لأخي الفاضل/ حسن الوطري
على كريم الحضور والتفاعل الراقي دوما
تسلم يالغالي
تقبل أطيب تحياتي

عثمان العبدالله

صح السانك ولاهنت

قصيده طيبه من طيب

لك تحياتي

ويلك من اللي للخلايـق يراعـي
وشلون قلبـك طاوعـك بالأذيّـه
كنت احسبك سيفي بوقت الدفاعي
ودرعي الى من جار وقتي عليّـه


الله الله تصوير ابداعي يابو ناصر







واثرك بظهري خنجرٍ طول باعـي
مزق حشاش القلب وارهاه كيّـه

الاخ عثمان
شكرا لك على هذه الرائعه

دمت ودام ابداعك

مع التحيه والتقدير