=(( يــــــــــــ ليل ــــــــــــا))=

[align=center]بسم الله الرحمن الرحيم




أخواني واخواتي اعضاء وروّادالمنتدى الكرام


أسعد الله جميع اوقاتكم بكل خير ومسرّة


يسرّني ان اضع بين ايديكم احدث قصائدي والتي اتمنى ان تنال

اعجابكم 0 واقول فيها:[/align]
[poet font="Simplified Arabic,5,black,normal,normal" bkcolor="transparent" bkimage="" border="double,5,gray" type=0 line=200% align=center use=ex length=0 char="" num="0,black" filter=""]


ياليـل هـو مـا للمحبّيـن ميـعـاد=يسلى معـه قلـب الهـواوي ثوانـي
ياليل مـن يوفـي تجازيـه بابعـاد=ذي عادتـك قاسـي وقلبـك انانـي
لا لا تشمّـت بـي عـواذل وحسّـاد=يكفي شماتـة كـل قاصـي ودانـي
ياليل شف ماني علـى البعـد معتـاد=كيف ابتعد عن من سهمها رماني !!!
كيف ابتعد عنها وهي القوت والـزاد=وهي السراب اللـي يغيـث الظّمانـي
أجمل بيوت الشعـر قيلـت وتنعـاد=في وصف عود(ن) ناعم(ن) له لياني
دايم حروف اسمه علـى البـال ورّاد=ينبض بهـا قلبـي وينطـق لسانـي
بمقابلـه آعيـش بافـراح واعـيـاد=وبمفارقـه يبقـى خفوقـي يعـانـي
بعض الغرام يموت من قبـل ميـلاد=وبعض الغرام تضيق منـه المحانـي
كنت احسب انّ بنت المناعيـر تنقـاد=كنت احسب انّي صرت عنتر زمانـي
ولادريت انهـا مـع الوقـت تـزداد=هيبـة غـزال(ن) فالمحبـة بلانـي
واكبر عليها كيف ترمـي وتصطـاد=واكبر عليهـا كيـف هـزّت كيانـي
ياحاكمة قلبي تـرى الشـوق يـزداد=ياحاكمة يكفي تـرى المـوت جانـي
ياحاكمة روفي تـرى الصّـد مافـاد=ياحاكمـة ماقـد لفـانـي كفـانـي
ياليت حظّي ياهوى البال بـك جـاد=وياليـت حظّـي بعدكـم مانسـانـي
لاعـاد ليـل البعـد يابنـت لاعـاد=لاعاده الله مـن شعـور(ن) غشانـي
يوم الدموع اشبه بسيل(ن) غـزى واد=وآنا بقربك دمـع عينـي عصانـي
فـياليل لاتعطي هـل الحـبّ ميعـاد=ياكيف تعطيهـم وانـا ماااتبااانـي!!!
و ياليل لو قصدك تشمّت بي اوغـاد=بدري عليك وبـدري انّـك ترانـي
رغم ان غلاها حـلّ قلبـي ويرتـاد=كلّ القصـور اللّـي لهـا والمبانـي
ورغم ان عيني مـاهتنت يوم بـارقاد=من بعـد فرقاهـا وهمّـي غزانـي
ماهـو بمعنـاه انّـي آكـون منقـاد=لك أو شبيه(ن) لك ولو هـو نوانـي
ولاتحسب انّي عقبها عشـت بانكـاد=وانّ الزمان اللي ضحك لـي جفانـي
لا والله الاّ عيشتـي عيشـة اسـيـاد=والنّاس تبـذل كـل غالـي عشانـي
ولاتحسب انّ سلوم الآبـاء والاجـداد=ضاعت على رغم الّذي قـد دهانـي
حفظي لها حفظ العهد بيـن الاجـواد=لو كلّ ما يضوي الخليقـة ضوانـي
دوّرت فالدنيـا لـي حـزام وسنـاد=ودّي بمن يصهل صهيـل الحصانـي
ولا لقيت اوفـى مـن اخـوان واولاد=وعيـال عـمّ(ن) تنثنـي فالوحانـي
انا اشهد انهم خيـر مـن دار وبـلاد=واخيـر منهـا قتلـهـم للجبـانـي
الله يخلّيهـم علـى روس الاشـهـاد=عزّ(ن) ينومسني وانـا فـي مكانـي
[/poet]

حمد الصقري


صح الله لسانك

لنا مع قصيدتك موعد معى الجزاله


لاهنت

وتقبل تحياتي

حمد

صح السانك ولاهنت

قصيده رائعه

لك تحياتي

ماهو بمعنـاه انّـي آكـون منقـاد
لك أو شبيه(ن) لك ولو هو نوانـي
ولاتحسب انّي عقبها عشت بانكـاد
وانّ الزمان اللي ضحك لي جفانـي


ارررررررحب


صح لسانك

اخوي الشاعر حمد الصقري

صح الله لسانك وبيض الله وجهك

وافيه لا عدمتك من وافي

لا خلا و لا عدم

اخوك

الاخ / محسن المري



صح بدنك طال عمرك



وماعليك زود ياالذيب


ومشكور على المرور وتشريفك لصفحتي


تقبل فائق احترامي ,,,,

اخيك /
حمدالصقري

كنت احسب انّ بنت المناعير تنقـاد
كنت احسب انّي صرت عنتر زماني
ولادريت انها مـع الوقـت تـزداد
هيبـة غـزال(ن) فالمحبـة بلانـي


حمد



صح الله لسانك


قصيدة جزلة من راس جزل


لاهنت



اخوك

اخوي

الشاعر

حمد الصقري

لا والله الاّ عيشتـي عيشـة اسيـادوالنّاس تبذل كـل غالـي عشانـي
ولاتحسب انّ سلوم الآباء والاجـدادضاعت على رغم الّذي قد دهانـي
حفظي لها حفظ العهد بين الاجـوادلو كلّ ما يضوي الخليقـة ضوانـي
دوّرت فالدنيا لـي حـزام وسنـادودّي بمن يصهل صهيل الحصانـي
ولا لقيت اوفى من اخـوان واولادوعيـال عـمّ(ن) تنثنـي فالوحانـي
انا اشهد انهم خير مـن دار وبـلادواخيـر منهـا قتلـهـم للجبـانـي
الله يخلّيهـم علـى روس الاشهـادعزّ(ن) ينومسني وانا فـي مكانـي

صح لسانك ولاهنت

تقبل صادق ودي

تحياتي

اخوك..

حمد الهاجري

الأخ / حسن الوطري




صح بدنك طال عمرك



دائما وأنت تحرجني بطيب اخلاقك ورجاحة عقلك



وكم يشرفني مرورك الكريم ياطويل العمر


لك فائق احترامي وتقديري


أخيك /

حمدالصقري

صح لسانك


يا حـــــــــمد




عز الله انك ابدعت


قصيده تستحق الاحترام




ابداع متدفق , وافكار مبتكره



تقبل تحياتي

الأخ / فلاح آل مخلص



صح بدنك يابوسالم




يشرفني مرورك وتشريفك لصفحتي



تقبل فائق احترامي وتقديري


اخيك/
حمدالصقري

الأخ / مشبب العاصمي



صح بدنك طال عمرك



شهادة اعتز فيها يالذيب



مشكور على مرورك الكريم


اخيك/

حمدالصقري

الأخ / جابر المرّي




صح بدنك طال عمرك




وهذا من طيب اصلك



وماعليك زود



ومشكور على مرورك الكريم


اخيك/

حمدالصقري

ياليـل هـو مـا للمحبّيـن ميعـاديسلى معه قلـب الهـواوي ثوانـي
ياليل مـن يوفـي تجازيـه بابعـادذي عادتـك قاسـي وقلبـك انانـي
لا لا تشمّت بـي عـواذل وحسّـاديكفي شماتة كـل قاصـي ودانـي
ياليل شف ماني على البعـد معتـادكيف ابتعد عن من سهمها رماني !!!
كيف ابتعد عنها وهي القوت والزادوهي السراب اللي يغيث الظّمانـي
أجمل بيوت الشعـر قيلـت وتنعـادفي وصف عود(ن) ناعم(ن) له لياني
دايم حروف اسمه على البـال ورّادينبض بهـا قلبـي وينطـق لسانـي
بمقابلـه آعيـش بافـراح واعيـادوبمفارقـه يبقـى خفوقـي يعانـي
بعض الغرام يموت من قبل ميـلادوبعض الغرام تضيق منه المحانـي
كنت احسب انّ بنت المناعير تنقـادكنت احسب انّي صرت عنتر زماني
ولادريت انها مـع الوقـت تـزدادهيبـة غـزال(ن) فالمحبـة بلانـي
واكبر عليها كيف ترمـي وتصطـادواكبر عليها كيـف هـزّت كيانـي
ياحاكمة قلبي ترى الشـوق يـزدادياحاكمة يكفي ترى المـوت جانـي
ياحاكمة روفي ترى الصّـد مافـادياحاكمـة ماقـد لفـانـي كفـانـي
ياليت حظّي ياهوى البال بـك جـادوياليـت حظّـي بعدكـم مانسانـي
لاعـاد ليـل البعـد يابنـت لاعـادلاعاده الله من شعـور(ن) غشانـي
يوم الدموع اشبه بسيل(ن) غزى وادوآنا بقربك دمـع عينـي عصانـي
فياليل لاتعطي هـل الحـبّ ميعـادياكيف تعطيهم وانـا ماااتبااانـي!!!
و ياليل لو قصدك تشمّت بي اوغـادبدري عليك وبـدري انّـك ترانـي
رغم ان غلاها حلّ قلبـي ويرتـادكلّ القصور اللّـي لهـا والمبانـي
ورغم ان عيني ماهتنت يوم بارقـادمن بعـد فرقاهـا وهمّـي غزانـي
ماهو بمعنـاه انّـي آكـون منقـادلك أو شبيه(ن) لك ولو هو نوانـي
ولاتحسب انّي عقبها عشت بانكـادوانّ الزمان اللي ضحك لي جفانـي
لا والله الاّ عيشتـي عيشـة اسيـادوالنّاس تبذل كـل غالـي عشانـي
ولاتحسب انّ سلوم الآباء والاجـدادضاعت على رغم الّذي قد دهانـي
حفظي لها حفظ العهد بين الاجـوادلو كلّ ما يضوي الخليقـة ضوانـي
دوّرت فالدنيا لـي حـزام وسنـادودّي بمن يصهل صهيل الحصانـي
ولا لقيت اوفى من اخـوان واولادوعيـال عـمّ(ن) تنثنـي فالوحانـي
انا اشهد انهم خير مـن دار وبـلادواخيـر منهـا قتلـهـم للجبـانـي
الله يخلّيهـم علـى روس الاشهـادعزّ(ن) ينومسني وانا فـي مكانـي


اخوي حمد صح لسانك نص جميل من شاعر جميل

تقبل تحياتي

اخوك الواثق

الأخ / حمد الهاجري




صح بدنك طال عمرك




ومشكور على مرورك الكريم


اخيك /

حمد الصقري