Tweet
عرفتك ....
عرفتك طيف يسرق من عيون المهتني نومه ... وعرفتك ذكر لا من ناموا الغافين سهّرني
وعرفتك رحمةٍ عزّت عليها نفس محرومه ... وعرفتك قدر .. من قدره على التقدير يجبرني
وعرفتك عادلٍ لا جيتك من الوقت مظلومه ... وعرفتك شامخٍ حتى بدون اعذار تعذرني
وعرفتك غامضٍ كل الحقايق تنسج حلومه ... وعرفتك مرشدي اللي ليا من ضعت دبّرني
وعرفتك عاشقٍ تعرف طريق الود وسلومه ... وعرفتك كبرةٍ مهما كبرت تظل تكبرني
وعرفت اني احبك يا كلام القلب وعلومه ... واعرف انك حبيبي لو تناساني وتذكرني
متى ليل الغموض يذوب ويعلم عن نجومه ... متى نجومه تسامرني وتنهاني وتامرني
ألومك ؟ والا ألوم الوقت ؟ والا قل من ألومه ؟ ... أنا مابي جوابٍ يقهراسئلتي ويقهرني
غاده
=-=-=-=-=-=-=-==-=-=-=-=-=-=-=-=-=
نطرتك والربيع يذكر الميت ببعد الحي .*. وانا موّت كل الورد في وصلك وميعاده
ليا من جا الخريف ولبست اشجاره بياض الزي .*. على اوراق الشجر لا طاحت بتلقا اسم غـــــــــاده
تعليق