اليا بغيت تزوج اربع على ساق !!!

ينخدع الكثير من اهلنا با المضاهر عند تزويج كريماتهم ومن البديهي ان كل والد يبحث عن سعادة ابنته التي سهر وتعب من اجل تربيتها ورويتها وهي تنعم بحياة زوجية سعيدة في نهاية المطاف000لكن بعض ضعاف النفوس عرفوا كيف يتحايلون على هولاء الاباء من اجل الاستمتاع با الزواج من اكثر من زوجة حجتهم في ذالك ان الشريعة السماوية تسمح لهم بذالك ولو كان هولاء من الاتقياء حقا والذين يعرفون شروط اباحة الزواج باكثر من واحدة لما كان هنالك من باس000اما ان يقصروا من ثيابهم ويتركون لحاهم دون حلاقة لا لطاعة الله تعالى و لا للاقتداء بسنة رسوله عليه الصلاة والسلام فهذ هو المرفوض000ان هذه المقدمه هي لمعرفة من اعنيهم في قصيدتي هذه لكي لا يقع احد المتصفحين في خطا اتهام في غير محله والله من وراء القصد وهو المعين لنا على انفسنا 000ابيات حاولت من خلالها ايقاض الضمائر الحية من الطرفين0

[poem=font="Simplified Arabic,6,black,bold,normal" bkcolor="white" bkimage="" border="outset,4," type=1 line=0 align=center use=ex num="0,black"]


( اليا بغيت تجوز اربع على ساق )



اليا بغيت تجوز اربع على ساق=قصر ثيابك وارم موس الحلاقه

لو انت تعطي وعدتك عشرة اطباق=ولو ان جسمك فيه مليون اعاقه

ولو انت متكبر وحاقد وبواق=ولو انت ما تسوى ولاذيل ناقه

ولو ان ابوك اقسم وقال الولد عاق=ولو ما تزور امك وخنت الرفاقه

ولو اشعب ينافسك في شح الانفاق=وتقول حاتم كل جوده حماقه

وراع البقاله يوم قال ادفع اوراق=سدد ديونك قمت كسسرت ساقه

مع المضاهر معظم الناس تنساق=ما يبحثون عن العلوم الدقاقه

يتصورون اللي كشف ثوبه الساق=رمز الرجوله والتقى والرفاقه

قدامهم قدوه وهو سم ترياق=كذب عليهم واعتبرها حذاقه

ما اعم فيه اجواد تحكمهم اخلاق=متدينين وعاطفتهم رقاقه

يخشون يوم الحشر وحساب خلاق=بنوا مع المعبود صدق العلاقه

اقصد رخمتن توج الكذب بنفاق=عقد مع الشيطان حلف وصداقه

اربع مهارن فيهن الحسن سراق=في ذمته والهيس معدوم طاقه

الكل منهن منوته بعد وفراق=يبن الخلاص ولو يعيشن بفاقه

والهيس يفلي قملته تحت مشراق=لا جت حداهن تشحذه قال قاقه

ولا شاف ابوها مقبلن صابه ذراق=خايف يقول البنت عطني طلاقه

يا ناس لا تخدعكم رخوم الاملاق=ما كل نبت يقال حلون مذاقه

خلوا زواج البنت يحكمه ميثاق=لا تتركون الذيخ يحكم وثاقه

اما انا رجواي من وال الارزاق=مهره اصيله من اصطبل العراقه

مالي ومال اوجاع راس وتعنفاق=ابي الذي لا غبت زاد اشتياقه[/poem]

اشكر جميع الاخوات والاخوة الذين شرفوني با الزيارة للجميع الود 0

اخوي احمد
لعلي او ل متصفح
وهذا شرف لي
وانا اتناول قهوة ما بعد الظهر
وموضوع القصيده حقائق دارجه للأسف بين الناس
ومن الناس من وصفتها يتخذ للأسف التزامه التمويهي لكي يستطيع السطو على الأبرياء
اتفق معك ان فيه شريحه من مجتمعنا الأسلامي يرتكبون مثل هذه الحماقات وادها وامر
بيض الله وجك على معالجة مثل هذه القضايا الاجتماعيه
لك مني
كل التقدير
اخوك
ابو نايف

احمد

صح السانك ولاهنت

قصيده طيبه من راس طيب

اما انا رجـواي مـن وال الارزاق
مهره اصيله من اصطبل العراقـه

الله يبلغك مرادك قل امين


لك تحياتي

أحمد



نص يعالج قضيه للاسف موجوده




ولكن لايصح الا الصحيح




صح لسانك ولاهنت




تحياتى