الله حسيبك

[poet font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
الله حسيبك كان في حقي اخطيت = ووطيت قلبٍ كان في يوم غالي
ما اقول قالوا غير من اذني اوحيت= وسمعت هرجٍ ما خطر في خيالي
ربي كشف سترك وانا ما تحريت = انك تقول الكذب كبر الجبالي
هذا ونا حيٍ اجل لو اني ميت = وش كان تبدع من خبيث المقالي
ما يحكمك دينك ولو كن حجيت = ولا يمنعك طيبي وزين الخصالي
على الكذب منشاك يومك تربيت= وعلى الكذب منهاك بالعمر تالي
مهما تعذر فانت للخبث رديت = ذيل عوج صعب عليه اعتدالي
تطعن بظهري غافلٍ ما تهقويت = ونا احسبك سيفي تقاتل بدالي
نسيت كل اللي مضي ما تعنيت = تقول كلمة حق تذكر فعالي
ونا الذي لاجلك تحملت وازريت = حتى رفعتك فوق الافلاك عالي
ما اقابلك بالمثل مهما تعديت = ولا اكشف امورك وانت سبة وبالي
الله حسيبك كاشف سر ماخفيت = يجزاك عني بالوفاء والكمالي
[/poet]

تطعن بظهري غافلٍ مـا تهقويـت
ونا احسبك سيفـي تقاتـل بدالـي

صح لسانك

عثمان

صح السانك ولاهنت

قصيده رائعه من رائع

لك تحياتي

أخوي عثمان العبدالله


صح لسانك وبيض الله وجهك


جزله ورايعه بروعـة حضورك


لك فااائق احترامي وتقديري