خلصت لي باكيت ! وفكيت باكيت !؟

.
.
خلصت لي باكيت ..وفكيت باكيت

................................................ واحرقت قلبي قبل أشب السجاره


من جت تعلمني أصول الإتيكيت

.............................................. ماتدري إن البدوا أصل الحضاره !!


أستغربت يومي جلست وتراكيت !

........................................... مثل بـــدويٍ جالـــسٍ حــول نـاره


تقول لك ساعه ورى ماتحاكيت ؟

............................................ سولف معي حتى ولـو بالإشاره


ياخي تعلم قولي : كيت أوكيت

......................................... بطل ثقل ..لاتقول .. راحت خساره


ماتدري إني قبلك كثير بكيت ؟

........................................... عيال ناس شيوخ والهم إماره !!


هي تستفز بطبعها بس شكيت !

......................................... وأنا بدوي والبدو فيهم صقاره


قالت جرحتك أسفه لو تذاكيت

........................................ يكفي البدو زايد وفعله بداره


جيت أفتح ابواب السوالف وصكيت

....................................... ابواب سمعك قلت هذي شطاره !



وحاولت أهزك وانت واثق وتكيت

........................................ لـــوك جبل ماطـاح منه حجاره



ماتشوفني في بادي الأمر لكيت

...................................... وجهي تقلب لين بيّن حماره !!



جيت أستفزك وأنت فالحال دكيت

....................................خشمي قبل لاتشعل أول سجاره ؟!




عبدالله بن فلاح الحميدي الهاجري(الواثق )

الله اللــــه


الواثق



صح الله لـــسانك



قصيدة جزلة واسلوب اتاكيت


اخوك

ابو فلاح بيض الله وجهك



من طول الغيبات جا بالغنايم



وينك يارجل سألت عنك 00000الجوازات


وين الغيبات شاعر مثلك نفتقده



على العموم عودا حميدا ان شاء الله



صح الله لسانك يالواثق وكما قيل واثق الخطوة يمشي بدوي اقصد ملكا

اخوي جابر المري


صح بدنك ولاعدمتك وثق إني مقصر مع جميع النداوي لكن قل الوقت وانا أخوك وأمل اني ارجع لكم مثل الأول


تقبل تحياتي

اخوك عبدالله

اخوي ناصر الحارثي

هلابك مليون والله يالقرم لك وحشه غالي ياناصر لاخلا ولاعدم منك يالقرم هذا من طيب راسك تقبل تحياتي

واتمنى أشوفك بأقرب فرصه

تقبل تحياتي

اخوك عبدالله

خلصت لي باكيت ..وفكيت باكيت

................................................ واحرقت قلبي قبل أشب السجاره




الله يفك رأس اللي صنعه


ويفكك أنت منه قول أمين ....




حضور كنا نترقبه لشاعر متمكن من أدواته ونطرب لشعره


صح الله لسانك ولاهنت على التواصل يابوفلاح





أخ وك

صح لسانك يابو فلاح

شاعر رائع وجزل ننتظره دوماً

دمت مبدعاً

يأخوى اثرك يومنك مبطى عنا متورطن مع ام الثقل ذى



مير مقدى بها




صح الله لسانك ولاهنت




تحياتى

يا سلام عليك يا بو فلاح


صح السانك ولاهنت

قصيده رائعه من شاعر اروع

لك تحياتي

جيت أفتح ابواب السوالف وصكيت

....................................... ابواب سمعك قلت هذي شطاره !



وحاولت أهزك وانت واثق وتكيت

........................................ لـــوك جبل ماطـاح منه حجاره



ابو ريناد

صح لسانك وصح قلبك

ومني لك راي تعرفه جيدا ولا يحتاج اني اعلق عليك فأنت تعرفه تمام المعرفه


فقط لا عدمنا حضورك



مشهور....

اخوي الواثق بالله
زمان ما سمعنا لك صوت
عسى المانع خير
شهادتي فيك مجروحة
وقصائدك حجه لي علي الزمن والمشككين
اطربنا بواحده
لكي ينعدل الميزان
لك كل التقدير
اخوك
ابو نايف

أمين يا بو ناصر هلابك وغلا

وصح بدنك ياسعيد .... مصافحتك تعني لي الكثير وانت أحد الأيادي البيضاء التي سعت بجهدها ورايها لأستمرار النداوي من الأفضل للأفضل ونحن معكم


تقبل تقدير ي واحترامي



اخوك الواثق

ابو شبنان صح بدنك

هلابك وغلا ياخي لك وحشه وينك يالقرم

تقبل تحياتي

اخوك عبدالله

يا مرحبا الف يا خالد

يا بعدي وش لون والد الجميع عساه بخير أمانتك حب خشم شايبك

خالد شفت وس سوت ... ثقل ...هه هههههه بس ماعليك سحبت فيها هههههههههه لاتصدق ترى خيال في خيال فتاة حلم


تقبل حبي وتقديري


اخوك عبدالله

من جت تعلمني أصول الإتيكيت
ماتدري إن البدوا أصل الحضاره !


أستغربت يومي جلست وتراكيت !
مثل بـــدويٍ جالـــسٍ حــول نـاره





الواثق


لبا عروق كبدك يابوفلاح انت من اللي اطرب لهم ولقصيدهم كثير كثير