تداول : فيض من غيض

السلام عليكم
ومعذرة على غيابي لإنشغالي بموقعي الحديث التأسيس
الجميع يعلم ما حدث في سوق الأسهم السعودية ، حيث الضحايا فوق كل التصورات
ومع خبرتي الطويلة ، وقعت مثل غيري ، ولكن إذا سلم العود فالحال تعود..

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
انفخوا بطنه وقالوا صار جسمك كالحديد = تقدر تصارع وتغلب من تبي في هالوجود
وكل واحد راح يركض يطعمه حتى الهبيد = وياخذ قشورٍ رماها يبتدي منها الصعود
صار كوره صار بلّونه وطارت للبعيد = وما دروا لا وين راحت واختفت خلف الحدود
دوروها والتقوا آثارها نزف وصديد= حاولوا معها علاجٍ وانتخوا فيها الجدود
نزف مسكين تديّن ما بقى له من رصيد = او شويّب مابقى له شئ يكفي اي عود
او يتيمٍ حط ورثه في سهم علّه يزيد = يجبره لا من غدا رجال تثقله القيود
وينفعه لا من تعطل ما لقى شغلٍ أكيد = مثل لبناني وسوري او سواهم من وفود
من سبب تلك المشاكل في قرار ما يفيد= يرتجل لحظه كردة فعل هدت للسدود
واندفع سيل مدمر شال اشجار وجريد = كل واحد صار مفلس ذاهلٍ حتى الجمود
لاجل من نخسر رؤوس المال فالوقت السعيد= والبلد في خير تحيا نجمها سعد السعود
ما اظن اللي جرى به يقنع الفكر السديد = صرت ما استبعد دخيلٍ يدفعه حقد اليهود[/poem]

ابو عبدالله

ارحب ارحب ان سالم بس

اذا سلم العود الحال تعود ( ولا تشكي لي وابكي لك ) شرحك سرى والله يعوض انشاء الله

قصيده معبره وفي وقتها ..

الف الف مبروك تدشينك الموقع

تقبل تحياتي

الله يعينا واياكم وعلى قولة اللي قال ( يازين الفقر و الراحه )

ابو عبدالله صح الله وصح بدنك و الله لا يهينك على هذه القصيدة الرائعه

تحياتي

اخوك

هلا وغلا يابو ثامر
اذا سلم العود فالحال تعود ... وموتٍ مع الجماعة رحمة
لاهنت يالغالي على كريم الحضور والتفاعل الرائع
كل الشكر والتقدير وأطيب التحية