سبعة وعشرين ..

الله يمسيكم بالخير ..

قصيدة بعد الغياب عساها تشفع

اللهم صلي وسلم على محمد

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عام الف واربعمية سبعة وعشرين=وشهر المحرم دايرٍ في مداره
الثلث باقي له .. وقد راح ثلثين=يا ايام عمري .. ياسنيني .. مجارة
ذالحين وين .. ووين انا قبل عامين=عز الله ماخابت صلاة استخارة
قمنا نزاحم بالركب .. والذراعيين=من سوق الاسهم .. لين سوق التجارة
نخطي بوحدة .. ثم وحدة .. وثنتين=والخامسة تنشب بصدر الحبارة
مع اننا مابين بايع .. وشارين=والساق مشغلني بكثر الفرارة
لكن على المبدى .. من اول وذلحين!!=الدرب باقي ماتغير مساره
الفقر .. ماعلمني شحذ الغنيين=والمال .. مانساني وقت الطفارة
كفّي يجملني ولو كان بالدين=اشوى .. ولا يكتب عليّه قصارة
افرح بضيفي .. واحتمي للقصيرين=وافزع لربعي يوم قدح الشرارة
من يوم أنا ورعٍ مابين الوراعين=وآبي يلقمني علوم الظفارة
واليوم عمري طاف سبعة وعشرين=يحرم عليّة حتى شرب الزقارة
لكنها يابو عجب ماهي باللين=يبغالها صبر وجهاد وشطارة
ان لم تكن ذيباً.. بياكلك ذيبين!!=هذا تمام الهرج .. هذا قرارة
لو ماسكتنا عن خطايا القريبين=ماشفت لي عند البعيدين غارة
واقرب مثل .. يابوعجب وينك الحين=قصّرت عني .. بالوصل والزيارة
ضرب العلابي .. بعد صرم الكراعين=خليتني بعد اليسر .. فالعسارة
عالكامري الاكس إل تسعة وتسعين=طالع من الدمام .. وابغى مطاره
من يوم ماعديت "واحد وسبعين"=والعين هلت دمعها بالغزارة
الله عليهم متلفين المحبين= اللي شراهم راح عمره خسارة
وقفتها في موقف البي سفنتين=على يمين الباب .. مدري يساره
وقمت اندرج بين الغرف والصوالين=احث سيري بين شارة وشارة
فيدي التذاكر .. والشنط .. والعناوين=وفي عيني العبرة وقلبي الحرارة
ثم قامت "الجنبو" ترف الجناحين=واخذت علينا دورة واستدارة
والليل غنى للسحب ليل ياعين=والسحب غنت ياحلو ياسمارة
كلٍ يغني للنفل والرياحين=وانا ملدٍ طرفي من الغمارة
هذي بقايا البحْر .. ذي سكة الرين=منّا طريق بقيق .. هذا سواره
كني مودع مابجي بعد يومين=معمور يالدمام باهله وجاره
الين حلت ديرةٍ حيها عين=للحب فيها لوحةٍ واستمارة
جدة عساها للسخا والسخيين=رغم الزمان وضيقته وانقصاره
كم لي بها "غمّد" وكم لي "زهارين"=درقي ليا خيلٍ تثور غباره
لافي لبيت اللي له الناس لافين=ماقد لفاه احدٍ وخيّب مزاره
اليا طِلب أعطى عطايا الكريمين=حتى الملوك تجيه بيته وداره
منّا ومنّا .. كلهم مستغيثين=ماضاق ملكه .. من صغاره كباره
دامه كريم .. وكل يدينه ..يمين=باهب على جابة دعاي البشارة
سبحانه الخالق وحنّا المساكين=وآنا فـ بيته ..عز ملكه وجاره
امشي مابين اهل السعي .. والمطيفين=محرم .. وطرفي ما يوقف عباره
ادعيه هو رب العباد المصلين=في وجهي الكعبة وظهري المنارة
بين الركيع .. الساجدين .. الملبين=قدّام نور الصبح .. يبدي شعاره
يفرج لمن ضاقت عليه الأراضين=في عينه الدنيا ماتسوى كسارة
سبحانك اللهم .. امين .. امين=يامن يجيب برحمته واقتدارة[/poem]

وسلامتكم

كفّـي يجملنـي ولـو كـان بالديـن
اشوى .. ولا يكتـب عليّـه قصـارة

كفو ياسعيد

وانت مجمل وقصيدك يجمل المتابع له

تحياتي

لكن على المبدى .. من اول وذلحين!!
الـدرب باقـي ماتغـيـر مـسـاره
الفقـر .. ماعلمنـي شحـذ الغنييـن
والمال .. مانسانـي وقـت الطفـارة


سعيد


صح لسانك


ونعم بك وباللي مثلك يا سعيد

مادام قينا من ينظر لعلوم الطيب مثل ماتنظر فما تزال الدنيا بخير


مره اخرى صح لسانك


مشهور...

كفّـي يجملنـي ولـو كـان بالديـن
اشوى .. ولا يكتـب عليّـه قصـارة

افرح بضيفي .. واحتمي للقصيريـن
وافزع لربعي يـوم قـدح الشـرارة


..


يا سلام يا سلام


كفو كفو

صح الله لساانك وعلى شانك



تحياتي لك

من يوم أنـا ورعٍ مابيـن الوراعيـن
وآبـي يلقمنـي عـلـوم الظـفـارة

بيض الله وجهك
قصيده وافيه
شاعر متمكن

صح لسانك ياسعيد صح لسانك

صح لسانك يا الذيب





فصيدة رائعة





دمت بخير

الله الله يا سعيد

بيض الله وجهك و حقق الله مناك و جمعنا واياك في مستقر رحمته

قصيدة من عيون القصائد و اجزلها و اطيبها معنى و سبك

تحياتي

اخوك

الله الله

سعيد بن واحش


صح الله لسانك على هذه القمة الشعرية

لله درك يابو واحش

اخوك

كفّـي يجملنـي ولـو كـان بالديـن
اشوى .. ولا يكتـب عليّـه قصـارة

افرح بضيفي .. واحتمي للقصيريـن
وافزع لربعي يـوم قـدح الشـرارة


الله الله يا ابو سند يا سلام عليك

سنافي ولا تجيب الا اللي يجمل يا سعيد

صح لسانك ملياااار على هذا الابداع


تحياتي

ابو ثامر



مرحبا ملايين يا نداوينا الكبير



صح بدنك ولاهنت


وانت من الناس اللي احرص على ردودهم


لاهنت

الفقـر .. ماعلمنـي شحـذ الغنييـن
والمال .. مانسانـي وقـت الطفـارة




كفو والله ياسعيد

شعر ومرجلة ومبادئ سامية



نص فيه إيمانيات وروحانية محببه للنفس



صح الله لسانك ايها النقي



أخ وك

سعيد



بعد غياب حضور فاخر



وسبك وحبك وجزاله




لله درك من شاعر لاتأتى الا لتبدع





تحياتى

سعيد بن واحش

صح السانك ولاهنت

قصيده رائعه من شاعر متمكن


كفو كفو يا سعيد


لك تحياتي

يفرج لمن ضاقت عليـه الأراضيـن
..............في عينـه الدنيـا ماتسـوى كسـارة
سبحانـك اللهم .. اميـن .. امـيـن
..................يامـن يجيـب برحمتـه واقـتـدارة


الله الله عليك ياااسعيد

تغيب وتظهر كشمس الربيع


صح الله لسااانك ودمت مبدعااا يالجزل


ودعتك الله

شايع العيافي



مرحبا ملايين


بالشاعر الكبير


صح بدنك ولاهنت