Tweet
والله ما قدرت ,, وهذا الدليل !!!!!!!
السلام عليكم ,,,
اخواني النداويه الكرام
بعد السلام ,, والتحيه ,, والامنيات الحاره بأن تكونوا بخير وصحه وعافيه ,,,
اخبركم بأني والله مشتاق لكم ,, وما بعدت طول هالفتره الا لانى كنت مجبور ,,
وانا الفتره الماضيه جاني بلا
والله انى من اخر قصيده تشرفت انى اكتبها في المنتدى , ما قدرت من بعدها انى اكتب اي قصيده كامله ,,,
وما ادري شنو السبب في هذا ,,, لكنها حاله تجيني من فتره لفتره ,, وانا كنت اعتقد انى تخلصت منها بس الظاهر انها راح تلازمني اكثر واكثر ,, خاصه انها في هالفتره طالت مدتها اكثر من قبل
المهم ,, يالأهم ,,
انى رغم انى ما كتبت اي جديد كامل ,, الا ان فيه بعض الابيات اللي يشرفني انكم تطلعون عليها ,, وانا كاسبها من الصوبين ,, اولا , انى راح اتشرف بقرائتكم لها واطلاعكم عليها ,, وثانيا ,, انها الدليل على اني ما كتبت قصيده كامله من فتره طويله ,,,
=====================================================
دايم وذي نيّـتك , والهقوه الشينـه %%%
%%% ما يوم حسّيـت بك , تتعب على شانــي
يا نبض قلب الشقي , يا روحه وعينه %%%
%%% يا مستقرّ بْـ خفوقه قدْر الامكانــي
موصوف ظلمك , ولكنّ العدِل وينـه ؟ %%%
%%% مشطوب , محذوف , من دفترْك يـ الجانــي
انتـي اسمعي للطّرف الآخــر تَعـَذْرينـه %%%
%%% ولَـ تْرجّـح العاطفـه طرف على ثانــي
تمسّـكي بالعدالـه ليـن تعطينـه %%%
%%% حقّـه اذا كان قلبك ( صج ) حقـّـاني
( 5 ابيات )
===========================
غلاي , وكل دنياي , وحياتي , يالحبيب الصعب %%%
%%% وحبّي , واختياراتي الاكيده , واجمل احلامي
حقيقه , لو تعب قلبي , وعانى , قربك اِلْـه الطب %%%
%%% ولو هو منجرح منّك , بيسْـلم جرحه الدامي
تأكّد لو غلاك شوي , عندي , ما أعدّه حب %%%
%%% ولكن , لانّـك اغلاهم , بعيد او كنت قدّامي
جفاك وصدّك وهجرك , وظلمك وابتعاد الدرب %%%
%%% وبخلك , وانت قادر بالعطا وتشوفنـي ضامي
( 4 ابيات )
========================
روحي , فمان الله , ويسْـره وتوفيقه %%%
%%% ما دمتي اخترتي احبابك فـ انا رااضي
روحي , كفا القلب ما يستحمل الضيقه %%%
%%% يكفيه يدري , بـ زلاّتك ومتغاضي
مدام خنتي مباديه ومواثيقه %%%
%%% يعني تعبنا , وحبّينا على الفاضي
مسكين قلبي , على صدقه وتصديقه %%%
%%% يدمح لك الزلّه , ويسكت ولا يقاضي
ما فيه حلمٍ لك الاّ اسعى لتحقيقه %%%
%%% لوني جنيت بسببْـه آلام وامراضي
روحي , وقلبي اللي قطّعتي معاليقه %%%
%%% قويّ , ماهو مثل ما كان بالماضي
( 6 ابيات )
=======================
لوّحـت في يديها , وادمعت عينها %%%
%%% واستدارت , وثقـْـلت رجلها فـ المسير
سافرت للهجيـر اللي نشد : وينها %%%
%%% ما تودّه , ولكن , روّحت له تطير
( بيتين )
===================================
اخواني ,
كنت اتمنى انى اشارك بقصائد كامله ,, لكن , حيل الله اقوى ,
سامحوني على القصور ,, وتقبّلوا تحياتي جميعا ,,
اخوكم ابو الاصاله
تعليق