والله لو تدرون

اهدي اليكم هذه القصيده المتواضعه:-
والله لو تدرون ياللي تعذلون
.................عما جرى لي بالهوى ماعذلتو
والله لو تدرون قمتو تعزون
.................قلبي وعن فرقا المواليف تبتو
وطويق لو يدري بما كان مكنون
.................زل وتزلزل وانقسم وانهزمتو
ولو القمر والشمس يا هيه يدرون
.................غابت عن الدنيا ولاعاد شفتو
صابر وجرحي بين الاضلاع مدفون
.................ولو صابكم ما صابني ما صبرتو
ترى الهواوي حالته مالها لون
.................ياللي من دروب المحبه سلمتو
خلوه في بلواه يصبر على الهون
.................ان كان عن درب الهوى ما عرفتو
وتكفون ياكل الغنادير تكفون
..................ردو قلوب اهل الهوى اللي نهبتو
تكفون خافو ربكم خالق الكون
.................الله من قلبٍ جريــــــــحٍ ظلمتو

وتقبلو تحيات اخوكم العاشق المحروم
ارجو تنال اعجابكم ودمتم

___________________________________
عنز على الرجال النشاما المسمين
...................اهل البيوت النايفات المطله

الحقيقه إنك متواضع انت وشلون تقول على هالقصيده متواضعه

قمه قمه يالعاشق المحروم وما اقول إلا صح لسانك .

[مشاعل نجد]

تسلم تسلم
صح لسانك ياالعاشق المحروم
ويا ليت بيدي شي لكن ما باليد حيله
اختك/مشاعل

[جناح الليل]

صح لسانك.
ويعطيك العافيه على هذه القصيده الرائعه
وارجو ان تثري هذا المنتدى بروائعك الفذه
التي تختلج في مشاعر قرائك ومتابعيك.وننتظر منك قصيده جديده
وتقبل تحيات اخوك / جناح الليل.

هلا اخوى جناح الليل .

سلمت يمينك... كتبت فابدعت

لك مني كل التقدير والاعجاب على ما خطته اناملك

[البارق]

السلام عليكم ورحمة الله وبركاته
اختي الواثقة ارجو ان تفيديني عن كيفية اضافة الصور الى المنتدى ,مع العلم ان ابو صقر العزيز قد شرح في موضوع سابق لكن حاولت وعجزت فياليت تشرحين بصورة اوضح او ادق بالتفاصيل
مع جزيل الشكر لك ولابو صقر
[img]SC15.jpg[/img]