ياسعد من هو تجي دايم على باله

السلام عليكم ورحمة الله وبركاته

اخواني واخواتي كلكم تعرفون هالبيت الأول
وكلكم تدرون من صاحبه

الي هو الأستاذ الشاعرحمد السحيمي
انا حبيت ان اكملها بهالأبيات المتواضعه

فتفضلوها سالمين

[poem=font="Simplified Arabic,5,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
لاضاق صدري ذكرتك وانشرح بالي = ياسعد منهو تجي دايم علـى بالـه
ولاصك بابٍ بوجهي قلت ياعالـي = وتيسّر الصعب وتسهّل لي أهوالـه
ربي عليم الخوافي وانتـه الوالـي = عالم بعبدك وداري وش هي احواله
خلقت حوا وصارت أم الأجيالي = وخلقت آدم وصار ابً لأجياله
وخلقت دنيا تشيل المر والحالي = وخلقت جوٍ ٍثبت ولا حدٍ شاله
وخلقت كونٍ وسع مليار الأميالي = وانته عليم ٍ وتدري كم هي امياله
كلن بأمرك عليه الحكم ينزالي = ويدوم وجهك وحيدٍ باقي لحاله
انت الأحد والصمد عضيم لجلالي = والكل يوم القيامه تصبح اقباله
اتحاسبه كيف يمضي عمره الخالي = ومافات صغرى وكبرى وسط اعماله
بمرك تثير الحمم ويدك زلزالي = وبمرك تطيح الجبال تصير منزاله
بمرك تعذب بشر في جمرها الصالي = وبمرك تخليه يدخل دار تزها له
يارب لامن ذكرت انشرح بالي = ياسعد منهو تجي دايم على باله [/poem]


وسلامتكم

لاهنتوا يازوار

اللي مريتوا بدون تعليق