Tweet
أبوي وينــه يا30 شعبـان ؟؟
السلام عليكم ،،،،،،،،،،
[poet font="Simplified Arabic,6,black,bold,normal" bkcolor="transparent" bkimage="backgrounds/13.gif" border="groove,4,gray" type=2 line=350% align=center use=ex length=0 char="" num="0,black" filter=""]
ابـوي وينـه ياثلاثيـن شعبـان ؟=ابسألك وشفيـك عنـي خذيتيـه ؟
خـذاه ليـلٍ لـوَع القلـب حرمـان=راح وقعدت ابكي مع الوقت وارثيـه
ضاقت عليك إلا خذيتـي كحيـلان ؟=اللي علـى كـل المراجـل مباديـه
زعيم ربعه بالوفاء طيـر حـوران=يشهد بطيبـه يامـلا فعـل اياديـه
نزيه عرضٍ مامشاء درب نقصـان=ماقد شكو شينـه محـارم عوانيـه
تشهد على طيبه عوانـي وجيـران=وتشهد له الشافه ومنهـو مخاويـه
للضيف والخطـار ماصـك بيبـان=يحق لي ياليـل يـوم افتخـر فيـه
خذاه ( عودٍ ) كم خذا رووس شجعـان!=اخذه وعنـي غيبـه فـي نواحيـه
ذقت الزهد في غيبته ذقت الأحـزان=وقلبي عطيبٍ صالـي الهـم كاويـه
اصبحت انـا ويـا المعانـاه خـلان=نمشي على درب المقاديـر نطويـه
نشكي بعضنا نكتب الحـزن قيفـان=نبكي زمان الويـل نشكـي بلاويـه
في وحدتي عانيت من جور الازمان=اضحك واجامل واجحد الضيق واخفيه
حزني سكني صرت له ارض واوطان=وصدري بحر وهموم قلبي موانيـه!
وجروح قلبي ناجت الذيب سرحـان=يشكي عواها جوف صدر ومحانيـه!
ياليل قلبـي تشتعـل فيـه نيـران=لامن خطر بالبـال ذكـره وطاريـه
ذكر العضيد اللي تحاشـاه عـدوان=عزي وتاجي كان قمت اعتزي فيـه
ياليل تكفا جـاوب القلـب وجعـان=ابنشدك ياليـل وشهـي مواريـه ؟!
اسمع بصيتـه مالمحتـه بالأعيـان=وسط المهـد راح وتركنـي اناديـه
اقول يابابا مـن اعمـاق ولسـان=عندي امل يرجع واشوفه والاقيـه !
لكن عزاي انه كمـا حـر شيهـان=ذكره فخرنا عزنـا فـي مماشيـه
عسـى منازيلـه بـروحٍ وريحـان=عند الولي من صالي النـار ينجيـه
والعـذر منّـك ياثلاثيـن شعبـان=ليلك حزيـن ونكرهـه ماندانيـه !!
النادرة
[/poet]
* عودٍ = مقبرة العود بالرياض
* كحيلان = كلمه تطلق على الرجل عند مدحه .
ولكنه لقب عُرف به والدي رحمه الله..
[poet font="Simplified Arabic,6,black,bold,normal" bkcolor="transparent" bkimage="backgrounds/13.gif" border="groove,4,gray" type=2 line=350% align=center use=ex length=0 char="" num="0,black" filter=""]
ابـوي وينـه ياثلاثيـن شعبـان ؟=ابسألك وشفيـك عنـي خذيتيـه ؟
خـذاه ليـلٍ لـوَع القلـب حرمـان=راح وقعدت ابكي مع الوقت وارثيـه
ضاقت عليك إلا خذيتـي كحيـلان ؟=اللي علـى كـل المراجـل مباديـه
زعيم ربعه بالوفاء طيـر حـوران=يشهد بطيبـه يامـلا فعـل اياديـه
نزيه عرضٍ مامشاء درب نقصـان=ماقد شكو شينـه محـارم عوانيـه
تشهد على طيبه عوانـي وجيـران=وتشهد له الشافه ومنهـو مخاويـه
للضيف والخطـار ماصـك بيبـان=يحق لي ياليـل يـوم افتخـر فيـه
خذاه ( عودٍ ) كم خذا رووس شجعـان!=اخذه وعنـي غيبـه فـي نواحيـه
ذقت الزهد في غيبته ذقت الأحـزان=وقلبي عطيبٍ صالـي الهـم كاويـه
اصبحت انـا ويـا المعانـاه خـلان=نمشي على درب المقاديـر نطويـه
نشكي بعضنا نكتب الحـزن قيفـان=نبكي زمان الويـل نشكـي بلاويـه
في وحدتي عانيت من جور الازمان=اضحك واجامل واجحد الضيق واخفيه
حزني سكني صرت له ارض واوطان=وصدري بحر وهموم قلبي موانيـه!
وجروح قلبي ناجت الذيب سرحـان=يشكي عواها جوف صدر ومحانيـه!
ياليل قلبـي تشتعـل فيـه نيـران=لامن خطر بالبـال ذكـره وطاريـه
ذكر العضيد اللي تحاشـاه عـدوان=عزي وتاجي كان قمت اعتزي فيـه
ياليل تكفا جـاوب القلـب وجعـان=ابنشدك ياليـل وشهـي مواريـه ؟!
اسمع بصيتـه مالمحتـه بالأعيـان=وسط المهـد راح وتركنـي اناديـه
اقول يابابا مـن اعمـاق ولسـان=عندي امل يرجع واشوفه والاقيـه !
لكن عزاي انه كمـا حـر شيهـان=ذكره فخرنا عزنـا فـي مماشيـه
عسـى منازيلـه بـروحٍ وريحـان=عند الولي من صالي النـار ينجيـه
والعـذر منّـك ياثلاثيـن شعبـان=ليلك حزيـن ونكرهـه ماندانيـه !!
النادرة
[/poet]
* عودٍ = مقبرة العود بالرياض
* كحيلان = كلمه تطلق على الرجل عند مدحه .
ولكنه لقب عُرف به والدي رحمه الله..
تعليق