طيّب...............حصل خير!!!
جاد الحصاد وكل فرقا وانت يا صوتي بخير
ما عاد ابي من يابس ايامي سوى صورة ظماي!!
وحدي ولا اذكرني على جال الصبر الا فقير
جيت اسقي احلامي ورحت آدوّر لنفسي معاي!!
طيف وعلى باب التعب مدت لي اقداري حصير
مرت بي اقدام ومشت باقدامي اطياف" سواي!!
هذا وانا المنفي من انفاس الصحاري والهجير
هذا وانا في دربي(الحافي) بقايا من خطاي!!
ضيف" تشربت الفضول.. وطاح من كفي مصير
رغم اني الاقرب مدى ..ضاعت يديني عن مداي!!
اسير بايامي او ايامي هي اللي بي تسير؟؟
مدري.. ولكني وصلت... ولا حصدت الا عناي!!
هو سجني اني في ركام الصمت صامت للاخير؟؟؟؟
طيّب..حصل خير..انكسر غصن وبقى صوتي معاي!!
هاني الظاهري
تعليق