غزل الأولين

يا جر قلبي من عراويه جر ارشا
.................على عقلةٍ عشرين قامة لجاذبها
على صاحبٍ ما يقدر مواجهي لو شا
.................تحده ظروف حاديتني واحس إبها
تواجهت أنا وياه قبل الوداع اعشا
.............وحلف لي وقال عهودنا لا تخون ابها
وعطيته يمين الله ما خونه وقال اخشى
...............ينسونك أهل بلادك اللي تعيش بها
وانا حالف مادمت حي أقدر الممشى
.................فحبه هوى نفسي وغالي مكاسبها
ولانيب مثل اللي بسيرة هواه افشى
................وكلٍّ درى باسم الصحيبة وصاحبها
أنا ازري على ناس تطش الهوى طشا
...................طيور لك الله قاصرات مخالبها
وبلش الهوى فيهم وهم فالهوى بلشا
................لحيث المحبة ما يعرفون واجبها
ترى الحب مثل الطيب من الاصل والمنشا
.............ولا كل من يبغي المعالي يفوز ابها
عسى بارق نوّه نخيله عصير أنشا
...............على ديرة الغالين يسقي جوانبها

(هذال بن شعيفان السبيعي)

هلا عبدالرحمن

هذا المطلوب ونا اخوك والمعذره انا والله اتابع جديدك لكن ما شا الله المنتدى اليوم مدهر ما امداني اشوف جديدك جعلك سالم ولا تخلينا من ذي ومثلها

وشرايك يا سهم بهاالقصايد هذي والاّ القصايد اللي يقولون فيها ما معناه .

تكفين لا تخليني وتروحين لغيري .
أو
أضم حبيبي و... و....
أو
اهيم مع شراع موج قاع بحر غرامي
أو
رموشك كما لحاف غرام ماضيي اللي غرق

يمكن تقول بالغت لكن أعتقد هاالكلمات بالنسبة لما قرأت من بعض الشباب تطلع عليهم أبيات عنترة في عبلة (والحمدلله أنهم ليسو من شعار هذا المنتدى)

شكرتك سابق واشكرك ذ لحين

على ها القصيده الي هي اول قصيده اطبعها في ملفي الخاص

بيض الله وجهك يا وجيه

شف غيرها لنفس الشاعرلا هنت وااتحفنا بها****
ـــــــــــــــــــــــــ

اخوك مخاوي النداوي

سوف أبحث لك أبشر يا صاحبي.

ولا استطيع أن اوعدك بشيء الآن لأن قصيدته هذه كانت من ضمن كتاب يحتوي على قصائد لشعار قبيلة سبيع وكانت هي الوحيدة له ولكني سأعاود البحث
أنت تامر يا مخاوي.