سهمجــيّه !!

[poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
إنفجر ياسوق الأسهم وأنت هافي = أسهمك يالسوق طلقات وقذايف
بيّن الله سّرك اللي كان خافي =مرجفه ومطبّله والعرض زايف
فاهم وفاهي وكذابٍ ووافي = ماأسهل الروحه وياصعب النكايف
بيع وإلقط من تحت بارد ودافي = محفظة نواف من تدبير نايف
صاله وشاشه عليها الكل لافي =ترتفع من بابها كل الكلايف
أهل الأسهم كنّهم وقت التلافي =عاطلين وسمعو بطاري وظايف
بعضهم مايدري انّه وصل حافي = غير هذي البورصه ماهو بشايف
التداول يجمع سمان وضعافي =وأسهمه فيها ثقيلات وخفايف
أسهم السوق السعودي الإحترافي = من مصايفنا خذت بعض الوصايف
سهم سابك قادها دون إختلافي = مثل ما الطايف عروسٍ للمصايف
بورصتنا جوها غايم وصافي = أوديتها وين عن روس النوايف
المواشي نسّبت يعني عوافي = والدسم منها ونسبتها نشايف!
وأسهم مبرّد مضاربها سنافي = مايعلّق مستضيف إلا بضايف
والزراعيات زرع وله قطافي = الله الله لايحوف الزرع حايف
والجماعي مركب صغار الكوافي = ماهو بكايف ولا مشراه كايف
ياسلام الله على سهم المصافي = عند ممنوع التجاوز جاك طايف
ياتداول سامبا وشفيك جافي = ماتنفّذ لي لعلّك للتلايف
دعم سهمي نقطته فيها إلتفافي = لان وسط السوق حرّيفة لفايف
هيئتك ياسوقنا فيها إرتجافي = مادرو باللي يحط الفور فايف
سببو سكّر وضغط مع النكافي = والشلل كلّي ولاهو بالنصايف
ذي سوالفهم مع سوق التجافي = قابلوه وجّربو طعم الحسايف
أشغلوني السهمجيه يامعافي = في قناه ومنتديات وصحايف
فايروس الأسهم عجز عنه المكافي = خدمة مباشر تخلي السوق لايف!
مجتمعنا سهمجي والنور طافي = طايفه متميزه بين الطوايف
يأمن من اللون الأخضر من يخافي = ويتروّع لو يشوف أحمر شفايف
هرجهم كله تنافي في تنافي = ماأدري إش مترادفاتٍ من ردايف
طرف عيني ياهل الشاشات غافي = وخاطري للبورصه كاره وعايف
الله يبل النحر بعد الجفافي = قاسم الأرزاق ممّن كل خايف
أما أنا برضاي سجّلت إعترافي = الأسهم ونفسي حشا ماهم ولايف
بصمة إبهامي على مرسوم قافي = وصف جدّيات في باب الطـرايف
[/poet]

صح لساك ولاهنت على هذا الوصف المبدع


فايروس اسهم




تقبل تحياتي

اخوي...

ناصر

صح لسانك ولاهنت

ملامسه جميله للواقع وقصيده جزله

تقبل صادق الود

تحياتي

اخوك..

حمد

طرف عيني ياهل الشاشات غافي
وخاطري للبورصه كاره وعايـف
الله يبـل النحـر بعـد الجفافـي
قاسم الأرزاق ممّن كـل خايـف
أما أنا برضاي سجّلـت إعترافـي
الأسهم ونفسي حشا ماهم ولايـف
بصمة إبهامي على مرسوم قافـي
وصف جدّيات في باب الطرايـف


ناصر ... صح لسانك .. تمكن ليس بمستغرب

تحياتي

الله يدفع البلا ياناصر


صح لسانك على القصيده الجزله اللي شرحت اوضاع مزريه



لك اطيب تحيه

صح لسانك ياريس


بحر صفاق مشاء الله العظيم الله يزيدك


متابع لمؤشر السوق

ابو يحيي

التميز سمتك

صح لسانك ولا هنت

مشهور...

عوده لك يابو يحيى


لاهنت


مشهور...

ناصر

صح السانك ولاهنت


قصيده جزله من راس جزل

لك تحياتي