ازهلها .. وتبشر !!

[align=center]
اللهم صلي وسلم على حبيبنا محمد وعلى اله وصحبه اجمعين [/align]



[align=center]ماجت امواج الخليج وزلزلت روس السـراه
وانتفض ركن الحرم والطايف اطبق اخشبيـة

وضاقت اطراف الحجاز ونجد من كل اتجـاه
ومال دجلـة للفـرات يبـثّ مشكاتـه اليـه

هذا حال الكاينات اش حالـي انـا والسـواه
وانا عبـدٍ مسلـمٍ دون النبـي باغلـى بنيـه

شفت ما خطت اياديهـم علـى سيـد الهـداه
وارتعش عظمي وباح الدمع مـن تيّـه وتيْـه

وتلنـي همـي كمـا تـل المقيّـد مـن قفـاه
تلـه السجـان لا راحـم ولا شافـق عليـه

وذبه في وسط السجن يا كن قلبه مـن صفـاه
ودق صفحـه فالجـدار اليـن ورّم وجنتيـه

وضاق صدري ضيق محكوم القصاص اذا لفاه
علم بالتنفيـذ وان الوقـت ماهـو فـي يديـه

وقال لا جا خيه في وقت الزيارة يـا عسـاه
يبلْغه يبلّـغ اهـل الخيـر شرهـات الشريـه

وابتـدى وقـت الزيـارة وانتهـى ولا لقـاه
وما بقى له غيـر يطلـق للبكـاوي دمعتيـه

وانفرى كبدي فري من شاف بنـتٍ لقصـراه
حوطوها طالبيـن السـو وصاحـت تحتميـه

وهو مصوب فالقدم والقيد محوي فـي يـداه
وكـل مـا وقـف تعثّـر وانقحـم لركبتيـه

كل ما صاحت يصيح الين ما جابـت قصـاه
وقـام يلعـن حالـه ونفسـه ويلعـن والديـه

يابعد كل العرب مـن الملـوك الـى الرعـاه
كل واحد فينـا يفـدى شاربـك بامـه وابيـه

يا اشرق وجيه البشر واعز من يطوي الفـلاه
واشرف اصفيـاء ربـي وانبيـاه ومرسليـه

يا اشجع من الموت لا جت حزته ياخذ قـراه
ويا حليم احلم من الطفل اليتيم علـى السفيـه

يا اجود من الغيم واصدق مـا ترتلـه الشفـاه
واصبر من الدرع لا جا كل سيف وصك فيـه

باسمك ينادي المنـادي يـوم ينـادي للصـلاة
وانت تشفع فـي نهـارٍ فيـه يحتـار النبيـه

وانت اول مـن بيفتـح بـاب جنـات الالـه
واخر انبياء ربـي مـن تـرك هديـك يتيـه

ارسلك ربي لتخرجنـا مـن غبـوب وعمـاه
والصحابه دونك تحامـي وعرضـك تفتديـه

اظفروا بك في حياتـك درع وسـلاح وعبـاه
وجاهدوا دونك وفلوا كـل سـرب وراكبيـه

وحنـا والله لا ظفرنـا بـك ولا كنـا حمـاه
وهذي حزتها نفـادي دونـك بكـل مـا تبيـه

ازهله لي يـا ابـا القاسـم وتبشـر فالبغـاه
مات (حسانك) وقام (سعيدك) يضـدّ الوجيـه

الصور مدري الرسوم تبيّـن اللـي فالخفـاه
بانت البغضا وطاح الستر عـن وجـهٍ كريـه

بعد ماهي فالصـدور تعلقـت علـى الجبـاه
وصارت اوضح من شعاع الشمس للي حادريه

يا رعاعيع البقـر!! والكيـل طفّـح جانبـاه!!
صارت اكبر من جملنا بالمكـر يـا ماكريـه

كـل شـي الا رسـول الله وخيـرة انبـيـاه
دونـه المليـار يدحـم لـه فـداة لناظـريـه

دونه رقاب ووجيـهٍ تـدرع طعـون العـداه
والله من فـوق العبـاد يكـف نبيـه شاتميـه

علـم الكافـر وقلـه لا بلـغ سيـلٍ زبــاه
كل مسلـم يفتـدي دون النبـي بامـه وابيـه

ولا افتدي بالوالديـن الا النبـي سيـد الهـداه
عد ما هل المطر .. صلـى الله وسلـم عليـه[/align]

[align=center]وسلامتكم [/align]

لله درك من شاعر



اشهد بالله انك مبدع



كذا الشعر او بلاش





تحياتى

هلابك ياسعيد

كـل شـي الا رسـول الله وخيـرة انبـيـاه
دونـه المليـار يدحـم لـه فـداة لناظـريـه

اي والله كل شي الا رسول الله

لله درك قصيدة في محلها وفي وقتها


تحياتي

كـل شـي الا رسـول الله وخيـرة انبـيـاه
دونـه المليـار يدحـم لـه فـداة لناظـريـه

دونه رقاب ووجيـهٍ تـدرع طعـون العـداه
والله من فـوق العبـاد يكـف نبيـه شاتميـه

علـم الكافـر وقلـه لا بلـغ سيـلٍ زبــاه
كل مسلـم يفتـدي دون النبـي بامـه وابيـه


الله الله يا سعيد

بيض الله وجهك قصيده صادقه من قلب صادق

صح لسانك يا السنافي


تحياتي

الشاعر الخلوق سعيد بن واااحش




جعلها الله في ميزان اعمالك هذه القصيده



وصح الله لسااانك


وحسبنى الله ونعم الوكيل





تقبل تحياااتي


عبدالناصر

خالد الذيابي



مرحبا الووف



صح بدنك ياذيب ولاهنت

الاخ الكريم سعيد بن واحش

صح الله لسانك وعلا مقامك

قصيده معبره والله يعز الدين والمسلمين لنصره الحبيب المصطفى

لاهنت ياسعيد

حسبنا الله عليهم ونعم الوكيل


والله يخزيهم ويذلهم ويرينا فيهم عجائب قدرته


صح الله لسانك ياسعيد على هذه الصادقة والمعبره عما في نفوسنا جميعاً وهذه عوايدك الشعر الهادف والمعبر دائماً


فقط هذا البيت لي عليه تحفظ :
كل ما صاحت يصيح الين ما جابـت قصـاه
وقـام يلعـن حالـه ونفسـه ويلعـن والديـه




صح الله لسانك مرة أخرى



أخ وك

ابو ثامر



مرحبا ملايين



وجودك شرف بحد ذاته


والله ينصر الاسلام


صح بدنك ولاهنت

بيض الله وجهك

شاعر وتستحق

المتابعه

كـل شـي الا رسـول الله وخيـرة انبـيـاه
دونـه المليـار يدحـم لـه فـداة لناظـريـه

دونه رقاب ووجيـهٍ تـدرع طعـون العـداه
والله من فـوق العبـاد يكـف نبيـه شاتميـه

علـم الكافـر وقلـه لا بلـغ سيـلٍ زبــاه
كل مسلـم يفتـدي دون النبـي بامـه وابيـه

ولا افتدي بالوالديـن الا النبـي سيـد الهـداه
عد ما هل المطر .. صلـى الله وسلـم عليـه


سعيد بن واحش


قصيدة تختصر الكثير بين طيات حروفها

عبّرت بكل صدق


لله درك وجعل ما كتبته في موازين حسناتك


وجعل مافعلوه عذاباً نراه فيهم نهاراً عياناً ياذا العزة والجبروت


دمت بخير

اخوي الشاعر الجزل

سعيد

صح لسانك وعلا شان والله يبيض وجهك ويرحم والديك

وفيت وكفيت ربي يطول عمرك على طاعه

قصيده وافيه من شاعر وافي

تقبل صادق الود

تحياتي

اخوك...

حمد

هلابك ياسعيد

كـل شـي الا رسـول الله وخيـرة انبـيـاه
دونـه المليـار يدحـم لـه فـداة لناظـريـه

اي والله كل شي الا رسول الله

لله درك قصيدة في محلها وفي وقتها


حفظك الله

فهد دلباح

مرحبا ملايين


ولاعليك زود يا رفيقي


صح بدنك ولاهنت

عبدالناصر الفهاد


مرحبا مليون


لاهنت وشاكر مرورك