:+: عـــــبــــرة :+:

اخي الفاضل سالم اليامي

شكرا لمروك الراقي .. لا هنت

تقبل تحياتي

اختك

الله واكبر




سلام الله على من كـان بـادي
وهيّض مهجتي وابكى فـوادي
قريت الحرف وادمى القاف جرحٍ
قديم و شارك جـروحٍ جـدادي
وقمت اكتب مع العبـرات ونّـه
يعبّر شطرها سطـر المـدادي
يدق الضلع مـا بيـن الحنايـا
على جرحٍ قديم ومنـه غـادي
وذكرى حبّـه المنهـي دعتنـي
و ضيّعت الهدى عقب الرشادي
حدا قلب المشقّـى حـب خـلٍ
على درب الحزن والهم حـادي
وانا من قبل حبه كنـت سالـي
ولا لي في الهوى درب وعوادي
ملكني عقـب سلوانـي بحبّـه
بجهدٍ منـه وابديـت اجتهـادي
رسمته صـورةٍ تحكـي غلانـا
حنيـن وشـوق عبّرهـا ودادي
إلا منّه حكـى بالحـرف كلمـه
تريض الجامحة بين الجـوادي
ومر الوقت ونهر الـود يجـري
على قولٍ لطيف وجـو هـادي
رعـاك الله يـا وقـتٍ ذكرتـه
مضى من دون ما ابلغ مـرادي
والا يالله من وقـتٍ غـدر بـي
عقب وقت الرخا جبت السهادي
تفـرّق بيـن مضنـونٍ وخلّـه
وقلب العاشق بصوتـه ينـادي
وكم ليلٍ علـى ليلـي رضفتـه
ونور الصبح يغشـاه السـوادي
ولو اني حبست دمـوع عينـي
وبانـت لحظـةٍ فيهـا عنـادي
يضج من العنا والهـم صـدري
وهو يدوي كما صوت الرعادي
صفقت الكف فوق الكف حسـره
ولو انّـه بدالـي شـي عـادي
طويته قبـل يطوينـي بذكـرى
وشمت بـواد وخليتـه بـوادي
ترى درب الهوى في كل خطوه
تحَسْب حسابها قبـل النفـادي
وخذ مني على ماقيـل " عبـرة"
تنال بها طريـقٍ بـه سـدادي
اصوغ الشعر لك بازكى التحايـا
عدد ما هبّ نسنـاس البـ رادي

ابداع وحرف فاخر وفوق العاده

صح لسانك ولاهنتى