طفلها اللي تحضنه

[poet font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=" dropshadow(color=white,offx=4,offy=4) shadow(color=white,direction=135)"]
.
قالت عيونك ماتشوف إلا الجميل من الصور=أما زهور ملونه وإلا طيور ملونه
عشت الحياه أفراح ماتعرف هموم ولاكدر=واللي يعانوه الكبار إحساس ماتدري عنه
فرحتك تبدأ وقت ما تحزم متاعك للسفر=وانا أعتبرها ساعة الفرقا ولحظه محزنه
وانته ربيعك طلعة الوسمي وهمال المطر=وانا ربيعي ينتظر جيّتك حتى تعلنه
واقول ذي غيبة سنه وتقول ذي غيبة شهر=كيف السنه عندك شهر وأنا الشهر عندي سنه
وصيتي من يوم تقفى وإعرف إني بنتظر=في كل يوم إنك تذكّر قلب الأم وطمنه
كانت تقوله يوم انا مازلت في سن الصغر=واليوم إذا وادعتها لابد تسمعني منه
الأم لو يصبح ولدها عود محنيّ الظهر=أحيان يرجع في نظرها طفلها اللي تحضنه
.
[/poet]

عبد الله الطلحي


صح السانك



علي الرائعه


تحياتي لك

الأم لو يصبح ولدها عـود محنـيّ الظهـر
أحيان يرجع في نظرها طفلها اللي تحضنـه

عبدالله

صح لساانك

ولاهنت

اخوك

الراوي