امـــــــــــــي

بلا مقدمات


ياميمتي ياجعل ربي يعافيـــــــــــــــــــــــــك *** اطلب من الله يحفظك كل حينـــــــــــــــــــــي

اللي خلق خلقه ملوك ومماليـــــــــــــــــــــك *** الواحد المعبود ماله عوينـــــــــــــــــــــــــــي

أرضيت ربي دمت انا صرت مرضيـــــــــك **** دامه رضاه اردف رضا الوالدينــــــــــــــــــي

والله ماغبتي ولاغاب طاريـــــــــــــــــــــــك *** حتى وانا نايم فنومي تجينـــــــــــــــــــــــــي

ياليتني عندك واسولف واقهويـــــــــــــــــك *** الصبح قبل النور مع فذتينـــــــــــــــــــــــــي

وياليتني آخذ من العمر واعطيـــــــــــــــــك *** في ذمتي لاعطيك باقي سنينــــــــــــــــــــــي

وياليتني فدواك من باس ياتيـــــــــــــــــــك *** يفداك فوق النفس مافي يدينــــــــــــــــــــي

وياليتني ترابٍ توطاه رجليـــــــــــــــــــــك *** واقول قومي يااْم مشعل واْطينـــــــــــــــــــي

وياليت في خدي مواري مواطيـــــــــــــك *** لاوالله ....الا ليتها فالثنينـــــــــــــــــــــــــي

وعهدٍ علي إن كان مالشعر يرضيـــــــــك *** لاكب قول الشعر حالف يمينــــــــــــــــــــي

وان كان مازين القصايد تجي فيـــــــــــك *** ملعون أبو شعرٍ طروقه تجينـــــــــــــــــــي

هذي جواهر مهجتي بين اياديــــــــــــــك *** امي عسى الله يحفظك كل حينـــــــــــــــــي

هلا ابو سجود

بيض الله وجهك بيض يشيع مع كل ريع والأم تستاهل من يقول فيها القصائد التي هي بالفعل تستحقها ،،،، شكرا اخي وياليت نسمع قصائد من هذا النوع .

اخوك سهم المنايا

ابو سجود بيض الله وجهك من احق من الام بالمدح هاذ جزء بسيط من برهخا وقمت به والله يعيننا وياك على القيام بواجب البر

وعسى سجود واخواتها يجون عندك مثل ما جيت عند امك



تسلم يابو سجود

اقول عسى الله يخليها لك ويطول فعمرها ويخليك لها ...


صح لسانك ولا هنت ..

سهم المنايا
وجهك ابيض يالغالي
و
شكراً على كل حرف سطرته

والام تستاهل اكثر وفعلاً ياليت نشوف قصائد في الام

بسم الله الرحمن الرحيم

الله عليك ..
وعلى قصيدتك ..
انشاءالله تكونمن البارين يابوسجود

العزيز أبو سجود
الجميل لا يأتي إلا بالجميل
أسأل الله أن يجعل هذه القصيدة في ميزان حسناتك
ودمت للحب والوفاء
أخوك / نادر....

ابو سجود...
.
.
.
.
الله يخليها لك..ويطول بعمرها
.
.
.
وصح لسانك،،

الشهراني

ووجهك ابيض يالنشمي

الاخ العزيز ابو سجود

السلام عليكم ورحمة الله وبركاته


صح السانك وبيض الله وجهك والله لايحرمك الاجر


تحياتي لك

راائع

صح لسانك

خير ما بذلت من قصائدك فهي لقرّة عينك

سلمها الله وحفضها لكم وحفضك لها




الفـــارســــه

الرائع ابو سجووووووووووووووووووووووووووووووووووود


الله يخلي لك ميمتك ياااااااااااااااااااااااااااااااارب

جميييييييييييييييييييييييله خاصه انها في الاغلى على الاطلاق

وياليتني تراب تاطاه رجليك ..... واقول قومي ياام مشعل واطيني

وياليت في خدي مواري مواطيك ..... لاوالله الا ليتها في الثنيني


الله الله الله عليييييييييييييييييييييييييييييييييك

رائعه بكل ماتحمله هذه الكلمه من معنى

تحياااااااااااااااااااااااااااااااااااتي

عبدالله الملحم

اجرأتلاميذ الكون......واصدق مجانينه

يكفي دخولك الى القصيدة لتقرأها ....... وهذا يكفيني

دمت لاخيك

هيفاء البدر

بكل فخر احدى معجبات البدر
---------------------------
ومن قال وعساك سالمة

نادر الشعر

الجمال ينبع من ثنايا حروفك ومن طيب اصلك

دمت لاخيك