Tweet
ابطيت عليكم ؟
ادري لكن الله يعين على رضاكم
رضاكم كايد
اقــــول
من نوا يرقا لغاياته وصمّل * أطلق خيول السبق وارخى الأعنّه
لين يكمل له طريقٍ ما يكمّل * والتكلّف والقسا لا بد منّه
الدهر (رجّـال) والأيام (حمّـل) * والقدر ببطونها مثل (الأجنّــه)
ومن غدا حضّه شحيح وما تجمّل * خيّبت لو تنجب الأيام ظنّه
والفطين ان بار به حضّه تحمّل * لين يلقا غايته : همّه يكنّه
ما يضحي بالأمل دامه تأمّل * صاملٍ ما يستمع للياس رنّه
وانت .. يا مرسل قضا نعّاس خمّل * فاتكاتٍ بالصويب اللي رمنّه
والله انّك غايتي اللي ما تهمّل * واني اصمل من يجيك العلم عنّه
باجتمع ويّاك لو قلبي يسمّل * في طريقي بالهموم اللي تدنّه
ولو وطيت الشوك في دربك محمّل * بالحمول آصلك ما جريت ونّه
ليــــه عن شرع الهوا قلبك تزمّل * وانت بعيونك رميت انسه وجنّه ؟
ما يجمّلك الجمال وبك يجمّل * يكتسب منّك تعابيره وفنّه
من رشف بعيونه النظره تثمّل * ناسيٍ جرحه يشوف النار جنّه
وانت يالقاسي تزيد الجرح دمّل * بالجفا تقسا عليه وما تحنّه
يا عذابٍ من نظر فيك وتأمّل * شاف لدلال الحلا هيله وبنّه
نــاقــة الوصل الكـريمه لا تشمّل * خـل عينـي تحتلبهـا دون منّــه
وســـــلامــــتــــــكــــــم
خوي المطاليق
تعليق