Tweet
اخواني واخواتي
اسعد الله اوقاتكم
العذر عن الانقطاع لظروف لاتخفى على اكثركم..
اليكم هذه القصيده اللتي لاتفي بالغرض ولكن
اتمنى من كل قارئ لها الدعاء لاخوي سهم بالجنه
ولكل اموات المسلمين
عساكم ماترون مكروووووه
[poet font="Simplified Arabic,4,black,normal,normal" bkcolor="white" bkimage="" border="inset,4,gray" type=0 line=200% align=center use=ex length=0 char="" num="0,black" filter=""]
بين العناد وبين رغبات الاقناع=امسيت انا والفكر مخطي وصايب
ما للهموم من القفص درب مطلاع=الاّ انها تغدي ضلوعي حطايب
حتى البيوت اللي تطيب ابها الاسماع= جادونها مثل الفتن والحرايب
جالي شهر لاعاد لاشري ولابتاع=انقى وعيّن يركدن الشوايب
لاقلت خمس ابيات والفكر منصاع=ذبحتهن واحييت عنهن نوايب
كل البيوت هزال في ذرب الاطباع=واحلى طروق الشعر شايب وعايب
مايكتمل فاللي على الطيب فزّاع=اللي رحل عنا وشد الركايب
اهبّي يالدنيا مولدة الاوجاع=ياويل من تبلينهم بالمصايب
بلواك الي في راهي الشبر والباع=اللي على قبره ركزنا النصايب
وتفتّحت من عقب فرقاه الارواع= وكثرت علينا من وراه النوايب
ابو..واخو..ماهوب شاكي وجزاع=يشيل من فوق الصعايب صعايب
عليه قلبي بين الاضلاع ينلاع=وعليه شبّت في حشاي الشبايب
وعليه حزني مرتكٍ بين الاضلاع=وعبرات عيني كل ليله سكايب
لاجيت في مجلس جحدت اقوى الاوجاع= لو في صوابي ماتطب الطبايب
اسكت وقلبي غادياً له تمزّاع=ولا ارد عبرة حلقي الاّ غصايب
والموت حق ولامن الموت مجزاع=ولابد تاخذنا الليالي نهايب
وخسارته تحسب خساره بالاجماع= ماتقتصر على الاهل والقرايب
حتى اصدقاه اللي بعيدين الانجاع=اشوف صايبهم من الحزن صايب
واهل العقول اللي يعرفون الاسناع=يبون يرفون الفتوق العطايب
قالوا ثلاث ايام وتزين الاوضاع= قلت اني انسى ذي من اقوى الغرايب
لو انه ازعلنا قبل يوم نرتاع=يمكن نحصّل للتناسي سبايب
لكن رحوم ولااغرته كثر الاطماع= ودايم ونظراته علينا رقايب
دايم يوصيّنا على امر التجماّع=ونقول تبشر ياعطيب الضرايب
انا اشهد ان موته على الكبد مرقاع=بيبطي ويستنزف ولاهوب طايب
واني تجرعت المراره تجراع= ودفعت لايام السعاده ضرايب
ليت العمار تساق فدوه وتنباع= واسوق عمري من حساب الجلايب
واقول هو يرجع ويمشي على القاع= وانا بداله في ثرى القاع غايب
واللي خلق ماني بكاذب وخداع= وانيّ ما اقول انا عليّ الغلايب
يالله ياعالم خفى السر ماشاع= ياالمحيي المميت مذري الهبايب
اسعد(سهم) في جنتك بالتمتاع= واغفر ذنوبه ياجزيل الوهايب
وعظه بنعيمك والامل فيك ماضاع= يالواحد المعبود منشي السحايب
وعظنا بروس صغاراً النا بها اطماع=لعل مافيهم رجانا بخايب
اكبرهم اللي قاصرٍ مابعد فاع= واصغرهم اللي في تخطيّه هايب
وصلاة ربي عد ماهب ذعذاع=على رسول الله شفيع الكتايب
[/poet]
اسعد الله اوقاتكم
العذر عن الانقطاع لظروف لاتخفى على اكثركم..
اليكم هذه القصيده اللتي لاتفي بالغرض ولكن
اتمنى من كل قارئ لها الدعاء لاخوي سهم بالجنه
ولكل اموات المسلمين
عساكم ماترون مكروووووه
[poet font="Simplified Arabic,4,black,normal,normal" bkcolor="white" bkimage="" border="inset,4,gray" type=0 line=200% align=center use=ex length=0 char="" num="0,black" filter=""]
بين العناد وبين رغبات الاقناع=امسيت انا والفكر مخطي وصايب
ما للهموم من القفص درب مطلاع=الاّ انها تغدي ضلوعي حطايب
حتى البيوت اللي تطيب ابها الاسماع= جادونها مثل الفتن والحرايب
جالي شهر لاعاد لاشري ولابتاع=انقى وعيّن يركدن الشوايب
لاقلت خمس ابيات والفكر منصاع=ذبحتهن واحييت عنهن نوايب
كل البيوت هزال في ذرب الاطباع=واحلى طروق الشعر شايب وعايب
مايكتمل فاللي على الطيب فزّاع=اللي رحل عنا وشد الركايب
اهبّي يالدنيا مولدة الاوجاع=ياويل من تبلينهم بالمصايب
بلواك الي في راهي الشبر والباع=اللي على قبره ركزنا النصايب
وتفتّحت من عقب فرقاه الارواع= وكثرت علينا من وراه النوايب
ابو..واخو..ماهوب شاكي وجزاع=يشيل من فوق الصعايب صعايب
عليه قلبي بين الاضلاع ينلاع=وعليه شبّت في حشاي الشبايب
وعليه حزني مرتكٍ بين الاضلاع=وعبرات عيني كل ليله سكايب
لاجيت في مجلس جحدت اقوى الاوجاع= لو في صوابي ماتطب الطبايب
اسكت وقلبي غادياً له تمزّاع=ولا ارد عبرة حلقي الاّ غصايب
والموت حق ولامن الموت مجزاع=ولابد تاخذنا الليالي نهايب
وخسارته تحسب خساره بالاجماع= ماتقتصر على الاهل والقرايب
حتى اصدقاه اللي بعيدين الانجاع=اشوف صايبهم من الحزن صايب
واهل العقول اللي يعرفون الاسناع=يبون يرفون الفتوق العطايب
قالوا ثلاث ايام وتزين الاوضاع= قلت اني انسى ذي من اقوى الغرايب
لو انه ازعلنا قبل يوم نرتاع=يمكن نحصّل للتناسي سبايب
لكن رحوم ولااغرته كثر الاطماع= ودايم ونظراته علينا رقايب
دايم يوصيّنا على امر التجماّع=ونقول تبشر ياعطيب الضرايب
انا اشهد ان موته على الكبد مرقاع=بيبطي ويستنزف ولاهوب طايب
واني تجرعت المراره تجراع= ودفعت لايام السعاده ضرايب
ليت العمار تساق فدوه وتنباع= واسوق عمري من حساب الجلايب
واقول هو يرجع ويمشي على القاع= وانا بداله في ثرى القاع غايب
واللي خلق ماني بكاذب وخداع= وانيّ ما اقول انا عليّ الغلايب
يالله ياعالم خفى السر ماشاع= ياالمحيي المميت مذري الهبايب
اسعد(سهم) في جنتك بالتمتاع= واغفر ذنوبه ياجزيل الوهايب
وعظه بنعيمك والامل فيك ماضاع= يالواحد المعبود منشي السحايب
وعظنا بروس صغاراً النا بها اطماع=لعل مافيهم رجانا بخايب
اكبرهم اللي قاصرٍ مابعد فاع= واصغرهم اللي في تخطيّه هايب
وصلاة ربي عد ماهب ذعذاع=على رسول الله شفيع الكتايب
[/poet]
تعليق