وداعـ ـ ـ ـ ـ

لعنبوا بعض القصايد كان مافيها حلا


ماتروح الا وتترك للحنايا جلجله




تبتدي مثل المزون اللي تسولف للكلا


ولاخذت قامت ترزّم مثل شهبٌ منزله




فوق صدر الشاعر اللي عن طواريقه جلا


لين شاف اخت القصايد بالقصايد مقبله




ياهلا بـ اخت القصايد كثر شوقي ياهلا


اقلطي بين الحنايا وافهقي جمر الوله




كل ضلعٍ من ضلوعي حافظٍ درس الولا


مثل حفظك للعفاف وللشرف يامدهله




سولفي كذا السوالف تنسمع والا فلا


وان بغيتيني اسولف .. اسأليني اسئله




اسأليني وابتديها .. بالنهار اللي تلا ..


ليلة ان الجرح يقرا فـ الضلوع البسمله




واسأليني عن زماااني كم شرب فيّ وكلا


انتهي من مشكله والقى وراها مشكله




المشاكل بهذلتني في غيابك ... والبلا ...


مالقيت اللي احط السر عنده وازهله




كل مااسمع - كيف حالك - ينقبض جفني على ..


دمعةٍ تبغى تقول الحال دمع ومهزله




وابلع العبره واقول : بخير والهم انجلا


وآخر الهرج آتلعثم فيه وانقض أوله




ليه غبتي .. ليه غبتي وانتي اللي ماملا ..


عيني الا همس صوتك في زمان البلبله



.


.



.


يااااااه شفتي وين راح البال بالشعر وسلا ؟؟!!


قمت اعااتب فيك وانتي فـ الضلوع مدلـله





لـنّي ماصدّقت نرجع للقصايد والغلا


بعد ذاك اليوم يوم اجنبت وانتي مشمله



.


.


اييييه ماصدّقت لكن ياعساني ماخلا ..



اقلطي بين الحنايا وافهقي جمر الوله




_______

استودعكم من لاتضيع ودائعه

فهد

صح إلسانك






الله الله


يافهد المساعد



صح إلسانك

والله اني افرح كل مشفت لك قصيده جديده





بندر


ALSHDADI@HOTMAIL.COM

الاخ فهد
صح لسانك
والقصيده عندي من زمان
محتفض فيها من احدى المطبوعات
لانها تعد من عيون الشعر
تقبل احترامي وتقديري

.. الشاعر الاخ : فهد المساعد


.. صح الله لسانك رائع يا فهد . تكتب فنقرا فنقف نصفق لهذا الابداع المترامى الاطراف فى ما تكتب . شكرا لك على الابداع

... تقبل تقديري

.. اخوك سهيل

اخوى...............العذب ....فهد المساعد


علا قتك مع المفردات.............متفرده

وحينما تكون............يكون هناك الابداع والتفرد.


لك من اصدق الود.

فهد

لماذا تصر دائما ً على الوداع

وانت اجمل من اللقاء

قصيده لازلت اقرأها كل ما احسست برضا النفس

اخي الكريم

هل استدركتنا في عوده ؟!

دام الجمال ايها الجميل

تحياتي

[نزف الجروح]

وداع ايش اللي تتكلم عنه !!!!؟؟؟؟؟



استهدي بالله وخلك حبيب

يااااااه شفتي وين راح البال بالشعر وسلا ؟؟!!

قمت اعااتب فيك وانتي فـ الضلوع مدلـله
الأخ الشاعر فهد المساعد

قصيدة من اروع ما قرأت ،راقصة، حالمة، باكية ،الخ....

يافهد انت رائع بحق ،والقريشي يقول انها مبطية بس نبغى الجديد الأروع صح لسانك ودمت سالما غاليا لأخيك

فهد المساعد ....

تسلم تسلم على هالابداع ....

تقبل اعجابي ...

اخوك:
عايض راشد

قبل كل شي ابعرف وش معنى الكلام هذا يا فهد :-

_______

استودعكم من لاتضيع ودائعه

فهد


لا
لا
لا
لالا

لالا والف لالا يا فهد

تواصلنا معك هنا اسعدنا كثير رجاء لا تغيب

وتراني في ذمتك


نرجع للقصيدة


اقول صح السانك وعلى فكرة من حبي في هالقصيدة واعجابي فيها حافظها عن ظهر قلب وارددها دااااائما وكل ما اتذكرها واردد في كلماتها اذكرك بالخير واقول الله يطول في عمرك ولا يحرمنا منك ولا من قصايدك

[عاشق الغرياف]

فهد المساعد



اسعد الله صباحك بكل عطور الشاذليه



الله عليك جميله ...


تعكس جمال قائلها .....



رقيقه ....


تعكس عذوبة قائلها ...




فهد المساعد



شاعر تقف المفردات صاغره ...



امام قامته الشامخه فى صرح الشعر ...



تتبعه المفرده الى حيث يذهب ....



تتوسله وتستعطفه ...



لكى تكون ضمن مفردات ابيات قصيدته ..



فهنيئا لك يا فهد بحب المفرده لشعرك




وهنيئا لنا بك شاعر نتنفسك فى النداوى




شعر ؟؟؟ وعذوبه ؟؟؟ ورقه ... وجمال






لك منى كل الحب والاحترام والتقدير




اخوك : عاشق الغرياف

انا








































لها

















اطمئن

الاخ العزيز فهد المساعد

السلام عليكم ورحمة الله وبركاته

صح السانك فعلا يافهد انت مبدع ولاتحرمنا من ابداعاتك

نتمنى ان لاتغيب

تحياتي لك اخوك وقــــــاد العتيبي

فهد المسااااااااااااااااااااااااااااااااااااااااعد

ايها الرائع

جميييييييييييييييييييييييييييييييييييييييل

ابلع العبره واقول بخير والهم انجلا
&&&&&&&&&&& وآخر الهرج اتلعثم فيه وانقض اوله


يا سلالالالالالالالالالالالالالالالالالالالالالالالالالالالالال الالالالالام
تحيااااااااااااااااااااااااااااااااااااااااااتي

اخوي العزيز فهد المساعد .....ز


كل مااسمع - كيف حالك - ينقبض جفني على
_______________________ دمعةٍ تبغى تقول الحال دمع ومهزله..


وابلع العبره واقول : بخير والهم انجلا
______________________ وآخر الهرج آتلعثم فيه وانقض أوله..

لا اعلم كيف يمكنك استحداث مواضيع قصائدك بهذه القدره العجيبه ...؟؟

اما هذه المره انت في اكثر حالاتك تصريحا لما تتعمد اخفاءه ..

.
.
.
.
.
.
.
.

معزوفه من قديمك..

قال انا كني غريبٍ ضيع دروب المدينه
....................... قلت انا كني مدينه تنتظر رجعة غريب

هذا البيت عندي بقصيده ....



[تم تعديل الموضوع من قبل النايفة بتاريخ 05-20-2001 الساعة 05:07 AM]